Binwat 14:1 - Hanunuu

¹ Katunda diman ti nangyari sa Ikunyu. Nag-ati sida ni Pablu ag ni Birnabi sa simbahan manga Hudiyu. Mahal gid kanda itinudlu sa manga tawu, nakan mayamu gid ti nagsarig sa kan Hisus una Hudiyu una balaw Hudiyu.

Binwat 14:1 Iomraidhean Croise

Markus 7:26

Tunda pag babayi Giriyigu, taga Syria-Pinisya kay ginurang. Nagpakihampang siya sa kan Hisus hampay ipalwas niya ti labang ginan sa kay anak.

Huwan 12:20

May manga Giriyigu pag tawu nag-ati diman sa Hirusalim hampay magsamba sa Diyus katpung sa Kapistahan sa Pag-alaala sa Karibrihan.

Huwan 7:35

Bag-u nagharampangan ti manga pinunu Hudiyu magkun, “Naan tag nguna inda pag tawu kay gayak nakan unman makitan nita siya? Barang siya atag sa luwas daga Israil sa manga Hudiyu mag-uli sa manga banwa manga balaw Hudiyu bag-u manudlu sa manga balaw Hudiyu.

Binwat 11:21

Sa kanda gid ti kamaskihan Panginuun, nakan mayamu ti nagpaniwala sa barita ag nagpasakup sa Panginuun.

Binwat 13:43

Pagka ginminan sida sa simbahan manga Hudiyu mayamu tawu ti kinmuyug sa kanda ni Pablu ni Birnabi, una manga Hudiyu una manga balaw Hudiyu manga niabay sa surundanun Hudiyu. Bag-u pinaliwanagan waya sida ni Pablu magkun, “Pagparargu kamu sa kanyu pagsarig sa kay pangaawa Diyus.”

Binwat 13:46

Dapat matutum di kanda naisipan nida ni Pablu ni Birnabi magkun, “Sa kanyu dapu kailangan pag-itultul ti Bagaw Diyus. Dapat ay kainda ginan kami dayi sa kanyu. Ati yi kami sa manga balaw Hudiyu. Dahil ipinurya niyu ti Bagaw Diyus ag pinasnuan niyu kanyu sadili kuntay unman may karampatan kamu sa tutuu pag buhi unman may katapusan.

Binwat 13:5

Pagka sida rinmas-ug sa banwa Salamina, itinudlu nida ti Bagaw Diyus sa manga tawu sa simbahan manga Hudiyu. Kaibahan nida kanda kaawat si Huwan Markus.

Binwat 13:51

Nakan pinagpag nida duwa ti galbuk ginan sa kanda lulud ga tanda laban sa manga tawu nag-unuunu sa kanda, bag-u nag-atag sida ni Pablu sa banwa Ikunyu.

Binwat 14:19

Dapat ay may rinmas-ug ati sa Listara manga Hudiyu ginan sa Antiyukya hanggan ginan sa Ikunyu. Inudyukan nida ti manga tawu laban sa kan Pablu bag-u kanda binatu siya. Pagka kanda hantup tigbak yi si Pablu, kanda kinarudkud tag sa luwas banwa.

Binwat 14:2

Dapat may manga Hudiyu nagdayu sumarig sa kan Hisus. Pagka dugay inudyukan nida ti manga balaw Hudiyu hampay lumaban sa manga patar-ari.

Binwat 14:21

Itinudlu nida ni Pablu ni Birnabi ti Mayad pag Barita sa banwa Dirbi. Mayamu tawu ati kanda binutung sa magsarig sa kan Hisus. Bag-u binmalik maan sida tag sa Listara, sa Ikunyu hanggan sa Antiyukya.

Binwat 16:1

Nag-ati diman si Pablu sa banwa Dirbi hanggan sa banwa Listara. May usa ka tawu ati magsarig diman sa kan Hisus, kay ngaran si Timutiyu. Kay ina ni Timutiyu Hudiyu, napasakup diman sa kan Hisus. Kay ama Giriyigu.

Binwat 16:2

Ti manga patar-ari sa Listara ag sa Ikunyu sa kanda magkilala sa kan Timutiyu siya mayad pag tawu.

Binwat 17:12

Mayamu tawu ati nagsarig sa kan Hisus. May manga mayaman pag babayi Giriyigu diman hanggan manga lalaki Giriyigu.

Binwat 17:17

Nakan pagka siya sa sulud simbahan manga Hudiyu, nangatadlungan siya sa kanda hanggan sa manga balaw Hudiyu manga niabay sa surundanun manga Hudiyu. Kumun diman kay buwat sirang-sirang sa manga tawu maglakaw-lakaw sa basad palingkihan.

