Binwat 15:1 - Hanunuu

¹ May manga tawu nagluwang sa Antiyukya ginan sa Hudiya. Kanda tudlu sa manga patar-ari magkun, “Dayu mahimu kamu maribri nu unman kamu turiun dapu angay sa Kasuguan ni Muysis.”

Binwat 15:1 Iomraidhean Croise

Libitiku 12:3

Sa ikawalu pag sirang turiun kay anak.

Huwan 7:22

May bilin si Muysis sa kanyu kailangan turiun niyu kanyu manga anak. Nu sa ungud balaw tunda ginan sa kan Muysis. Daan di tunda pag ugali inumpisahan kaybi di waya manga ginurang. Nakan pagturiun niyu ti manga anak lalaki una sa Sirang Pamahari.

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Binwat 15:22

Nakan ngani pinagkausahan manga apustul, manga manug-asiwa iglisya hanggan buu iglisya hampay pumili sida ginan sa kanda gurupu manga masugu nida tabug sa Antiyukya, kaibahan nida ni Pablu ni Birnabi. Bag-u pinili ngani nida si Hudas, kay usa ka ngaran si Barsabas, hanggan si Silas, parihu sida takinan manga patar-ari sa Panginuun.

Binwat 15:23

Ipinadara nida kanda surat sa kanda ni Silas tabug sa Antiyukya. Kaindaay kanda surat: “Kami duy, ti manga apustul hanggan ti manga manug-asiwa iglisya magkamusta sa kanyu sa manga patar-ari balaw Hudiyu sa banwa Antiyukya, sa daga Sirya hanggan sa daga Silisya.

Binwat 15:24

Nabaritaan nimi may manga tawu sitay ginan sa kanmi gurupu nag-asan sa kanyu, madi sida unman nimi sinugu. Nagpaaburidu kunu sida sa kanyu ag kanda manga adal nan-gulu sa kanyu.

Binwat 15:3

Nakan sinugu ngani sida iglisya. Sa kanda maglakaw sa daga Pinisya hanggan sa Samarya itinultul nida nu kabitay ti manga balaw Hudiyu nagsarig yi waydi sa Diyus. Pagka nadnugan manga patar-ari inda pag manga barita, nakabaya gid ungud sida tanan.

Binwat 15:32

Sida ni Hudas ni Silas manga purupita diman waydi, nakan nadugay waya sida ati nanudlu sa manga patar-ari hampay pagpabisugun kanda naisipan ag pagparig-unun kanda pagsarig.

Binwat 15:5

Dapat may manga patar-ari diman sa kan Kiristu siyun manga napasakup sa surundanun manga Parisiyu. Tinmindug sida bag-u sinabi nida magkun, “Ti manga balaw Hudiyu nu nagsarig sa kan Hisus kailangan magpaturi. Kailangan diman sida tudluan hampay kanda tupadun ti Kasuguan ni Muysis.”

Binwat 21:20

Pagka nadnugan nida kan Pablu manga tultulanun, nagdayaw gid sida sa Diyus. Bag-u kanda sinabi sa kan Pablu magkun, “Alam diman nimu, patar-ari, balaw di pira ka libu ka Hudiyu nagsarig sa kan Hisus. Sida tanan mahigpit gid pag magtuun sa Kasuguan ni Muysis.

Binwat 6:14

Nadnugan gid nimi kay magsabi magkun, tunda pag tawu si Hisus taga Nasarit tulagun niya aban ti Balay Diyus ag ilsan niya ti manga ugali kanta minana ginan sa kan Muysis.”

Galasya 2:1

Pagka nakalawuy ti sampulu may upat ka timpu nag-atag maan aku sa Hirusalim kaibahan niku si Birnabi hanggan si Titu.

Galasya 5:6

Nu ti tawu magpakiusa sa kan Kiristu Hisus, unman mahalaga sa kanya una siya tinuri una unman tinuri. Ti mahalaga lang nu kita magsarig sa kan Kiristu ag nu kanta pagmahalun ti manga iba dahil sa kanta pagsarig sa kanya.

Galasya 6:12

Tunda pag manga tawu ti magpilit sa kanyu hampay magpaturi, magkaibug lang sida magpakakit-kakit sa manga iba. Pagbuwatun nida tunda, hampay sida balaw pag-unuunuhun ga mangyari nu abi pag-itudlu nida ti kahulugan kamatayan ni Kiristu sa kurus.

Kulusas 2:16

Nakan ngani danga yi gid magpasakup kamu sa kanda manga tun-anun tungkul sa manga karan-unun hanggan irinmun, tungkul sa manga kapistahan, tungkul sa manga lapus lati hanggan Sirang Pamahari.

Kulusas 2:8

Pag-aman kamu hampay balaw kamu madara kadunungan unman may kabuluhan pinathaw lang tawu, manga pinangawat ginurang, manga ugali kalibutan. Tunda pag kadunungan balaw ginan sa kan Kiristu.