Binwat 1:26 - Hanunuu

²⁶ Bag-u naglunggungan sida atag sa kanda ni Barsabas, nakatama si Matyas. Idinugang siya sa sampulu may usa ka apustul.

Binwat 1:26 Iomraidhean Croise

1 Krunika 24:5

Ti tanan pag buruwatun inayaw ayaw sa manga gurupu sa panab-anan lunggungan hampay unman may pagpiliun. Nakan may manga may kangaranan sa Balay Diyus magsunud sa Diyus ginan sa manga linahi ni Iliyasar ag sa manga linahi ni Itamar.

Nihimyas 10:34

Nanlunggungan kami tanan, hanggan ti manga manughandug nimi ag manga Libita, hampay maalaman nimi nu kapira pag mandara pamagba ti kada magtal-anakan kada timpu hampay gamitun sa manga handug sa harandugan Panginuun nimi Diyus, angay sa nakasurat sa Kasuguan.

Nihimyas 11:1

Ati katpung pag panahun, ti manga takinan nasakupan Israil mag-ulian sa Hirusalim, sa banal pag banwa. Naglunggungan ti manga nasakupan hampay sa kada sampulu ka magtal-anakan may usa ka magtal-anakan mangulian sa Hirusalim, habang ti nasawad matayak sa kanda manga banwa.

Kabagawan 16:22

Nu kawu may kadunungan, mayad ag ikalawig inda nimu buhi, dapat nu kurang kanmu intindi, parusahan kawu dahil sa kanmu pagkakurang-kurang.

Kabagawan 16:33

Maglunggungan ti manga tawu hampay maalaman nida nu hintay kanda buwatun, dapat ti Panginuun di tinagpasnu.

Libitiku 16:8

Ag buwatun niya lunggungan ti duwa ka kambing nu naan ti para sa Panginuun ag ti para sa kan Asasil.

Hunas 1:7

Tunda katpung, nagharampangan ti manga manugpasigu sa barku, “Kalibang manlunggungan kita hampay maalaman nita nu si unu kay dahilan inda pag kakurian rinmas-ug sa kanta.” Nakan nanlunggungan ngani sida, bag-u ti nabunut kay ngaran ni Hunas.

Markus 6:30

Pagka nuli maan kay manga apustul ni Hisus, itinultul nida sa kanya ti tanan nida binwat ag itinudlu.

Binwat 1:23

Nakan ti manga patar-ari nagpili duwa ka lalaki, si Matyas hanggan si Husi kay usa ka ngaran Barsabas, binansagan diman Hustu.

Binwat 13:19

Ipinadaug niya sa kanda ti pitu ka nasyun tawu sa daga Kanaan,

Binwat 2:14

Tinmindug si Pidru hanggan ti sampulu may usa ka kaibahan niya manga apustul. Ainalsa ni Pidru kay busis sa kay magpaliwanag sa kayamuan tawu magkun, “Kamu pag manga kaparihu niku Hudiyu hanggan kamu tanan manga mag-uli sa Hirusalim, pag-isipa niyu inda, kamu pagpatingi mayad, dahil aku may itultul sa kanyu.

Huswi 14:2

Angay sa isinugu Panginuun sa kan Muysis, ti manga daga hinuray sa siyam may tunga ka lahi sa panab-anan lunggungan.

Huswi 18:10

Ag sa panab-anan lunggungan pinakan-an ni Huswi bahagi ti manga linahi Israil unman waya may daga.

Ipinakakit 21:14

Ti alad batu sa sangput banwa may sampulu may duwa ka patakinan pag batu. May surat ti kada usa ka patakinan pag batu, tigus-a ka ngaran sampulu may duwa ka apustul Anak Karanidu.