Binwat 1:7 - Hanunuu

⁷ Nagsagut si Hisus magkun, “Lubus yi lang kang Ama ti bahala magpili kay taning pag kaudasan. Unman kailangan maalaman niyu nu kapira aban pag mangyari tunda.

Binwat 1:7 Iomraidhean Croise

Hub 24:1

“Hayga unman itinagka Makamaskihan pag Diyus kay udas magpihu sa daut pag manga tawu? Hayga unman mag-akitan manga magkilala sa kanya tunda pag udas sa magpihu?

Danyil 2:21

Siya ti magbag-u sa manga panahun. Siya ti mag-udyuk nu si unu ti humari ag siya diman ti mag-ilis sa kanya. Siya ti magpakaun kadunungan sa manga dunungin.

Matiyu 20:23

Sinabi ni Hisus sa kanda, “Ungud gid inman niyu aban kang ungut may kakurian. Dapat balaw aku ti may karampatan magpili nu si unu ti tumukaw sa kang sikun una sa kang wala. Tunda para sa manga inalistuhan niku Ama.”

Matiyu 24:36

Sinabi ni Hisus magkun, “Dapat unman may tawu umalam nu kapira tunda pag mangyari aban una kay sirang, una kay udas. Unman may makaalam una manga anghil sa langit, una paman ti Anak. Ti Ama lang ti makaalam tunda.

Markus 10:40

Dapat balaw aku ti bahala magpakaun karampatan sa tawu hampay makatukaw sa kang sikun sa kang wala. Tunda para sa manga inalistuhan yi.”

Markus 13:32

Magkun si Hisus, “Dapat unman may tawu umalam nu kapira tunda pag mangyari aban una kay sirang una kay udas. Unman may makaalam una manga anghil sa langit, una paman ti Anak. Ti Ama lang ti makaalam tunda.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Binwat 17:26

Kay linalang Diyus ti usa ka tawu hampay siya ti kinalahian tanan nasyun tawu nangulian sa babaw daga. Pagka udwaya linalang Diyus ti tawu, daan inisip Diyus ti kada tawu kay kaudasan niya buhi hanggan kay ulian pag daga.

Ipisu 1:10

Inda ngani pag ginayak Diyus pihu tupadun niya sa panab-anan ni Kiristu, nu rumas-ug ti taning pag kaudasan. Inda ngani kay gayak, usahun niya aban sa kan Kiristu ti tanan linalang sa langit una sa babaw daga.

Diyuturunumiyu 29:29

“May manga lihim pag manga bagay ti Panginuun lang ti may alam, dapat ipinaburayhaw niya sa kanta kay kasuguan, ag kailangan nita inda sundun hanggan nita lahi hanggan waya aban.

1 Timutiyu 6:15

Aban sa kay taning pag kaudasan mipaburayhaw Diyus kay pagras-ug ni Hisu-Kiristu. Diyus gid ti marapapalad. Siya yi lang ti makamaskihan, siya ti Hari sa tanan manga hari, siya ti Panginuun sa tanan manga panginuun.

2 Timutiyu 3:1

Tandai nimu inda: sa uryan pag kaudasan mangyari ti manga kakurian.