Binwat 11:12 - Hanunuu

¹² Sinabi Ispiritu sa kangku danga kunu mag-alaala, pagkuyug yi lang aku sa kanda. Inda pag unum ka patar-ari taga Hupi nagkuyug diman sa kangku tabug sa Sisariya. Pagka kami rinmas-ug, nagsaka ngani kami sa balay ni Kurnilyu.

Binwat 11:12 Iomraidhean Croise

Matiyu 1:20

Dapat pagka kay pag-isip-isipun waya tunda, ti usa ka anghil Panginuun nagpakakit sa kanya sa kay tagin-up. Magkun ti anghil, “Husi, kawu linahi ni Dabid, danga kawu magkadala mag-asawa sa kan Marya, dahil kay buduy ginan sa Ispiritu Banal.

Huwan 16:13

Nu rumas-ug ti Ispiritu, siya ti tumudlu katutuuhanan tungkul sa Diyus, tudluan diman niya kamu sa tanan katutuuhanan ginan sa Diyus. Unman siya bumagaw nu ginan lang sa kay sadili. Ipadakit niya kay manga nadnugan ag ipaalam niya sa kanyu ti manga mangyari aban.

Binwat 1:15

Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Binwat 10:23

Bag-u kan Pidru pinasaka sida sa balay magkun, “Pag-igya waya kamu sitay.” Pagka surip nag-alistu si Pidru bag-u kinmuyug siya sa kanda. May kaibahan waya siya manga patar-ari taga Hupi.

Binwat 10:45

Nadulaw gid kan Pidru kaibahan pag manga patar-ari Hudiyu. Una maaw sa manga balaw Hudiyu ipinakaun Diyus ti Ispiritu Banal.

Binwat 11:13

Bag-u itinultul niya sa kanmi kay nakakit sa anghil matindugan sa kay balay. Sinabi kunu anghil sa kanya magkun, ‘Pagpasugu kawu tag sa Hupi bul-a nida ti usa ka tawu kay buu ngaran si Simun Pidru.

Binwat 13:2

Sa kanda magpauray sa samba nida sa Panginuun, sinabi Ispiritu Banal sa kanda magkun, “Ipablag niyu sida ni Birnabi ni Saulu dahil sida kang pinili hampay tumupad sida sa kang buruwatun kang ihinanda para sa kanda.”

Binwat 13:4

Nakan ngani pagka sinugu sida ni Birnabi ni Saulu sa panab-anan Ispiritu Banal, nag-ati sida sa banwa Silusya, bag-u nagsakay sida nagdipay atag sa Sipru pag puru sa karaw-an dagat.

Binwat 15:7

Pagka dugay yi kanda mag-aragawan ayad, tinmindug si Pidru bag-u kay sinabi magkun, “Manga patar-ari, alam niyu kaybi sa kanta tanan aku ti napili Diyus manugpadakit Mayad pag Barita sa manga balaw Hudiyu hampay makadnug waydi sida ag makasarig diman sa kan Hisus.

Binwat 15:9

Parihu lang kay magbantay Diyus una sa kanda una sa kanta. Pagka sida nagsarig sa kan Hisu-Kiristu, linumpiyu diman Diyus kanda tagipusuun sa kanda nagbuwat kasalanan.

Binwat 28:15

Pagka naalaman manga patar-ari sa Ruma tungkul sa kanmi lakaw, nag-atag sida ti iba tugka sa Palingkihan Apyu, ti iba tugka sa may Tulu ka Darayunan hampay magsulang sa kanmi sa dalan. Pagka nakitan ni Pablu ti manga patar-ari nagpasalamat siya sa Diyus, nagmabisug maan kay naisipan.

Binwat 8:29

Bag-u sinabi Ispiritu sa kan Pilipi, “Pagpakarani pagkuyug kawu sa tunda pag kalisa.”

Ruma 3:22

Una si unu pag tawu nu sumarig siya sa kan Hisu-Kiristu, pagkilalan-un siya Diyus kuntay matadlung, dahil lang sa kay magsarig sa kan Hisus, una manga Hudiyu una manga balaw Hudiyu.

2 Tisalunika 2:2

danga kamu magkataranta, danga waydi magkaaburidu sa manga barita tawu kuntay rinmas-ug yi ti kaudasan Panginuun. Danga kamu magpaniwala una kanda sabi ipinurupita kunu tunda, una abi itinultul kunu una abi kunu sa surat ginan sa kanmi.

Ipinakakit 22:17

Pagsabihun Ispiritu hanggan aguman babayi magkun, “Pagsitay yi gid duy kawu.” Ti tanan nakadnug inda pagsabi waydi, “Pagsitay yi gid kawu.” Una si unu ti magkauwaw pagpakarani, pagbuul danum makapakaun tutuu pag buhi. Pakan-an diman siya unman may bayad.