Binwat 10:4 - Hanunuu

⁴ Kinulbaan kay tinmurun sa anghil bag-u sinabi niya, “Hintay duy asan?” Nagsagut ti anghil magkun, “Pagbayaun Diyus kanmu manga darangin hanggan kanmu awat sa manga makuri. Nakan pirmi kawu kay pag-alalahanun.

Binwat 10:4 Iomraidhean Croise

2 Krunika 32:24

Pagka tida pag udas, nasakit si Isikyas ag harus mamatay yi siya. Nandarangin siya sa Panginuun, ag pinakan-an siya Panginuun usa ka palatandaan umayad siya.

2 Krunika 6:33

patingihi nimu sida asan sa kanmu ulian sa langit. Ag buwata una hintay ti paghagadun nida, hampay ti tanan tawu sa kalibutan kumilala sa kanmu ag gumalang parihu sa kanmu manga nasakupan Israilita. Ag hampay maalaman nida pagdayawun kawu sa inda pag Balay Diyus kang ipinatindug.

Kanta 141:2

Tanggapa mana nimu kang darangin ga kamangyan. Tanggapa ti pagpaabwat niku manga kamang sa magdarangin ga handug panyabi.

Kanta 20:3

Mana tanggapun niya kanmu manga handug, hanggan yi kanmu handug surunugun.

Isayas 43:26

Isipun nita ti manga nakalawuy; mangaratubangan kita. Patutuuhanan nimu unman kawu may kasalanan.

Isayas 45:19

Balaw aku nagbagaw sa lipudan, sa unman may nakaalam. Balaw niku sinabi sa manga linahi ni Hakub kuntay pagpakarani sida sa kangku, unman diman waydi sida may matanggap sa kangku. Aku, ti Panginuun, magbagaw tutuuhanan. Pagsabihun niku nu hintay ti tama.”

Danyil 10:11

Magkun siya, “Danyil, pagmahalun kawu Diyus. Pagtindug kawu ag pagpatingi mayad sa kang sabihun sa kanmu, dahil ipinadara aku Diyus atay sa kanmu.” Pagka nagsabi siya kaati, tinmindug aku pagtakigan.

Libitiku 2:2

Darahun niya tunda sa manga manughandug lahi ni Aarun. Bag-u bul-an manughandug usa ka akup ti mininsan arina hanggan lana, ag sunugun niya inda sa harandugan kaibahan ti tanan kamangyan inamut sa arina. Sunugun niya tunda bilang pag-alaala sa Panginuun. Kay hungaw tunda pag handug sa panab-anan apuy makapasulung gid sa Panginuun.

Malakyas 3:16

Bag-u ti manga maggalang sa Panginuun nanharampangan. Namatingi sa kanda ti Panginuun ag nasaydan niya kanda paghampangan. Isinurat kanda manga ngaran sa ribru ati sa atubangan Panginuun, hampay maalaala niya sida maggalang maaw ag mag-alaala pirmi sa kanya.

Matiyu 26:13

Ungud duy kang pagsabihun sa kanyu, una naan pag itudlu ti Mayad pag Barita inda sa bilug kalibutan, hanggan ti binwat babayi inda matultul diman hampay maalaala siya.”

Lukas 1:29

Dapat masyadu naaburidu si Marya sa sinabi anghil sa kanya, pagpakaisip-isipun niya nu hintay nguna kay kahulugan tunda.

Lukas 24:5

Nadala ngap ti manga babayi, napayuk-ub sida sa daga. Sinabi manga lalaki sa kanda, “Hayga paghanapun niyu sitay sa ulian manga namatay ti nabuhi yi?

Binwat 10:31

Magkun siya sa kangku, ‘Kurnilyu, nadnugan Diyus kanmu manga darangin. Pagbayaun niya kanmu awat sa manga makuri.

Binwat 14:9

Matukawan siya namatingi sa kan Pablu paliwanag. Pagka naintindihan ni Pablu tunda pag tawu lunu may pagsarig hampay siya mapaayad, tinmurun si Pablu sa kanya bag-u kay sinabi magkun,

Binwat 22:10

Bag-u aku pinmaingana sa kanya magkun, ‘Hintay duy Panginuun, ti dapat niku buwatun?’ Sinabi maan Panginuun sa kangku magkun, ‘Pagbangun yi kawu, pag-ati kawu sa Damasku bag-u may sumabi ati sa kanmu tungkul sa tanan niku ihinanda hampay buruwatun nimu.’

Binwat 3:4

Tinurun siya nida ni Pidru ni Huwan bag-u magkun si Pidru, “Bantayi nimu kami.”

Pilipus 4:18

Kainda, may imaw aku tanan niku kailangan ag mag-abunda waya, dahil sa nakatanggap aku sa kan Ipapruditu manga bagay ginan sa kanyu. Kanyu awat ga usa ka mabanglu ag marinu pag handug ag pagbayaun Diyus.

Pilipus 4:6

Danga kamu magkaarimputu sa una hintay pag bagay. Bagkus ngap pagdarangin kamu paghagad sa Diyus kanyu kailangan pag may pasalamat diman.

Hibriyu 13:16

Danga nita pagkalimti ti pagbuwat mayad hanggan ti pag-awat sa iba, dahil inda pag handug ti pagbayaun Diyus.

Hibriyu 6:10

Dahil ti Diyus matadlung ag unman pagkalimtan niya kanyu kasipagan hanggan kanyu pagmahal sa kay ngaran. Makitan yi waydi kanyu pagmahal sa Diyus dahil sa kanyu magsirbi sa manga magsarig sa kanya una kaybi ginan hanggan taynguna tugka.

Ipinakakit 8:4

Bag-u ginan sa kamang anghil nagtalimbuuk sa atubangan Diyus ti anus kamangyan dungan sa darangin manga tawu napasakup sa Diyus.

1 Samwil 3:10

Nagpakarani ti Panginuun sa kan Samwil, ga sa kabag-u diman, tinawag siya, “Samwil! Samwil!” Sinmagut si Samwil, “Pagbagaw duy kawu, Panginuun, magpatingi di aku kanmu manugsirbi.”