Binwat 1:5 - Hanunuu

⁵ Si Huwan nagtulbaw sa danum dapat ay balaw yi dumugay kamu itulbaw yi sa Ispiritu Banal.”

Binwat 1:5 Iomraidhean Croise

Huwil 3:18

Sa ati katpung pag udas, papaladan niku kamu. Umabunda kanyu bag-u intus ginan sa mayamu pag ubas sa kabantudan, umabunda diman kanyu gatas ginan sa mayamu baka hanggan kambing magharab sa manga tagudtud. Udyi mak-atan kanyu manga laad hanggan sapa. Bumulus ti bulbugan ginan sa Balay Panginuun. Imaw ti maglantap sa manga nak-at pag bululusan danum sa may manga puun akasya.

Matiyu 3:11

Tutuu kamu kang pag-itulbaw sa danum tanda sa kanyu nag-ampu sa kasalanan. Dapat ay may dumasun sa kang uryan lalu man makamaskihan sa kangku. Unman aku may karampatan magdara kay lapak. Siya di ti tumulbaw sa kanyu sa Ispiritu Banal hanggan sa apuy.

Matiyu 3:6

Pagka inaku nida kanda manga kasalanan, kay itinulbaw sida sa sapa Hurdan.

Markus 1:8

Aku magtulbaw ngani sa kanyu sa danum. Siya bay tumulbaw sa kanyu sa Ispiritu Banal.”

Lukas 3:16

Dapat sinabi ni Huwan sa kanda tanan magkun, “Ungud ngani kamu kang pag-itulbaw sa danum. Dapat may rumas-ug makamaskihan man sa kangku. Unman may karampatan aku maglubad panhigut niya manga lapak. Itulbaw niya kamu aban sa Ispiritu Banal hanggan sa apuy.

Huwan 1:26

Sinmagut si Huwan magkun, “Aku magtulbaw sa danum. Dapat may usa ka tawu matindugan sa kanyu karaw-an unman niyu nakilala.

Huwan 1:31

Unman aku nakaalam nu si unu tunda ti dumasun sa kangku. Dapat nagsitay aku magtulbaw sa manga tawu sa danum hampay ipakilala niku siya sa nasyun Israil.”

Huwan 1:33

Ati katpung udwaya nakilala niku siya. Dapat Diyus ti nagsugu sa kangku hampay magtulbaw sa danum, imaw diman ti nagsabi sa kangku magkun, ‘Makitan nimu aban ti Ispiritu magpakababa tag sa usa ka tawu hampay mangulian sa kanya. Tunda yi ngani pag tawu imaw ti tumulbaw sa manga tawu sa Ispiritu Banal.’ ”

Binwat 10:45

Nadulaw gid kan Pidru kaibahan pag manga patar-ari Hudiyu. Una maaw sa manga balaw Hudiyu ipinakaun Diyus ti Ispiritu Banal.

Binwat 19:4

Bag-u kay sinabi ni Pablu magkun, “Kan Huwan itinudlu pag tulbaw kay kahulugan tanda sa manga nag-ampu sa kanda manga kasalanan. Sinabi ni Huwan sa manga Israilita, kailangan sida sumarig sa rumas-ug dumasun sa kanya, kay ibug sabihun sa kan Hisus yi ngani.”

1 Kurintu 12:13

Usa lang ka Ispiritu ti nagtulbaw sa kanta tanan sa bilug ni Kiristu, una kita Hudiyu, una kita Giriyigu, una manga panawuhun, una manga balaw panawuhun, kita tanan pinainum sa usa lang ka Ispiritu.

Titu 3:5

Nakan irinibri niya kita, balaw dahil sa kanta sadili buwat mayad nu unman angay lang sa kay pangaawa. Irinibri niya kita, linumpiyu kita sa danum sa katpung kita inanak inuman ag binag-u kita Ispiritu Banal.