Binwat 1:12 - Hanunuu

¹² Bag-u nagbalik maan ti manga apustul sa Hirusalim ginan sa pagsabihun pag bantud Ulibu, udyi magkausa ka tamaan ginatung kay karayu.

Binwat 1:12 Iomraidhean Croise

Sakaryas 14:4

Sa tunda pag sirang, tumindug siya sa Bantud manga Ulibu, sa butlakan Hirusalim. Matunga inda pag bantud ginan sa butlakan tugka sa isalpan. Ti katunga bantud maisdug tag sa salatan ag ti katunga waydi maisdug tag sa kanaway, ag bumaliw inda maluang pag luung sa karaw-an.

Matiyu 21:1

Pagka dugay arani yi sida ni Hisus sa banwa Hirusalim. Pagka nagras-ug sida sa baryu Bitpagi sa bantud Ulibu, sinugu ni Hisus kay duwa ka tuludluan.

Matiyu 24:20

Pagdarangin kamu hampay sa kanyu katpung magpalagiw balaw mitama sa tigraramig hanggan Sirang Pamahari.

Matiyu 24:3

Si Hisus ati sa bantud manga Ulibu. Sa kay matukawan siyun pagka unman may nakadnug iba, pinaingana siya niya manga tuludluan magkun, “Pagtultul duy kawu sa kanmi nu kapira nguna tunda pag mangyari. Hintay kay tanda aban nu arani yi kanmu pagbalik hanggan kay katapusan kalibutan?”

Matiyu 26:30

Pagka sida kinmanta kanda dayaw sa Diyus, nag-atag sida sa bantud Ulibu.

Lukas 19:29

Pagka siya arani yi sa baryu Bitpagi ag sa baryu Bitanya sugkad Bantud Ulibu, sinugu niya kay duwa ka tuludluan

Lukas 21:37

Sirang-sirang magtudlu si Hisus sa Balay Diyus. Yabi yabi mag-ati siya mag-igya sa bantud Ulibu.

Lukas 24:50

Tinaban sida ni Hisus tag sa luwas banwa sa may baryu Bitanya. Ahinunat niya kay manga kamang sa kanda tungud ulu, pinapaladan niya sida.

Lukas 24:52

Kanda waya sinambahan siya. Bag-u nagbalik sida sa Hirusalim, lubus gid nagbaya.

Huwan 11:18

Ti baryu Bitanya arani lang sa Hirusalim, manga usa ka tamaan ginatung kay karayu.