Binwat 17:4

Ti iba manga manugpatingi nagarya, napaminsan sa kanda ni Pablu ni Silas. Kumun diman ti mayamu manga Giriyigu manga niabay sa surundanun manga Hudiyu hanggan ti manga babayi may katungkulan, balaw di pira, napaminsan waydi sa kanda.

Binwat 18:4

Sa kada Sirang Pamahari magpangatadlungan siya sa manga tawu sa simbahan manga Hudiyu, magpan-garya sa manga Hudiyu una sa manga balaw Hudiyu hampay makapasakup sa kan Hisus.

Binwat 18:8

Si Kirispu ti pangulu sa simbahan manga Hudiyu. Siya hanggan kay manga kasunu balay nagsarig sa Panginuun. Mayamu manga tawu taga Kurintu namatingi diman sa kan Pablu. Pagka nagsarig sida sa kan Hisus, napatulbaw sida.

Binwat 19:10

Balaw gid nag-apas si Pablu sa kay magpanudlu sa sulud duwa ka timpu. Nakan ti tanan tawu nangulian sa daga Asya nakadnug gid sa bagaw Panginuun, una manga Hudiyu, una manga balaw Hudiyu.

Binwat 19:17

Nabaritaan inda tanan manga tawu sa banwa Ipisu, una manga Hudiyu una manga balaw Hudiyu. Nadala gid ungud sida tanan, lalu nagdayaw gid sida sa makapangyarihan pag ngaran Panginuun Hisus.

Binwat 19:8

Sa sulud tulu ka bulan pirmi nag-ati si Pablu sa simbahan manga Hudiyu, unman siya magkadala nanudlu gid sa kanda, magpangatadlungan sa kanda hampay tumanggap mana sida sa katutuuhanan tungkul sa kay paghari Diyus.

Binwat 2:47

Magdayaw sida sa Diyus. Ag ti tanan tawu nagbaya gid sa manga patar-ari. Sirang-sirang may idinagdag maan sa kanda ti Panginuun manga tawu kay irinibri.

Binwat 20:21

Nangungud gid aku sa kang magpaliwanag sa manga Hudiyu una sa manga balaw Hudiyu, magkun kailangan gid sida pag-ampu sa kanda kasalanan sa atubangan Diyus, pagsarig sa kanta Panginuun Hisus.

Binwat 21:28

Namagrit sida magkun, “Kamu duy pag manga Israilita, awati niyu kami. Inda yi ngani pag tawu tigtudlu sa tanan manga tawu una naan pag rugar laban sa nasyun Israil, laban sa Kasuguan ni Muysis ag laban diman sa inda pag Balay Diyus. Tuhay waya siti, nagtaban waya siya manga balaw Hudiyu atag sa sulud Balay Diyus. Nilapastangan niya inda ti banal pag rugar.”

Binwat 9:20

Susun nagsaka siya sa simbahan manga Hudiyu, nanudlu siya tungkul sa kan Hisus magkun, “Siya yi ngani ti Anak Diyus.”

Ruma 1:16

Balaw gid niku pag-ikakay-a ti Mayad pag Barita, dahil imaw yi ti kapangyarihan Diyus sa ikaribri kada tawu nu sumarig, una sa tanan sa manga Hudiyu, bag-u hanggan sa manga balaw Hudiyu.

Ruma 10:12

Balaw may nagtuhay ti kahamtangan una Hudiyu una balaw Hudiyu. Usa lang ti Panginuun tanan tawu. Siya tigpakaun kay manga kaayadan sa tanan manga magdangup sa kanya.

Galasya 2:3

Dapat kuyug ngani hanggan si Titu. Madi siya Giriyigu, unman diman kanda pinilit siya turiun.

Galasya 3:28

Udyi may tuhay-tuhay una Hudiyu, una Giriyigu, una panawuhun, una bukun panawuhun, una lalaki, una babayi. Kamu tanan urusa dahil sa kanyu pakiusa sa kan Kiristu Hisus.

Kulusas 3:11

Nakan ngani ud may naglain parihu lang una manga balaw Hudiyu una manga Hudiyu, una tinuri una balaw tinuri, una manga dayuhan, una manga tawu balaw ga kanta kay ugali, una manga panawuhun una bukun panawuhun. Sa kan Kiristu unman may naglain ti tanan tawu ag siya ti sa kanyu tanan.

2 Timutiyu 3:11

Alam diman nimu ti manga mag-unuunu sa kangku hanggan kang inagwanta sa Antiyukya, sa Ikunya, ag sa Listara. Masyadu gid inunu-unu aku ati katpung, dapat sa tanan pag manga kakurian tunda ipinaribri di aku Panginuun.