Binwat 14:2 - Hanunuu

² Dapat may manga Hudiyu nagdayu sumarig sa kan Hisus. Pagka dugay inudyukan nida ti manga balaw Hudiyu hampay lumaban sa manga patar-ari.

Binwat 14:2 Iomraidhean Croise

Huwan 3:36

Nu ti tawu magsarig sa Anak, may tutuu pag buhi siya unman may katapusan. Dapat nu ti tawu unman magpaniwala sa Anak, dayu siya makatanggap buhi, bagkus ngap udyi madura sa kanya kay parusa Diyus.

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Binwat 13:45

Dapat ay pagka nakitan manga Hudiyu ti kayamuan gid tawu, naghirak gid sida nakan pinahimudil lang nida kay manga pagsabihun ni Pablu, minura waya nida siya.

Binwat 13:50

Dapat ay nag-udyuk ti manga Hudiyu sa manga mayaman pag babayi manga niabay sa surundanun Hudiyu hanggan sa manga lalaki may kangaranan sa banwa hampay unu-unuhun nida sida ni Pablu ni Birnabi. Bag-u tinulak ngani sida siyun ginan pag manga rugar.

Binwat 14:19

Dapat ay may rinmas-ug ati sa Listara manga Hudiyu ginan sa Antiyukya hanggan ginan sa Ikunyu. Inudyukan nida ti manga tawu laban sa kan Pablu bag-u kanda binatu siya. Pagka kanda hantup tigbak yi si Pablu, kanda kinarudkud tag sa luwas banwa.

Binwat 14:4

Nakan ngani ti manga tawu sa banwa napabliwa ti iba sa manga Hudiyu, ti iba sa manga apustul.

Binwat 14:5

Bag-u pinagkausahan manga balaw Hudiyu hanggan manga Hudiyu kaibahan kanda manga pinunu hampay lumaban sa manga apustul. Kanda gayak bintukun matyun sida ni Pablu.

Binwat 17:13

Dapat ay pagka nabaritaan manga Hudiyu sa Tisalunika kuntay itinudlu diman ni Pablu sa Biriya ti Bagaw Diyus, nag-ati sida inudyukan nida ti manga tawu banwa hampay magbuwat kaguluhan.

Binwat 17:5

Dapat ti manga Hudiyu magkadaut nakan kanda tinipun ti manga tawu unman masyadu may kabuluhan bag-u kanda ginulu ti banwa. Bag-u dinugma nida kan Hasun balay sa kanda magpakahanap gid sa kanda ni Pablu ni Silas hampay nu makitan yi, ipaatubang nida sa tawu banwa.

Binwat 18:12

Pagka si Galyun pinatukaan sa pagkagubirnadur sa Akaya, nagkausa ti manga Hudiyu, dinakup nida si Pablu bag-u kanda ipinaatubang sa husgadu.

1 Tisalunika 2:14

Ti mangyari sa kanyu, manga patar-ari, parihu sa nangyari diman sa kay iglisya Diyus sa daga Hudiya, sa manga magsarig ati sa kan Kiristu Hisus. Pag-unuunuhun diman kamu niyu manga kasimanwa, parihu sa manga taga Hudiya inunu-unu diman nida kaparihu Hudiyu.