Binwat 13:10 - Hanunuu

¹⁰ bag-u kay sinabi magkun, “Kawu parihu sa diyablu kanmu ugali. Maglaban kawu sa tanan kaayadan, pasay yi sa kadayaan hanggan sa kalukuhan. Hayga lugud pirmi gustu nimu pagbaliwun kapudilan ti katutuuhanan tungkul sa Panginuun?

Binwat 13:10 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

Gimpuunan 3:15

Kawu hanggan ti babayi man-arawayan. Kanmu linahi hanggan kanya pag linahi man-arawayan diman. Runutun niya kanmu ulu ag kagtun nimu kay bingul.”

2 Krunika 17:6

Matinupadun siya sa magsunud sa manga palakaw Panginuun. Ipinadaut niya ti manga simbahan sa abwat pag manga rugar hanggan ti manga tulduk tanda diyusa si Asira.

Manugtudlu 9:3

Imaw inda ti unman mayad sa tanan pag magpangyari sa kalibutan: parihu lang ti ras-ugan tanan. Balaw lang inda, nu unman lunsay lang kadautan ag kalukuhan ti pag-isip-isipun tawu habang magkabuhi siya; ag sa uryan mamatay diman siya.

Hirimyas 23:36

kaysa sabihun niya, ‘May tultulanun aku ginan sa Panginuun.’ Dahil paggamitun lang inda iba hampay mapaangay nida kanda kaparihu, nakan paglikuun nida ti pagsabihun buhi pag Diyus, ti Panginuun Makamaskihan.

Husyas 14:9

Mana masalman ag maintindihan may pan-intindi ti manga nakasurat sitay. Kang-ud gid ti palakaw Panginuun ag pagsundun inda manga matadlung, dapat nagbaliw karadayaanan sa manga malinabagun.

Matiyu 13:38

Ti tanman imaw yi ti kalibutan. Ti mayad pag binhi imaw yi ti manga tawu pagharian Diyus. Ti manga ilamnun imaw waydi ti manga tawu pagharian diyablu.

Matiyu 15:19

Dahil ginan ngani sa tagipusuun ti manga daut pag naisipan, ti maglibun sa tawu, ti mag-uragin, ti magpamabayi, ti magpanlalaki, ti magtakaw, ti magkastigus sa bukun tutuu, ti magmuransa.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Matiyu 3:7

Pagka nakitan ni Huwan aduk pag manga Parisiyu hanggan Sadusiyu ti nagdulud diman sa kay magtulbaw, magkun siya sa kanda, “Kamu ga lahi manga ulay. Si unu ti magsabi sa kanyu kuntay makapalagiw kamu sa sintinsiya Diyus aban?

Lukas 11:39

Sinabi Panginuun sa kanya, “Kamu pag manga Parisiyu kanyu pag-ugasan ti habig lang taya manga ungut. Dapat sa kanyu sulud bilug maramuun kamu ag lunsay kadautan.

Lukas 11:52

“Kaawaawa kamu, ti manugtudlu sa Kasuguan, dahil inirangan niyu ti susi ti magbukas sa kadunungan, kamu dayu magsulud, kanyu pag-amparahun waya ti manga magkaibug magsulud.”

Huwan 1:23

Sa kay nagsagut ginamit ni Huwan ti manga isinurat ni Purupita Isayas. Magkun si Huwan, “Aku duy ‘ti busis usa ka magtawag sa pangawakawaan magkun, tadlunga niyu ti dalan kay lakawan Panginuun.’ ”

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.

Binwat 20:30

Una ginan diman sa kanyu sadili iglisya may manga tawu aban manudlu kapudilan sa manga patar-ari hampay kanda pasunudun tag yi sa patalang.

2 Kurintu 11:3

Dapat naala-ala niku barang maakit kanyu naisipan ga kan Iba nadaya waydi ulay, barang kamu rumamig sa marig-un niyu pagmahal sa kan Kiristu.

Galasya 1:7

Nu sa ungud udyi may iba waya mayad pag barita. Nakan lang gid may manga maggulu sa kanyu. Kanda gustu umanun ti Mayad pag Barita tungkul sa kan Kiristu.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

2 Pidru 2:15

Tinmalang sida ginan sa mayad pag dalan. Hinuwadan nida kan Biur anak si Balaam. Kinaibgan diman ni Balaam kay upa sa kay buwat kadautan.

1 Huwan 3:8

Nu magpadayun sa kasalanan ti tawu, sakup waya siya diyablu, dahil kaybi ginan hanggan taynguna tugka magkasala diman ti diyablu. Nakan nagsitay ti Anak Diyus hampay wasakun niya ti buwat diyablu.