Binwat 1:4 - Hanunuu

⁴ Ati katpung, kasaru waya nida si Hisus kay sinabi magkun, “Dag-ighit kamu ginan sa Hirusalim. Alagda gid niyu ti itinaratu ipakaun Ama sa kanyu imaw yi ti sinabi niku daan sa kanyu.

Binwat 1:4 Iomraidhean Croise

Bilang 9:22

Nu siyun di ti rurum sa babaw Turda una duwa ka sirang ngatay usa ka bulan una usa ka timpu, katunda diman kadugay siyun ti manga Israilita sa kanda kampu.

Matiyu 10:20

Dahil balaw kamu ti bumagaw, nu unman ti Ispiritu niyu Ama ti pumabagaw sa kanyu.

Lukas 11:13

Madi kamu manga makasalanan, madunung diman kamu magpakaun mayad pag pakaun sa kanyu manga anak. Lalu ipakaun niyu Ama sa langit ti Ispiritu Banal sa tawu nu maghagad sa kanya.”

Lukas 12:12

Dahil itudlu Ispiritu Banal sa kanyu sa ati katpung ti dapat niyu sabihun.”

Lukas 24:49

Dapat ay ipakaun dapu niku sa kanyu ti itinaratu niku Ama. Pag-alagad waya kamu sitay sa banwa Hirusalim hanggan sa udwaya kamu maras-ugan kapangyarihan ginan sa langit.”

Huwan 14:16

Humagad aku sa Ama bag-u pakan-an niya kamu tuhay pag Manug-awat hampay siya kanyu yi kaibahan hanggan waya aban.

Huwan 15:26

“Sumitay ti Manug-awat ginan sa Ama tag sa kanyu, ti Ispiritu ngani imaw tigtudlu katutuuhanan tungkul sa Diyus. Suguun niku siya ginan sa Ama bag-u itultul niya sa kanyu ti tungkul sa kangku.

Huwan 20:22

Pagka sinabi niya tunda, kay inarupan niya sida bag-u magkun siya, “Tanggapa niyu ti Ispiritu Banal.

Huwan 7:39

Kay pagtukuyun ni Hisus ti Ispiritu ti matanggap manga tawu nu sida magsarig sa kanya. Ati katpung udwaya ipinakaun ti Ispiritu dahil udwaya nangyari una kay pagkamatay ni Hisus una kay pagkabuhi uman may kadayawan.

Binwat 10:41

dapat balaw sa tanan tawu. Sa kanmi lang pag ipinakakit siya, dahil kami ngani ti daan pinili Diyus manga manugpadakit sa inda pag manga nangyari. Pagka nabuhi maan si Hisus, kaibahan di maan niya kami kasaru diman niya sa karan-an.

Binwat 2:33

Dinara siya tabug sa langit ipinatukaw siya Diyus sa kay sikun baliwa minsan sa kay karampatan maghari. Tinanggap niya angay sa itinaratu Diyus ti Ispiritu Banal ginan sa Ama. Bag-u ilinubus niya ipinakaun ti Ispiritu Banal sa kanmi ga kanyu nakitan ag nadnugan taynguna.