Binwat 1:25 - Hanunuu

²⁵ hampay siya yi ti kailis sa katungkulan sa pagka-apustul kay tinayakan ni Hudas, pagka siya atag sa rugar angay niya atagan.”

Binwat 1:25 Iomraidhean Croise

Kanta 109:7

Nu bistahun yi siya, mana lumuwang may kasalanan siya. Ag mana kay darangin baliwun kasalanan.

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Matiyu 25:46

Tulakun sida tabug sa kaparusahan unman may katapusan. Dapat ti manga matadlung tumanggap tutuu pag buhi unman may katapusan.”

Matiyu 26:24

Mamatay gid ti Anak Tawu angay sa isinurat sa Banal Kasuratan, dapat kaawaawa duy tunda pag tawu ti pumakampi sa kalaban agud kay itudlu aku, ti Anak Tawu. Mayad waya nu unman nianak siya pag tawu.”

Huwan 13:27

Pagka nagamit ni Hudas ti tinapay, susun inapuan siya ni Satanas. Bag-u kan Hisus sinabi sa kan Hudas magkun, “Ti kanmu buwatun, buwata yi nimu kadali.”

Huwan 17:12

Pagka aku sa kanda di waya, iningatan niku sida sa kapangyarihan nimu ipinakaun sa kangku. Unman may nidamhak sa kanda purya lang tunda pag usa ka tawu ti daan ihinanda para tabug sa kadamhakan hampay matupad ti isinurat sa Banal Kasuratan.

Ruma 1:5

Tinanggap nimi ginan sa kanya ti karampatan hampay kami apustul agud ti tanan nasyun butungun nimi sa pagsarig hanggan pagsunud sa kanya. Pagbuwatun nimi inda para sa kanya.

1 Kurintu 9:2

Una ti iba dayu mangilala kuntay aku apustul, barang kilala yi waydi niyu. Kamu ti sa Panginuun imaw yi ti puruyba sa kang pagka-apustul.

Galasya 2:8

Diyus ti nagpakaun karampatan sa kan Pidru hampay mag-apustul sa manga Hudiyu, imaw diman ti nagpakaun karampatan sa kangku hampay mag-apustul sa manga balaw Hudiyu.