Binwat 10:9 - Hanunuu

⁹ Pagka sa usa ka sirang maglakaw waya tunda pag manga sinugu ni Kurnilyu sa dalan atag sa banwa Hupi. Ati katpung dinmayik si Pidru atag sa atup balay hampay mandarangin. Pagka magkakaraw-an yi sirang,

Binwat 10:9 Iomraidhean Croise

2 Samwil 11:2

Magkamalambung yi tunda katpung, binmangun si Dabid ag nanlakaw-lakaw sa babaw atup balay hari. Habang magbantay siya tag sa sirung, may nakitan siya usa ka marinu pag babayi magparigus.

Kanta 55:17

Surip, karaw-an sirang, ag yabi magriklamu aku ag mag-arunghung, ag pagpatingihan niya aku.

Hirimyas 19:13

Ti tanan balay sa Hirusalim, hanggan ti manga balay hari sa Huda kilalan-un mauring parihu sa Tupit. Dahil sa babaw atup manga balay magtuub sida manga kamangyan para sa kanda diyus manga pamgasan, ag maghandug manga irinmun para sa iba waya pag manga diyus.’ ”

Hirimyas 32:29

Irubun nida inda, hanggan ti manga balay kay bubung pagsunugan manga kamangyan para kan Baal ag pagsagdahan manga handug irinmun para tuhay pag manga diyus-diyusan subra niku pag-ikagalit.

Danyil 6:10

Pagka naalaman ni Danyil kuntay nagpirma ti hari, nuli siya ag sinmulud sa kay sulud-sulud sa ikadwa pag ugpu salug, may manga gaha ati maatubangan sa Hirusalim. Ati siya pag magdarangin ag magdayaw maluhudan sa kay Diyus tulu ka bisis sa usa ka sirang, angay sa kay kinaugalian.

Sipanyas 1:5

Papasun diman niku ti manga tawu magdayik sa bubungan nida manga balay hampay mansamba sa init, sa bulan, hanggan sa manga pamgasan. Papasun niku ti manga magsamba ag magpanumpa mansirbi sa kangku, dapat magpanumpa diman mansirbi sa diyus-diyusan sa kan Muluk.

Matiyu 20:5

Nag-ati ngani sida sa ubasan. Pagka karaw-an yi sirang, linmakaw maan ti may puun ubasan, kas-a maan pagka palis yi ti init. Katunda diman kay binwat pagdugangan di niya kay manga manugtarabahu.

Matiyu 24:17

Ti sa luwas danga yi mag-isip mam-ul waya manga butang sa sulud balay.

Matiyu 27:45

Bag-u nagdulum ti init sa bilug kalibutan ginan sa karaw-an sirang hanggan tugka palis ti init.

Matiyu 6:6

Dapat nu tabug mandarangin kamu, paslud kamu sa kanyu sulud-sulud, talakpan niyu kanyu sabian bag-u kamu mandarangin sa kanyu Ama, sa unman mag-akitan sa mata. Gantihan kamu niyu Ama, dahil siya ti nakakit sa kanyu buwat mayad unman ipinasulay niyu sa manga iba.

Markus 1:35

Nagbangun si Hisus abasad waya ti yabi, nagluwas siya sa balay, nag-atag sa rugar pangawakawaan tawu hampay magdarangin.

Markus 6:46

Pagka pinauli niya ti manga tawu, nag-ati siya sa bantud hampay mandarangin.

Binwat 10:3

Pagka dugay, pagka palis ti init, may ipinakakit ti Panginuun sa kanya. Malinaw gid pag nakitan ni Kurnilyu may usa ka anghil Diyus nagsulud sa kay balay. Magkun ti anghil sa kanya, “Kurnilyu.”

Binwat 6:4

Nu katida ti buwatun nita, matupad diman waydi nimi kanmi pag katungkulan sa magdarangin ag sa magtudlu Bagaw Diyus.”

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

1 Timutiyu 2:8

Kang gustu ngani ti manga lalaki una naan pag rugar nu magdarangin kailangan ipaabwat nida kanda manga kamang tag sa Diyus, ipasakup nida lubus sa Diyus kanda naisipan, danga may galit hanggan magtalaluhan.

1 Samwil 9:25

Pagka sida naglus-ug yi ginan sa kanda simbahan sa abwat pag rugar atabug sa banwa, inalistu nida kan Saul igyaan sa babaw atup sa kan Samwil pag dayunan pag balay.