Binwat 12:12 - Hanunuu

¹² Pagka naintindihan ni Pidru inda, nag-ati siya sa balay ni Marya, kay ina ni Huwan Markus. Mayamu patar-ari nagtiripun ati magdarangin.

Binwat 12:12 Iomraidhean Croise

Isayas 65:24

Bag-u di sida mandarangin ngatay sa udas di waya magdarangin, sagtun yi niku sida.

Binwat 12:25

Pagka inintirga yi nida ti kuwarta sa manga manug-asiwa iglisya sa Hirusalim, nagbalik maan sida ni Birnabi ni Saulu tabug sa Antiyukya, kanda iniba si Huwan Markus.

Binwat 12:5

Nakan siti dapu si Pidru sa pirisuhan. Dapat ay nangungud ngap ti iglisya sa darangin tungkul sa kanya.

Binwat 13:13

Bag-u ginminan sinmakay sida ni Pablu ginan sa banwa Papus, nagdipay atag sa banwa Pirga sa Pampilya pag daga. Pagka sa Pirga napablag sa kanda si Huwan Markus, nuli yi maan siya sa Hirusalim.

Binwat 13:5

Pagka sida rinmas-ug sa banwa Salamina, itinudlu nida ti Bagaw Diyus sa manga tawu sa simbahan manga Hudiyu. Kaibahan nida kanda kaawat si Huwan Markus.

Binwat 16:40

Pagka sida ni Pablu nagluwas yi ginan sa pirisuhan, inmati maan gid sida sa balay ni Lidya. Kanda naras-ugan ati ti manga patar-ari. Kanda binilinan sida magkun, “Pagpakarig-un kanyu pagsarig sa Panginuun.” Bag-u nighit sida ni Pablu ni Silas.

Binwat 4:23

Pagka pinalpasan yi ngani sida ni Pidru ni Huwan, nag-ati sida sa kanda manga kaibahan bag-u itinultul nida sa kanda ti tanan sinabi manga pangulu manughandug sa Balay Diyus hanggan manga paggurangunun manga Hudiyu.

Kulusas 4:10

Pagkamustahun kamu ni Aristarku, parihu diman pinirisu kami. Pagkamustahun diman kamu ni Markus kay pinsan ni Birnabi. May bilin yi aku sa kanyu tungkul sa kan Markus, tanggapa niyu siya kaayad nu rumas-ug siya asan sa kanyu.

2 Timutiyu 4:11

Si Lukas wadi kang kaibahan. Hanapa nimu si Markus, tabana nimu sitay tag dahil daka kay miawat sa kang manga buruwatun.

Pilimun 1:24

Hanggan sida ni Markus, ni Aristarku, ni Dimas, ni Lukas manga kaibahan niku sa buruwatun, magpaingana waydi sa kanmu nu kabitay asan kawu.

1 Pidru 5:13

Ti iglisya sa Babilunya magpaingana nu kabitay waydi kamu asan. Sida manga pinili diman parihu sa kanyu. Si Markus hanggan magpaingana waydi nu kabitay kanyu kahamtangan. Siya kang pinagkaanak sa sarig sa kan Kiristu.