Binwat 13:16 - Hanunuu

¹⁶ Nakan tinmindug si Pablu, pinaamanan niya ti manga tawu danga sida umingay bag-u namaliwanag siya magkun, “Kamu duy pag manga kaparihu niku Israilita hanggan kamu pag manga balaw Hudiyu manga niabay yi sa surundanun Hudiyu, kamu tanan pagpatingi sa kang paliwanag.

Binwat 13:16 Iomraidhean Croise

1 Hari 8:40

Buwata inda hampay gumalang sida sa kanmu mintaras magkabuhi sida sa ipinakaun nimu pag daga sa kanda ginurang.

Kanta 85:9

Tutuu gid iribri niya ti manga maggalang sa kanya, hampay ipakakit kay kamaskihan pumirmaminti sa kanta daga.

Matiyu 11:15

Ti may tuli kailangan pagpatingi.

Lukas 1:22

Pagka siya nagluwas, unman yi siya makabagaw sa kanda. Nakan pinaamanan yi lang niya sida ag naintindihan nida may ipinakakit maaw ti Diyus sa kanya ati sa sulud Balay Diyus. Tunda ginan udyi siya makabagaw.

Lukas 1:50

Kay pagkaawaan ti manga maggalang sa kanya, hanggan waya may sinulput.

Lukas 23:40

Dapat sinmungyaw kay usa ka tulisan magkun, “Unman aw waya lugud kawu maggalang sa Diyus? Parihu kita nasintinsiyahan.

Binwat 10:2

Si Kurnilyu hanggan kay manga kasunu balay niabay sa surundanun manga Hudiyu, masipag sida magsamba sa Diyus. Magpakaun diman gid si Kurnilyu kuwarta sa manga Hudiyu nu may kakurian, pirmi diman siya magdarangin sa Diyus.

Binwat 10:35

Unman may pagpiliun siya una tawu una nasyun. Kay di pagbayaun ti tawu nu maggalang sa kanya ag nu magbuwat mayad.

Binwat 12:17

Pinaamanan niya sida danga maingay bag-u kay itinultul sa kanda nu kabitay siya pag ipinalwas Panginuun ginan sa pirisuhan. Binilinan niya sida magkun, “Ibarita niyu inda sa kan Santiyagu hanggan sa manga patar-ari.” Bag-u nighit si Pidru tag sa iba rugar.

Binwat 13:26

Magkun si Pablu, “Manga kaparihu niku Hudiyu, manga linahi ni Abraham hanggan kamu pag manga balaw Hudiyu manga niabay sa surundanun Hudiyu, kita yi duy ti pinadakitan barita tungkul sa inda pag karibrihan.

Binwat 13:46

Dapat matutum di kanda naisipan nida ni Pablu ni Birnabi magkun, “Sa kanyu dapu kailangan pag-itultul ti Bagaw Diyus. Dapat ay kainda ginan kami dayi sa kanyu. Ati yi kami sa manga balaw Hudiyu. Dahil ipinurya niyu ti Bagaw Diyus ag pinasnuan niyu kanyu sadili kuntay unman may karampatan kamu sa tutuu pag buhi unman may katapusan.

Binwat 19:33

Pagka si Alihanduru ipinaatubang mana manga Hudiyu sa kayamuan tawu, naghantup ti iba barang may pagsabihun si Alihanduru, nakan sida nagtiripun. Pinaamanan niya ti manga tawu danga yi maingay hampay makapaliwanag siya mana sa kanda siya hanggan kay manga kaparihu Hudiyu unman may kasalanan.

Binwat 2:14

Tinmindug si Pidru hanggan ti sampulu may usa ka kaibahan niya manga apustul. Ainalsa ni Pidru kay busis sa kay magpaliwanag sa kayamuan tawu magkun, “Kamu pag manga kaparihu niku Hudiyu hanggan kamu tanan manga mag-uli sa Hirusalim, pag-isipa niyu inda, kamu pagpatingi mayad, dahil aku may itultul sa kanyu.

Binwat 2:22

Magkun maan si Pidru, “Kamu pag manga kaparihu niku Israilita, pamatingi kamu. Udyi kamu pumahimudil sa kan Hisus taga Nasarit, dahil may nakitan yi waydi kamu puruyba. Binwat yi ni Hisus sa kanyu atubangan ti manga makamaskihan hanggan makadululaw pag tanda dahil sa kay kapangyarihan Diyus. Tunda balaw yi ngap nilihim sa kanyu.

Binwat 21:40

Pinayagan ngani siya kumandir. Nakan tinmindug si Pablu sa katapusan pag halintang bag-u pinaamanan niya ti manga tawu hampay danga yi sida maingay. Pagka nap-ut kanda magriringgitan, nagbagaw ngani si Pablu sa kanda sa bagaw Hibriyu.

Binwat 22:22

Siti tugka namatingi gid ti manga tawu sa kan Pablu pagsabihun. Dapat ay pagka sinabi niya siya sinugu Panginuun tabug sa manga balaw Hudiyu, nanriringgitan ti kayamuan tawu magkun, “Matya yi gid duy siya. Udyi kailangan siya mabuhi waya.”

Binwat 3:12

Pagka nakitan ni Pidru ti kayamuan tawu, sinabi niya sa kanda magkun, “Kamu pag manga Israilita, hayga nadulaw kamu masyadu sa inda pag nangyari? Hayga kamu magpakaturun sa kanmi? Kanyu aw lugud hantup pinalakaw nimi siya dahil sa kanmi sadili kamaskihan, aw ngatay dahil kami manga maka-diyus?

Ipinakakit 2:11

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu dayu malakawan niya ti ikadwa pag kamatayan.”

Ipinakakit 2:17

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu pakan-an niku hinamnu pag karan-unun ginan sa langit. Pakan-an diman niku siya batu malagti imaw ti sinuratan bag-u niya pag ngaran. Unman may nakaalam tunda pag ngaran nu ud tunda lang waydi ti pinakan-an.”

Ipinakakit 2:29

“Ti may tuli kailangan pagpatingi sa pagsabihun Ispiritu sa manga iglisya.”

Ipinakakit 2:7

“Ti may tuli kailangan pagpatingi sa pagsabihun Ispiritu sa manga iglisya. Ti manalu pag tawu imaw ti pakan-an niku karampatan makakaun sa burak kayu kabuhian sa halamanan Diyus.”