Binwat 1:13 - Hanunuu

¹³ Pagka rinmas-ug yi sida sa banwa Hirusalim, nagsaka sida sa kanda dinayunan pag balay sa sulud-sulud sa ikadwa pag ugpu salug. Sida ngani ni Pidru, ni Huwan, ni Santiyagu, ni Andiris hanggan sida ni Pilipi, ni Tumas, sida ni Bartulumi, ni Matiyu hanggan si Santiyagu kan Alpiyu anak, si Simun (imaw ti pagsabihun makabayan), hanggan si Hudas kan Santiyagu anak.

Binwat 1:13 Iomraidhean Croise

Matiyu 9:9

Nighit si Hisus siyun ginan pag rugar. Sa kay maglakaw nakitan niya ti usa ka tawu kay ngaran si Matiyu, matukawan sa panukutan buhis. Magkun si Hisus sa kanya, “Pagkuyug kawu sa kangku.” Nagtindug si Matiyu bag-u kinmuyug yi ngani sa kan Hisus.

Markus 14:15

Bag-u itudlu niya sa kanyu ti daka pag sulud-sulud sa ikadwa pag ugpu, alistu yi kay gamit. Ati kamu paghiwat kanta karan-an.”

Markus 14:33

Bag-u tinaban niya sida ni Pidru, ni Santiyagu, ni Huwan. Bag-u nanruku siya ag naarimputu sa kay tagipusuun.

Markus 2:14

Sa kay naglakaw nakitan niya si Libi kan Alpiyu anak matukawan sa suruktan buhis. Magkun si Hisus sa kanya, “Pagkuyug duy kawu sa kangku.” Nagtindug si Libi nagkuyug ngani sa kan Hisus.

Markus 5:37

Unman pinasnuan ni Hisus una hintay ti kumuyug sa kanya nu ud sida lang ni Pidru ni Santiyagu hanggan kan Santiyagu patar-ari si Huwan.

Markus 9:2

Pagka nakalawuy unum ka sirang, tinaban ni Hisus si Pidru hanggan sida ni Santiyagu ni Huwan. Sida upat nag-atag sa bantud abwat. Pagka sida siyun nakitan nida nagtuhay kay histuda ni Hisus.

Lukas 22:12

Bag-u itudlu niya sa kanyu ti daka pag sulud-sulud sa ikadwa pag ugpu salug, alistu yi kay gamit. Ati kamu paghiwat kanta karan-an.”

Huwan 11:16

Si Tumas, imaw ti binansagan Siing, nagsabi sa kay kaparihu tuludluan magkun, “Pagkuyug waydi kita sa kanta Maisturu hampay minsan diman sa kanya kita pag mamatay.”

Huwan 14:22

Bag-u si Hudas (bukun si Hudas Iskariyuti) pinmaingana sa kan Hisus magkun, “Panginuun, kabitay duy pag ipakilala nimu kanmu sadili sa kanmi lang ag unman hanggan sa manga taga kalibutan?”

Huwan 18:17

Bag-u tunda pag babayi nagsabi sa kan Pidru magkun, “Unman aw kawu hanggan tuludluan diman tunda pag tawu?” Sinmagut si Pidru magkun, “Unman gid duy aku.”

Huwan 21:2

Ati katpung mirinsan sida ni Simun Pidru, ni Tumas kay bansag Siing, si Natanail taga Kana sa Galiliya, hanggan kay manga anak ni Sibidiyu, bag-u may duwa waya ka tuludluan ni Hisus siyun.

Binwat 12:17

Pinaamanan niya sida danga maingay bag-u kay itinultul sa kanda nu kabitay siya pag ipinalwas Panginuun ginan sa pirisuhan. Binilinan niya sida magkun, “Ibarita niyu inda sa kan Santiyagu hanggan sa manga patar-ari.” Bag-u nighit si Pidru tag sa iba rugar.

Binwat 15:13

Pagka natapus kanda ni Birnabi ni Pablu tultulanun, si Santiyagu maan ti nagbagaw magkun, “Manga patar-ari, pagpatingi kamu sa kangku.

Binwat 2:14

Tinmindug si Pidru hanggan ti sampulu may usa ka kaibahan niya manga apustul. Ainalsa ni Pidru kay busis sa kay magpaliwanag sa kayamuan tawu magkun, “Kamu pag manga kaparihu niku Hudiyu hanggan kamu tanan manga mag-uli sa Hirusalim, pag-isipa niyu inda, kamu pagpatingi mayad, dahil aku may itultul sa kanyu.

Binwat 2:38

Nagsagut si Pidru magkun, “Ampuan niyu kanyu kasalanan ag paghagad kapatawadan sa Diyus. Pagpatulbaw ti kada usa sa kanyu, pagpasakup sa ngaran ni Hisu-Kiristu hampay patawadun yi kanyu manga kasalanan. Bag-u ipakaun Diyus sa kanyu ti Ispiritu Banal.

Binwat 20:8

Mayamu pag manga sulu siyun sa kanmi tiripnan pag sulud-sulud ati sa tungud pag ugpu salug.

Binwat 4:13

Pagka nadnugan manga Pinunu kanda ni Pidru ni Huwan pagbagawun matutum kanda naisipan, naglingut gid sida dahil alam diman nida unman masyadu kay inadalan nida ni Pidru nu unman kasarangan lang kay kadunungan pag manga tawu. Kilala diman manga Pinunu sida ni Pidru ni Huwan kay iribahun ni Hisus kaybi sa kay buhi di waya.

Binwat 4:19

Dapat ay nagsagut sida ni Pidru ni Huwan magkun, “Bahala kamu magkilala nu naan ti tama sa atubangan Diyus, nu kamu aw ngatay Diyus ngap ti dapat paniwalaan.

1 Kurintu 15:7

Napakakit diman si Kiristu sa kan Santiyagu bag-u sa tanan manga apustul.

Galasya 1:19

Unman aku may nakitan iba apustul nu unman si Santiyagu lang kay patar-ari Panginuun.

Galasya 2:9

Ti manga pagkumnun pinagkatulduk iglisya, sida ni Santiyagu, ni Pidru, ni Huwan. Naintindihan waydi nida inda pag katungkulan ipinakaun Diyus sa kangku. Nakan kami ni Birnabi kanda tinanggap ga kanda diman, parihu kami manugtudlu. Kanmi pinagkasunduan kami sa manga balaw Hudiyu, sida bay sa manga Hudiyu.

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.

2 Huwan 1:1

Inda ti may surat imaw ti manug-asiwa sa iglisya, atag sa kay pinili Diyus pag babayi hanggan sa kay manga anak. Lubus duy aku magmahal sa kanyu dahil sa kanta magpakiusa sa katutuuhanan ag balaw lang aku nu ud tunda ngap hanggan tanan pag manga nakakilala sa katutuuhanan.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.