Binwat 12:10 - Hanunuu

¹⁰ Pagka nakalawuy yi sida sa usa ka bantay hanggan sa kay ikadwa pag bantay, aput yi sida sa sabian may talakup baul. Lumuwas lang sabian banwa yi. Buluntad nabukasan sa kanda ti sabian bag-u nagluwas yi sida. Sinmunsun sida karsada bag-u kadaka tinayakan siya anghil.

Binwat 12:10 Iomraidhean Croise

Gimpuunan 40:3

Nakan ipinapirisu niya sida sa pirisuhan nu naan pag mapirisuhan si Husi, sa rugar pagguwardiyahan kapitan manga guwardiya.

Gimpuunan 42:17

Ag ipinapirisu niya sida sa sulud tulu ka sirang.

Isayas 21:8

Nanringgit ti manugbantay, “Maisturu sirang yabi magtanud duy aku sa bantayaw.

Bilang 15:34

Pinirisu nida siya, dahil unman nida siguradu nu hintay ti kailangan buwatun sa kanya.

Huwan 20:19

Pagka malambung yi ati pag sirang Duminggu, nagtipun ti manga tuludluan. Tinalakpan inagad nida ti sabian dahil magkadala gid sida sa manga pinunu Hudiyu. Bag-u linmuwang si Hisus, tinmindug siya sa kanda karaw-an bag-u kay sinabi magkun, “Pagmay kahusayan duy kamu.”

Huwan 20:26

Pagka sa usa maan ka sirang duminggu, ati maan ti manga tuludluan sa sulud balay, hanggan si Tumas kaibahan yi nida siyun. Nagluwang si Hisus madi inagad ti manga talakup sabian, nagtindug siya sa kanda karaw-an sinabi niya magkun, “Pagmay kahusayan sa kanyu.”

Binwat 12:4

Pagka dinakup si Pidru, ipinaslud siya sa pirisuhan bag-u ipinatanud sa kanya ti sampulu may unum ka sundalu bag-u mag-ulublusan sida tigup-at tigup-at ka tawu. Kay gayak ni Hirudis nu lawuy yi ti Kapistahan sa Pag-alaala sa Karibrihan ipaatubang niya si Pidru sa manga tawu, hampay sintinsiyahan siya sa kamatayan.

Binwat 16:26

Bag-u bigla gid linminug mabisug gid, natandug hanggan kay nabungsudan pirisuhan. Kadaka nabukasan ti tanan manga sabian, natangkas ti manga tarikada tanan manga pirisu.

Binwat 5:19

Dapat ay pagka yabi yi binukasan anghil Panginuun ti manga sabian kay ipinalwas sida ginan sa pirisuhan. Bag-u sinabi niya sa kanda magkun,

Ipinakakit 3:7

“Isurat nimu inda para sa anghil magbantay sa iglisya sa banwa Piladilpiya: “Inda ti magsabi imaw yi ngani ti banal ag masarigan, ti may bitbit susi ni Hari Dabid. Nu siya ti nagbukas unman may makasiradu. Unman waydi may makabukas nu siya ti nagsiradu: