Binwat 12:7 - Hanunuu

⁷ Kadaka linmuwang ngapu ti usa ka anghil Panginuun, rinmayaw gid sa sulud pirisuhan. Tinaptap niya kay habig ni Pidru, pinulaw niya magkun, “Bangun duy kadali.” Nalagpak ti manga tarikada ginan sa kay manga kamang ni Pidru.

Binwat 12:7 Iomraidhean Croise

2 Samwil 22:29

Panginuun, kawu kang rayaw. Sa kadudulman, kawu kang sulu.

1 Hari 19:5

Pagkatapus, napaigya siya sa sirung puun kayu, ag naturugan. Kadaka may anghil kinmumit sa kanya ag magkun, “Pagbangun kawu ag pagkaun.”

1 Hari 19:7

Utru binmalik ti anghil Panginuun, kinumit maan si Ilyas ag magkun, “Pagbangun kawu ag pagkaun, dahil arayu waya kanmu balaklayun.”

Kanta 107:14

Pinuklut niya kanda manga tarikada ag bin-ul niya sida sa madlum gid pag pirisuhan.

Kanta 116:16

Panginuun, tutuu pag manugsirbi nimu aku. Irinibri nimu aku sa pagkabihag.

Kanta 146:7

Pagpakan-an niya katadlungan ti manga pag-apihun, ag pagpakan-an niya karan-unun ti manga magkalun-us. Pinalpasan niya ti manga pirisu,

Kanta 34:7

Ti anghil Panginuun magbantay sa manga maggalang sa Panginuun, ag pag-iribri niya sida sa kadamhakan.

Kanta 68:6

Pagpakan-an niya magtal-anakan ti manga usa-usa balaw waya may kaibahan sa buhi ag pagpalpasan niya masulung ti manga pirisu. Dapat ti manga maglaban mangulianan sa mamara ag mainit pag daga.

Isayas 37:30

Magkun waya si Isayas sa kan Isikyas, “Inda ti tanda alagaan Panginuun ti Hirusalim ginan sa manga taga Asirya: Taynguna pag timpu, ti manga burak halaman buluntad tinmubu imaw lang ti kan-un niyu. Ag sa dasun pag timpu, ti manga burak maan tanum tinmubu ginan sa daan tanum ti kan-un niyu. Dapat sa ikatlu pag timpu, makatanum yi kamu tirigu ag makaani. Makatanum diman kamu manga ubas ag makakaun kay burak inda.

Isayas 60:1

“Pagbangun kawu, Hirusalim, ag pagrayaw parihu sa sirang, dahil rinmas-ug yi kanmu karibrihan. Marayawan kawu kadayawan Panginuun.

Hirimyas 40:1

May sinabi ti Panginuun sa kan Hirimyas pagkaigu pinalpasan siya ni Nibusaradan takinan manga guwardiya sa Rama. Nakatarikada siya kaybi kaibahan ti manga bihag taga Hirusalim hanggan taga Huda ti darahun sa Babilunya.

Isikil 43:2

Ag ati nakitan niku ti kadayawan Diyus Israil magras-ug ginan sa butlakan. Kay tunug niya pagras-ug ga magpaywas danum mabaskug, ag ti daga magkarayawan niya kadayawan.

Danyil 3:28

Nakan magkun ti hari, “Dayawun ti Diyus nida ni Sadrak, ni Misak, ag ni Abidnigu. Ipinadara niya kay anghil hampay iribri kay manga suruguun magsarig sa kanya. Malu sida unman nagsunud sa kang sugu, pinalabi waya nida ti iyamut sa apuy kaysa mansamba sa una hintay pag diyus purya sa kanda Diyus.

Danyil 6:22

Unman aku inunu manga liyun, dahil nagpadara kang Diyus manga anghil hampay hirumun ti bibig manga liyun. Binwat inda Diyus dahil alam niya matadlung kang buhi ag unman aku may nabwat daut laban sa kanmu.”

