Binwat 12:6 - Hanunuu

⁶ Sa ati pag yabi turug si Pidru, ginapus kay baliw-baliw kamang tarikada ibiningkit sa duwa ka sundalu ag may manga sundalu sa puun sabian maulugan. Aldaw nangus ipaatubang yi siya ni Hirudis sa kayamuan tawu.

Binwat 12:6 Iomraidhean Croise

Gimpuunan 22:14

Iningarnan ni Abraham tunda pag rugar “May inalistu ti Panginuun.” Nakan tugka taynguna may kabagawan magkun, “Sa Bantud Panginuun may inalistu siya.”

Kanta 4:8

Nakan nu magkaturug aku unman may pagkadalaan, dahil pagbantayan nimu aku, Panginuun.

Hirimyas 40:1

May sinabi ti Panginuun sa kan Hirimyas pagkaigu pinalpasan siya ni Nibusaradan takinan manga guwardiya sa Rama. Nakatarikada siya kaybi kaibahan ti manga bihag taga Hirusalim hanggan taga Huda ti darahun sa Babilunya.

Hirimyas 40:4

Bul-un yi niku taynguna ti tarikada nimu ag palpasan yi kawu nita. Nu gustu nimu, kumuyug kawu sa kangku sa Babilunya ag alagaan kawu nita ati. Dapat nu dayu kawu, nasa kanmu tunda. Bantayi nimu ti buu daga; malaya kawu umatag una naan.

Matiyu 28:4

Sa subra pag dala sa anghil tinakigan ti manga guwardiya, ga namatay yi sida.

Binwat 12:5

Nakan siti dapu si Pidru sa pirisuhan. Dapat ay nangungud ngap ti iglisya sa darangin tungkul sa kanya.

Binwat 21:33

Nagpakarani ti kumandir bag-u kay dinakup si Pablu, kay ipinagapus duwa ka tarikada. Nagpaingana ti kumandir magkun, “Si unu inda pag tawu, hintay lugud kay binwat?”

Binwat 28:20

Nakan hinigtan inda aku tarikada dahil sa kanya, sa pag-asahan nasyun Israil. Nakan ngani kang gustu magkarahampang kita.”

Binwat 5:23

“Pagka kami rinmas-ug sa pirisuhan, nakitan nimi may susi di mayad ti pirisuhan, matindugan diman ti manga bantay sa puun sabian. Dapat pagka binukasan nimi ti sabian, udyi maaw lagan ti tawu sa sulud.”

Ipisu 6:20

Sinugu aku Diyus hampay manudlu sa inda pag Mayad pag Barita una aku sa pirisuhan taynguna. Nakan ngani daranginan yi gid niyu aku hampay ilubus niku kang katutuman sa kang magpanudlu unman may subra unman diman may kurang.

Diyuturunumiyu 32:26

Nagbagaw aku wayakun niku sida tugka sa balaw yi sida maalaman sa kalibutan.

2 Timutiyu 1:16

Pag-idarangin niku ti magtal-anakan ni Unisipuru hampay kaawaan sida Diyus. Balaw di kas-a sinaya niya aku. Balaw aku kinay-ahan niya madi aku pirisu.

Hibriyu 13:6

Nakan ngani matutum kanta naisipan magsabi magkun, “Ti Panginuun kang kaawat, unman aku magkadala. Hintay ti mabuwat tawu sa kangku?”