Binwat 10:1 - Hanunuu

¹ Ati katpung may usa ka tawu sa banwa Sisariya, kay ngaran si Kurnilyu. Kapitan siya manga sundalu taga Ruma sakup sa gurupu sundalu taga Italya.

Binwat 10:1 Iomraidhean Croise

Matiyu 27:27

Bag-u dinara manga sundalu gubirnadur si Hisus tabug sa balay gubirnadur, ag tinipun nida ti kayamuan sundalu sa kay libut ni Hisus.

Matiyu 27:54

Pagka nadnugan nida ti linug ag pagka nakitan nida ti nangyari, nadala masyadu ti kapitan hanggan ti manga sundalu kaibahan niya magbantay sa kan Hisus. Magkun sida, “Tutuu ungud Anak Diyus inda.”

Markus 15:16

Bag-u dinara manga sundalu si Hisus ipinaslud sa sugkadan balay ni Pilatu. Tinipun nida siyun ti kayamuan sundalu.

Lukas 7:2

May usa ka kapitan manga sundalu taga Ruma, siya may suruguun pagmahalun gid niya ag ti suruguun may sakit, diit wadi siya mamatay.

Huwan 18:12

Bag-u ti manga sundalu hanggan kanda kapitan nangawat sa manga pulis Hudiyu sa kanda magdakup sa kan Hisus. Kanda ginapus,

Huwan 18:3

Nakan nag-ati sa halamanan si Hudas may taban usa ka gurupu sundalu taga Ruma, hanggan manga guwardiya ginan sa manga pangulu manughandug ag sa manga Parisiyu. May dara sida manga sulu hanggan manga armas.

Binwat 10:24

Pagka sa usa ka sirang rinmas-ug yi sida sa banwa Sisariya. Pag-alagdun yi sida ni Kurnilyu. Tinipun ni Kurnilyu kay manga katawuhan hanggan kay pagmayadun pag manga kakilala. Tanan-tanan sida mag-alagad yi sa kanda ni Pidru.

Binwat 21:31

Kanda mana matyun yi si Pablu. Dapat may tawu nagpaalam sa kumandir manga sundalu magkun, “Magulu yi ti tawu banwa Hirusalim.”

Binwat 21:8

Pagka sa usa ka sirang linmakaw maan kami ginan sa Tulimaida atabug sa banwa Sisariya. Ati sa Sisariya dinmayun kami sa balay ni Pilipi. Si Pilipi manugpadakit waydi sa Mayad pag Barita, kabilang siya sa pitu ka lalaki manga pinili kaybi sa Hirusalim.

Binwat 22:25

Dapat pagka nagapus yi nida si Pablu ihinigut tag tungud, sinabi niya sa kapitan matindugan siyun magkun, “Angay aw lugud sa batas nu hampakun niyu ti usa ka tawu nu nasakupan siya Ruma ag udwaya paman nasintinsiyahan husgadu?”

Binwat 23:23

Tinawag kumandir kay duwa ka kapitan bag-u kay sinabi sa kanda magkun, “Paghanda kamu duwa ka gatus sundalu, may pitumpulu waya ka sundalu lunsay masakyan sa manga kabayu ag may duwa waya ga gatus sundalu may bangkaw. Pag-alistu yi kamu hampay umatag sa Sisariya sab yabi pagka nakalawuy yapun.

Binwat 23:33

Pagka sida rinmas-ug sa banwa Sisariya, ipinakaun nida ti surat sa gubirnadur bag-u kanda iinintirga si Pablu sa kanya.

Binwat 25:1

Rinmas-ug si Pistu sa pamunuan niya pag purubinsiya. Pagka nakalawuy tulu ka sirang, nag-atag siya sa Hirusalim ginan sa Sisariya.

Binwat 25:13

Pagka dugay rinmas-ug sa Sisariya sida ni Hari Agripa ni Birnisi hampay mansabang sa kan Pistu dahil siya ti bag-u pag gubirnadur.

Binwat 27:1

Pagka inisip nida kailangan kami sumakay yi atabug sa Italya, iinintirga nida si Pablu hanggan manga iba waya pirisu sa kan Hulyu. Si Hulyu kapitan manga sundalu sakup Pangulu Hari.

Binwat 27:31

Dapat sinabi ni Pablu sa kapitan hanggan sa manga sundalu magkun, “Nu lumayas ti manga may apu bangka, pihu duy kamu dayu maribri.”

Binwat 27:43

Dapat kay gustu kapitan danga nida matyun si Pablu, nakan inampara niya kanda gayak. Bag-u sinabihan kapitan ti manga tawu madunung maglanguy, pag-una sida pagluksu, pagtakas yi atag sa baybay.

Binwat 8:40

Si Pilipi waydi napatangad sa banwa yi Asdud. Sa kay maglakaw ati, itinudlu niya ti Mayad pag Barita sa tanan manga banwa hanggan sa ud nakaras-ug sa Sisariya.