Mikas 7:9

Dahil nagkasala kita sa Panginuun, kailangan nita agwantahun kay parusa sa kanta tugka sa kampihan niya kita ag pakan-an katadlungan. Makitan nita kay pagribri sa kanta sa panab-anan pagdara niya sa kanta tag sa karayawan.

Habakuk 3:11

Pinmat-ung ti init ag ti bulan sa kanda nahamtangan sa singlaw nimu hagabur manga pamana hanggan sa singlaw nimu kirab bangkaw.

Habakuk 3:4

Rumas-ug kawu masinglaw ga init; magsinglaw kanmu manga kamang nu naan pag mataguan kanmu kamaskihan.

Matiyu 2:13

Pagka ginminan yi tunda pag manga madunung pag tawu, ti usa ka anghil Panginuun napakakit sa kan Husi sa kay tagin-up magsabi, “Pagbangun kawu, daran-a yi ti anak hanggan kay ina, pagpalagiw yi kamu tag sa Ihiptu. Pag-ati dapu kamu hanggan sa ud sumabi maan aku sa kanmu, dahil hanapun ni Hirudis ti anak hampay kay matyun.”

Lukas 2:9

Kadaka linmuwang ti usa ka anghil Panginuun tag sa kanda arani ag rinmayaw ti kadayawan Panginuun sa kanda palibut. Masyadu gid nadala sida.

Lukas 24:4

Pagka mag-isip waya sida nu hayga udyi sitay, malu, nilpat lang kanda mata inda yi sa kanda arani matindugan ti duwa ka lalaki masinglaw kanda manga rutay.

Binwat 10:30

Sinmagut si Kurnilyu magkun, “Nakatlu waya duy, manga kainda ngani palis ti init, aku nagdarangin sa kang balay. Bigla may tinmindug sa kang atubangan usa ka lalaki masilaw kay rutay.

Binwat 12:23

Susun yi pinarusahan siya anghil Panginuun dahil unman sinabi niya sa manga tawu siya tawu lang, balaw Diyus. Sinapatan dapu siya bag-u namatay.

Binwat 12:6

Sa ati pag yabi turug si Pidru, ginapus kay baliw-baliw kamang tarikada ibiningkit sa duwa ka sundalu ag may manga sundalu sa puun sabian maulugan. Aldaw nangus ipaatubang yi siya ni Hirudis sa kayamuan tawu.

Binwat 12:8

Sinabi anghil sa kanya, “Paghuragkus duy, paglapak yi.” Katida ngani kay binwat ni Pidru. Bag-u magkun ti anghil, “Pagsulung waya kanmu pamaunib balukas sadsad, pagkuyug yi sa kangku.”

Binwat 16:26

Bag-u bigla gid linminug mabisug gid, natandug hanggan kay nabungsudan pirisuhan. Kadaka nabukasan ti tanan manga sabian, natangkas ti manga tarikada tanan manga pirisu.

Binwat 2:24

Dapat binuhi di siya Diyus ag irinibri sa kapangyarihan kamatayan, sa ungud, una ti kamatayan unman may kapangyarihan amparahun siya.

Binwat 5:19

Dapat ay pagka yabi yi binukasan anghil Panginuun ti manga sabian kay ipinalwas sida ginan sa pirisuhan. Bag-u sinabi niya sa kanda magkun,

Binwat 9:3

Nighit yi ngani si Saulu atag sa Damasku. Pagka udyi arayu ti banwa Damasku, bigla may nagrayaw ginan sa langit sa kay libut ni Saulu.

Ipisu 5:14

Dahil karayawan yi ngani tigpakilala sa tanan. Nakan ngani pagsabihun magkun, “Pag-imata yi kawu ginan sa katurugan, pagkabuhi yi kawu ginan sa kamatayan, rayawan yi kawu ni Kiristu.”

Hibriyu 1:14

Ti tanan manga anghil manga ispiritu magsirbi sa Diyus, kay manga suruguun hampay mag-alaga sa manga tawu mumana karibrihan.

Ipinakakit 18:1

Bag-u nakitan niku may magpakababa ginan sa langit usa ka anghil may daka pag kamaskihan hanggan karampatan. Narayawan ti bilug kalibutan dahil sa kay kadayawan.