Binwat 13:5 - Hanunuu

⁵ Pagka sida rinmas-ug sa banwa Salamina, itinudlu nida ti Bagaw Diyus sa manga tawu sa simbahan manga Hudiyu. Kaibahan nida kanda kaawat si Huwan Markus.

Binwat 13:5 Iomraidhean Croise

1 Hari 19:21

Binmalik si Ilisyu, bin-ul kay manga baka ag iniyaw. Binwat niya pamagba sa pag tama taguban baka ti manga garamitun sa pag-aradu. Igu natama, pinakan-an niya kay manga kaibahan mag-aradu, ag nangaun sida tanan. Ag rargu yi siya dinmasun sa kan Ilyas hampay imaw ti kaawat niya.

1 Hari 19:3

Nadala si Ilyas, nakan nalagiw siya atabug sa Biirsiba sakup Huda, ag tinayakan niya ati kay suruguun.

2 Hari 3:11

Dapat magkun si Husapat, “Unman aw atay may mapaingan-an purupita Panginuun? Nu may imaw, makapaingana kita sa Panginuun sa panab-anan niya nu hintay kanta buwatun.” Nagsagut ti usa ka takinan hari Israil, “Atay duy si Ilisyu kay anak ni Sapat. Kaawat siya kaybi ni Ilyas.”

Pag-ighit 24:13

Nakan tinmukad si Muysis sa bantud Diyus kaibahan kay manugsirbi si Huswi.

Matiyu 20:26

Nu bay sa kanyu balaw mana katida. Nu si unu sa kanyu tigkaibug katungkulan, kailangan siya ngap ti manugsirbi sa kanyu.

Binwat 12:12

Pagka naintindihan ni Pidru inda, nag-ati siya sa balay ni Marya, kay ina ni Huwan Markus. Mayamu patar-ari nagtiripun ati magdarangin.

Binwat 12:25

Pagka inintirga yi nida ti kuwarta sa manga manug-asiwa iglisya sa Hirusalim, nagbalik maan sida ni Birnabi ni Saulu tabug sa Antiyukya, kanda iniba si Huwan Markus.

Binwat 13:14

Ginan sa Pirga napadayun sida ni Pablu kanda lakaw bag-u nakaras-ug sida sa banwa Antiyukya sa daga Pisidya. Pagka sa Sirang Pamahari, sinmaka sida sa simbahan manga Hudiyu bag-u tinmukaw.

Binwat 13:46

Dapat matutum di kanda naisipan nida ni Pablu ni Birnabi magkun, “Sa kanyu dapu kailangan pag-itultul ti Bagaw Diyus. Dapat ay kainda ginan kami dayi sa kanyu. Ati yi kami sa manga balaw Hudiyu. Dahil ipinurya niyu ti Bagaw Diyus ag pinasnuan niyu kanyu sadili kuntay unman may karampatan kamu sa tutuu pag buhi unman may katapusan.

Binwat 14:1

Katunda diman ti nangyari sa Ikunyu. Nag-ati sida ni Pablu ag ni Birnabi sa simbahan manga Hudiyu. Mahal gid kanda itinudlu sa manga tawu, nakan mayamu gid ti nagsarig sa kan Hisus una Hudiyu una balaw Hudiyu.

Binwat 15:37

Kan Birnabi gustu tabanun maan nida si Huwan, kay usa ka ngaran si Markus.

Binwat 17:17

Nakan pagka siya sa sulud simbahan manga Hudiyu, nangatadlungan siya sa kanda hanggan sa manga balaw Hudiyu manga niabay sa surundanun manga Hudiyu. Kumun diman kay buwat sirang-sirang sa manga tawu maglakaw-lakaw sa basad palingkihan.

Binwat 18:4

Sa kada Sirang Pamahari magpangatadlungan siya sa manga tawu sa simbahan manga Hudiyu, magpan-garya sa manga Hudiyu una sa manga balaw Hudiyu hampay makapasakup sa kan Hisus.

Binwat 19:22

Ipinauna yi niya tag sa Masidunya sida ni Timutiyu ni Irastu, duwa ka kaibahan niya sa buruwatun. Si Pablu napatayak waya dapu sa Asya.

Binwat 19:29

Nakan pagka dugay pasay yi kaguluhan ti banwa. Dinakup manga tawu sida ni Gayu ni Aristarku, kan Pablu manga kaibahan taga Masidunya. Bag-u mirinsanan nandaray-u ti kayamuan tawu atag sa lig-ung tiripnan paranuudan.

Binwat 19:8

Sa sulud tulu ka bulan pirmi nag-ati si Pablu sa simbahan manga Hudiyu, unman siya magkadala nanudlu gid sa kanda, magpangatadlungan sa kanda hampay tumanggap mana sida sa katutuuhanan tungkul sa kay paghari Diyus.

Binwat 9:20

Susun nagsaka siya sa simbahan manga Hudiyu, nanudlu siya tungkul sa kan Hisus magkun, “Siya yi ngani ti Anak Diyus.”

Kulusas 4:10

Pagkamustahun kamu ni Aristarku, parihu diman pinirisu kami. Pagkamustahun diman kamu ni Markus kay pinsan ni Birnabi. May bilin yi aku sa kanyu tungkul sa kan Markus, tanggapa niyu siya kaayad nu rumas-ug siya asan sa kanyu.

2 Timutiyu 4:11

Si Lukas wadi kang kaibahan. Hanapa nimu si Markus, tabana nimu sitay tag dahil daka kay miawat sa kang manga buruwatun.