Binwat 1:15 - Hanunuu

¹⁵ Pagka ati katpung nagtiripun maan ti manga patar-ari, manga usa ka gatus may duwapulu. Tinmindug si Pidru sa kanda karaw-an bag-u sinabi niya sa kanda magkun,

Binwat 1:15 Iomraidhean Croise

Matiyu 13:31

Usa waya ka pahalimbawa kay itinultul ni Hisus sa kanda magkun, “Ti kaharian langit ga butir mutsasa. May tawu nagtanum usa ka butir mutsasa sa kay tanman.

Lukas 22:32

Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

Huwan 14:12

Ungud duy kang pagsabihun sa kanyu, ti tawu nu magsarig siya sa kangku, buwatun diman niya ti manga makadululaw ga kang diman binwat. Lalu waya paman makadululaw kay buwatun, dahil aku umati yi sa Ama.

Huwan 21:23

Nakan nilantag ngani inda pag barita sa manga patar-ari unman kunu mamatay tunda pag tuludluan. Dapat balaw kay sinabi ni Hisus kuntay unman mamatay tunda pag tuludluan. Kay sinabi lang ni Hisus magkun, “Nu abi kang gustu siya sitay diman pag mabuhi hanggan sa ud rumas-ug aku atay tag, hintay nangus tunda sa kanmu?”

Binwat 10:23

Bag-u kan Pidru pinasaka sida sa balay magkun, “Pag-igya waya kamu sitay.” Pagka surip nag-alistu si Pidru bag-u kinmuyug siya sa kanda. May kaibahan waya siya manga patar-ari taga Hupi.

Binwat 11:1

Nabaritaan manga iba apustul hanggan manga patar-ari sa bilug daga Hudiya may manga balaw Hudiyu naniwala diman sa Bagaw Diyus.

Binwat 11:12

Sinabi Ispiritu sa kangku danga kunu mag-alaala, pagkuyug yi lang aku sa kanda. Inda pag unum ka patar-ari taga Hupi nagkuyug diman sa kangku tabug sa Sisariya. Pagka kami rinmas-ug, nagsaka ngani kami sa balay ni Kurnilyu.

Binwat 11:26

Pagka nakitan niya si Saulu, tinaban niya siya atag sa Antiyukya. Ati sida duwa sa sulud usa gid ka timpu magpakiusa sa iglisya. Mayamu tawu kanda tinudluan. Ati diman sa Antiyukya pag inumpisahan iningarnan Kiristiyanu ti manga napasakup sa kan Kiristu.

Binwat 11:29

Nakan nagharampangan ti manga patar-ari hampay angay sa kanda kaya sa kada usa pumadara sida pakaun tabug sa manga patar-ari nangulian sa Hudiya.

Binwat 12:17

Pinaamanan niya sida danga maingay bag-u kay itinultul sa kanda nu kabitay siya pag ipinalwas Panginuun ginan sa pirisuhan. Binilinan niya sida magkun, “Ibarita niyu inda sa kan Santiyagu hanggan sa manga patar-ari.” Bag-u nighit si Pidru tag sa iba rugar.

Binwat 14:2

Dapat may manga Hudiyu nagdayu sumarig sa kan Hisus. Pagka dugay inudyukan nida ti manga balaw Hudiyu hampay lumaban sa manga patar-ari.

Binwat 15:1

May manga tawu nagluwang sa Antiyukya ginan sa Hudiya. Kanda tudlu sa manga patar-ari magkun, “Dayu mahimu kamu maribri nu unman kamu turiun dapu angay sa Kasuguan ni Muysis.”

Binwat 15:3

Nakan sinugu ngani sida iglisya. Sa kanda maglakaw sa daga Pinisya hanggan sa Samarya itinultul nida nu kabitay ti manga balaw Hudiyu nagsarig yi waydi sa Diyus. Pagka nadnugan manga patar-ari inda pag manga barita, nakabaya gid ungud sida tanan.

Binwat 16:2

Ti manga patar-ari sa Listara ag sa Ikunyu sa kanda magkilala sa kan Timutiyu siya mayad pag tawu.

