Binwat 1:3 - Hanunuu

³ Kabay pagka namatay yi si Hisus sa kurus, may pira ka bisis napakakit siya sa kanda ginan sa kay pagkabuhi uman. Pagka katida nakitan ti puruyba siya buhi di maan. Napakakit ngani siya sa kanda sa sulud upatpulu ka sirang ag nagtultul siya tungkul sa kay paghari Diyus.

Binwat 1:3 Iomraidhean Croise

1 Hari 19:8

Nakan binmangun ngani si Ilyas, nangaun ag nanginum. Pinabaskug siya niya kinaun, ag nagbaklay siya sa sulud upatpulu ka sirang ag upatpulu ka yabi, tugka sa nakaras-ug siya sa Hurib, ti bantud Diyus.

Matiyu 21:43

“Nakan ngani kang pagsabihun sa kanyu, bul-un ginan sa kanyu ti kaharian Diyus bag-u ipakaun sa usa ka nasyun tawu magtupad sa kagustuhan Diyus.

Matiyu 28:9

Bag-u bigla nasulang ngap manga babayi si Hisus. Nagsabi siya sa kanda, “Pagmasulung gid duy kamu.” Nagpakarani sida sa kanya hiniyaptan nida kay manga lulud kanda sinamba siya.

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Matiyu 4:2

Unman siya naghandum karan-unun sa sulud upatpulu ka sirang may upatpulu ka yabi. Pagka lawuy upatpulu ka sirang linun-us siya.

Markus 16:19

Pagka nakatapus kay bagaw sa kanda, dinara yi ti Panginuun Hisus atag sa langit. Tinmukaw siya sa sikun baliwa Diyus.

Huwan 20:26

Pagka sa usa maan ka sirang duminggu, ati maan ti manga tuludluan sa sulud balay, hanggan si Tumas kaibahan yi nida siyun. Nagluwang si Hisus madi inagad ti manga talakup sabian, nagtindug siya sa kanda karaw-an sinabi niya magkun, “Pagmay kahusayan sa kanyu.”

Huwan 21:1

Pagka dugay kas-a maan napakakit si Hisus sa kay manga tuludluan ati sa saruy danaw Tibiryas. Inda ti nangyari:

Huwan 21:14

Inda kay ikatlu pag napakakit ni Hisus sa kay manga tuludluan ginan sa kay nabuhi maan.

Binwat 13:31

Bag-u sa sulud dugay pag udas pirmi napakakit siya sa manga nagkuyug sa kanya kaybi sa kay nag-ati sa Hirusalim ginan sa Galiliya. Taynguna tunda yi ngani pag manga tawu ti manugbarita tungkul sa kan Hisus sa manga Israilita.

Binwat 19:8

Sa sulud tulu ka bulan pirmi nag-ati si Pablu sa simbahan manga Hudiyu, unman siya magkadala nanudlu gid sa kanda, magpangatadlungan sa kanda hampay tumanggap mana sida sa katutuuhanan tungkul sa kay paghari Diyus.

Binwat 28:23

Nakan nagtararatuhan sida sa iba sirang. Pagka ati katpung pag sirang, lalu waya mayamu tawu ti naglinuwang tag sa kan Pablu pagdayunan pag balay. Ginan surip hanggan yabi malinaw gid kay itinultul niya sa kanda tungkul sa kay paghari Diyus. Ginamit niya ti Kasuguan ni Muysis hanggan ti Kasuratan manga Purupita hampay maintindihan nida ti katutuuhanan tungkul sa kan Hisus.

Binwat 28:31

Ipinaliwanag niya tungkul sa kay paghari Diyus ag itinudlu niya tungkul sa Panginuun Hisu-Kiristu. Matutum kay naisipan ni Pablu sa kay magtudlu ag unman may nag-ampara sa kanya.

Binwat 8:12

Dapat ay pagka itinudlu ngani ni Pilipi ti Mayad pag Barita tungkul sa kay paghari Diyus, hanggan tungkul sa kay kapangyarihan ni Hisu-Kiristu, nagsarig yi ngap ti manga tawu sa kan Kiristu bag-u sida itinulbaw una lalaki una babayi.

Ruma 14:17

Dahil ti pagpasakup tawu sa kay paghari Diyus balaw labut sa kay pagkan-un, sa kay pag-inmun. Ti mahalaga lang nu ti tawu matadlung, nu magkarausa ag nu may kabayaan lunsay manga pakaun Ispiritu Banal.

Diyuturunumiyu 9:18

“Bag-u napayuk-ub aku sa atubangan Panginuun sa sulud upatpulu ka sirang ag upatpulu ka yabi unman may kaun-kaun ag inum-inum, dahil sa tanan kasalanan niyu binuwat. Daut gid sa magbantay Panginuun kanyu binuwat, nagpagalit gid inda sa kanya.

Diyuturunumiyu 9:9

Katpung nagtukad aku sa bantud hampay bul-un ti manga malapad pag batu, nu naan pag isinurat ti kasunduan Panginuun kay binuwat sa kanyu, nagpatayak aku ati sa sulud upatpulu ka sirang ag 40 waydi ka yabi unman may kaun-kaun ag inum-inum.

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

1 Tisalunika 2:12

Pinabisug nimi kanyu nalub-anan, pinasulung ag binutung sa mag-ugali kang-ud sa kay magbantay Diyus, imaw ti nagpili sa kanyu hampay makatanggap kahuray sa kay kaharian hanggan kadayawan.

1 Huwan 1:1

Kami inda may surat tabug sa kanyu tungkul sa Bagaw may kabuhian. Udwaya linalang ti kalibutan daan di siya. Imaw kanmi nadnugan hanggan nakitan nimi mata, kanmi binantayan ag nahikap nimi kamang.