Binwat 1:14 - Hanunuu

¹⁴ Pirmi sida tanan magtiripun sa darangin. Una manga babayi napaminsan sa kanda hanggan si Marya kay ina ni Hisus hanggan kay manga patar-ari lalaki ni Hisus.

Binwat 1:14 Iomraidhean Croise

Matiyu 12:46

Magbagaw waya si Hisus sa kayamuan tawu, nagras-ug kay ina, kay manga patar-ari. Mag-alagad sida sa luwas balay, gustu nida mihampang sa kanya.

Matiyu 21:22

Ag nu kamu may sarig, una hintay kanyu hagadun sa kanyu darangin, pihu matanggap niyu.”

Matiyu 27:55

Siyun diman ti mayamu pag babayi magbantay ginan sa arayu. Ginan waya sa Galiliya nagkuyug sida sa kan Hisus nagsirbi sa kanya.

Markus 15:40

May manga babayi diman siyun magbantay ginan sa arayu. Minsan sa kanda si Marya Magdalina hanggan si Marya kay ina nida magtar-ari ni Husi ni Santiyagu, hanggan si Salumi siyun diman.

Markus 16:1

Pagka lawuy yi ti Sirang Pamahari, sida ni Marya Magdalina, ni Marya kay ina ni Santiyagu hanggan si Salumi namili manga pamanglu hampay kanda ihaplas sa bangkay ni Hisus.

Lukas 11:13

Madi kamu manga makasalanan, madunung diman kamu magpakaun mayad pag pakaun sa kanyu manga anak. Lalu ipakaun niyu Ama sa langit ti Ispiritu Banal sa tawu nu maghagad sa kanya.”

Lukas 18:1

Itinultul ni Hisus sa kay manga tuludluan ti usa ka halimbawa, kay gustu sabihun kailangan sida magdarangin pirmi, danga maglubay kanda naisipan.

Lukas 23:49

Tanan manga kakilala ni Hisus hanggan ti manga babayi kay kaibahan ginan sa Galiliya, nagtindug ginan sa arayu namantay sa nangyari sa kan Hisus.

Lukas 23:55

Ti manga babayi ti nagkuyug sa kan Hisus ginan sa Galiliya, nagkuyug sa kan Husi nanduaw sa tinaguktukan batu, nu kabitay pag ipinauli ti bangkay.

Lukas 24:10

Sida ngani ni Marya Magdalina, ni Huwana, ni Marya kay ina ni Santiyagu ag may iba waya pag manga babayi kaibahan nida ti nagbarita inda sa manga apustul ni Hisus.

Lukas 24:33

Linmakaw yi sida rargu nagbalik maan tag sa Hirusalim, kanda naras-ugan tipun yi ti sampulu may usa ka tuludluan hanggan kanda manga kaibahan.

Lukas 24:53

Pirmi sida nagtiripun sa Balay Diyus magdayaw sa kanya.

Lukas 8:20

May usa ka tawu nagsabi sa kanya, “Kanmu ina hanggan kanmu manga patar-ari lalaki asan sa luwas balay, kanda mana gustu maghampang sa kanmu.”

Binwat 2:1

Pagka udas yi Pintikustis, ti tanan magsarig nagkaminsan sa usa ka balay.

Binwat 2:42

Unman pagkalimtan nida ti itinudlu manga apustul, ti pagkarausa magtar-arian, ti magmirinsanan magkaun hanggan ti magmirinsanan sa darangin.

Binwat 2:46

Kanda ugali sirang-sirang magtiripun sa Balay Diyus ag magmirinsanan magkaun sa balay manga patar-ari, masulung kanda tagipusuun sa kanda magkaun.

Binwat 6:4

Nu katida ti buwatun nita, matupad diman waydi nimi kanmi pag katungkulan sa magdarangin ag sa magtudlu Bagaw Diyus.”

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

1 Kurintu 14:13

Nakan una hintay tigbagaw sa tuhay-tuhay pag pamagaw unman inadalan kailangan pagdarangin siya hampay maipaliwanag niya kay pagsabihun.

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

Kulusas 4:2

Danga magsuku kamu sa magdarangin. Pangungud kamu sa darangin pag may pasalamat.