Binwat 16:40

Pagka sida ni Pablu nagluwas yi ginan sa pirisuhan, inmati maan gid sida sa balay ni Lidya. Kanda naras-ugan ati ti manga patar-ari. Kanda binilinan sida magkun, “Pagpakarig-un kanyu pagsarig sa Panginuun.” Bag-u nighit sida ni Pablu ni Silas.

Binwat 17:10

Ati katpung pag yabi pinaighit manga patar-ari sida ni Pablu ni Silas ginan sa Tisalunika atag sa banwa Biriya. Pagka sida rinmas-ug sa Biriya, sinmaka sida sa simbahan manga Hudiyu.

Binwat 17:14

Nakan susun pinaighit manga patar-ari si Pablu atag sa baybay dagat. Dapat sida ni Silas ni Timutiyu siyun di sa Biriya.

Binwat 17:6

Pagka unman nakitan nida sida ni Pablu ni Silas, kinarudkud nida si Hasun ag may iba waya pag manga patar-ari atag sa atubangan manga pinunu banwa bag-u kanda irininggit magkun, “Kanta banwa sinulud manga tawu magpan-gulu una lang naan pag rumas-ug sida.

Binwat 18:18

Nadugay waya si Pablu sa manga patar-ari sa Kurintu. Bag-u siya namaalam sa kanda. Pagka siya rinmas-ug sa Sinkiriya napauguy yi kay buhuk, dahil nakatupad yi sa kay taratu. Bag-u sinmakay siya nagdipay atag sa Sirya pag daga, kay kaibahan sida ni Pirisila ni Akila pag mag-asawa.

Binwat 18:27

Pagka kay gustu ni Apulus dumipay atag sa Akaya, inawatan siya manga patar-ari sa Ipisu. Pinmadara sida surat tabug sa manga patar-ari sa Akaya hampay kanda gid tanggapun si Apulus. Pagka rinmas-ug si Apulus sa Akaya, mayad gid pinarig-un niya ti manga nagsarig sa kan Hisus dahil sa kay mayad nabubut-un Diyus.

Binwat 21:17

Pagka kami rinmas-ug sa Hirusalim, masulung gid ti manga patar-ari kanda nagtanggap sa kanmi.

Binwat 21:20

Pagka nadnugan nida kan Pablu manga tultulanun, nagdayaw gid sida sa Diyus. Bag-u kanda sinabi sa kan Pablu magkun, “Alam diman nimu, patar-ari, balaw di pira ka libu ka Hudiyu nagsarig sa kan Hisus. Sida tanan mahigpit gid pag magtuun sa Kasuguan ni Muysis.

Binwat 21:7

Ginminan ngani kami sa Tiru bag-u pagka dugay inmaput kami sa banwa Tulimaida. Nansabang kami sa manga patar-ari, nigya usa ka yabi.

Binwat 22:5

Una ti pangulu manughandug Balay Diyus una ti tanan manga paggurangunun sa nasyun makapatutuu diman sa kang pagsabihun kainda. Pinakan-an waya nida aku manga surat hampay kang darahun atag sa kanta manga kaparihu Hudiyu sa Damasku. Linmakaw ngani aku atabug sa Damasku hampay dakpun niku tunda ngani pag manga tawu magsunud sa bag-u ugali, bag-u kang mana darahun sida may pusas kay kamang sitay tag sa Hirusalim agud parusahan.”

Binwat 28:14

Pagka ati may nakitan kami manga patar-ari, tinanggap nida kami sa kanda balay. Nakan nansabang kami sa kanda sa sulud usa ka duminggu. Pagka siyun ginan naglakaw ngani kami atag sa Ruma.

1 Kurintu 15:6

Pagka nagtiripun ti subra lima ka gatus ka patar-ari, napakakit diman si Hisus sa kanda. Mayamu sa kanda buhi di hanggan taynguna tugka, ti iba bay namatay yi.

Ipinakakit 11:13

Ati katpung pag udas naglinug masyadu gid mabisug. Nawasak ti ikasampulu pag bahagi banwa, pitu ka libu tawu ti namatay sa linug. Ti nasawad pag manga tawu nadala yi masyadu, dinayaw nida ti Diyus sa langit.

Ipinakakit 3:4

Dapat una katida, may imaw waya pira ka tawu asan sa Sardis manga maaman, malumpiyu di kanda rutay, nakan sida aban pirmi kaibahan niku may sulung rutay malagti, dahil sida ti may karampatan.