Binwat 1:10 - Hanunuu

¹⁰ Sa kay mag-atag tungud, magpakaturun kay manga apustul sa langit. Bigla may matindugan duwa ka lalaki sa kanda arani malagti kay manga rutay.

Binwat 1:10 Iomraidhean Croise

2 Hari 2:10

Magkun si Ilyas, “Makuri inda kanmu paghagadun. Dapat, matanggap nimu inda nu makitan nimu aku habang pagbul-un ginan sa kanmu atubangan. Nu unman aku makitan nimu, dayu inda matanggap nimu.”

Danyil 7:9

“Bag-u nakitan niku may ipinauli manga tukawan, ag tinmukaw sa kay tukawan ti Diyus Buhi unman may Katapusan. Masilaw kay rutay hanggan kay buhuk dahil sa kalagtian. Maglabdab kay tukawan may manga gulung.

Matiyu 17:2

Pagka sida siyun nakitan nida nagtuhay gid kay histuda ni Hisus. Kay uyahun nagsinglaw ga init, kay manga rutay ga magsiriak-siak yi sa kay kalagti.

Matiyu 28:3

Kay histuda bilang ga kilat kay pagkasilaw, kay rutay ga burak kay pagkalagti.

Markus 16:5

Pagka sinmulud sida sa tinaguktukan batu, nakitan nida may matukawan baliwa sa sikun usa ka kan-akan may sulung rutay sadsad malagti. Naglingut gid ti manga babayi.

Lukas 24:4

Pagka mag-isip waya sida nu hayga udyi sitay, malu, nilpat lang kanda mata inda yi sa kanda arani matindugan ti duwa ka lalaki masinglaw kanda manga rutay.

Huwan 20:12

Bag-u may nakitan siya duwa ka anghil malagti kay manga rutay, matukawan kay usa sa uluhan, kay usa sa aluludan sa nagkabugtangan bangkay ni Hisus.

Binwat 10:3

Pagka dugay, pagka palis ti init, may ipinakakit ti Panginuun sa kanya. Malinaw gid pag nakitan ni Kurnilyu may usa ka anghil Diyus nagsulud sa kay balay. Magkun ti anghil sa kanya, “Kurnilyu.”

Binwat 10:30

Sinmagut si Kurnilyu magkun, “Nakatlu waya duy, manga kainda ngani palis ti init, aku nagdarangin sa kang balay. Bigla may tinmindug sa kang atubangan usa ka lalaki masilaw kay rutay.

Ipinakakit 3:4

Dapat una katida, may imaw waya pira ka tawu asan sa Sardis manga maaman, malumpiyu di kanda rutay, nakan sida aban pirmi kaibahan niku may sulung rutay malagti, dahil sida ti may karampatan.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.