Bilang 8:12 - Hanunuu

¹² “Pagkatapus, ikupa manga lahi ni Libi kanda manga kamang sa ulu duwa ka baka handug para sa kangku. Kay usa handug sa paglumpiyu ag kay usa handug pagsunugun, hampay mapatawad kanda manga kasalanan.

Bilang 8:12 Iomraidhean Croise

Pag-ighit 29:10

“Daran-a nimu ti turiti baka sa atubangan Turda Taragbuan, ag ikupa ni Aarun hanggan niya manga anak kanda kamang sa ulu baka.

Libitiku 1:4

Ikupa niya kay kamang sa kay pag-ihandug ulu baka, ag tanggapun inda Panginuun hampay malukat siya sa kay manga kasalanan.

Libitiku 14:22

Angay sa kay makayahan, mandara siya duwa ka kalampati ngatay duwa ka kurkuru; kay usa handug niya bilang paglumpiyu kasalanan ag kay usa waya handug bilang pagsunugun.

Libitiku 16:11

Iyawun ni Aarun ti turiti baka bilang handug sa paglumpiyu kay sadili hanggan sa kay magtal-anakan.

Libitiku 16:21

Ikupa niya kay duwa ka kamang sa ulu kambing bag-u iampu niya ti tanan kasalanan hanggan ti paglapastangan manga Israilita. Sa panab-anan siyun misalin kanda manga kasalanan tabug sa ulu kambing. Bag-u ipakaun ni Aarun sa katiwala ti kambing hampay palpasan sa pangawakawaan.

Libitiku 16:6

Ihandug ni Aarun ti turiti baka bilang handug panlumpiyu sa kasalanan hampay malumpiyu siya hanggan kay buu magtal-anakan.

Libitiku 4:15

Bag-u ikupa manga manugpamahala Israilita kanda manga kamang sa ulu baka bag-u di iyawun inda sa atubangan Panginuun.

Libitiku 4:35

Bag-u, bul-un niya ti tanan taba karanidu parihu sa kay binwat sa karanidu handug para sa mayad pag pakiusa. Bag-u sunugun niya ti taba sa harandugan kaibahan ti iba waya pag manga handug sa panab-anan apuy para sa Panginuun. Sa panab-anan inda pag buwat manughandug, malukat ti tawu sa kay kasalanan ag patawadun siya Panginuun.

Libitiku 4:4

Darahun niya ti baka sa atubangan Panginuun ati sa arani Turda Taragbuan. Ikupa niya kay kamang sa ulu baka bag-u di niya iyawun tunda.

Libitiku 5:7

Dapat nu unman siya may kakayahan manhandug karanidu ngatay kambing, manhandug lang siya duwa ka kalampati ngatay duwa ka kurkuru bilang bayad niya sa kay kasalanan: kay usa, handug sa paglumpiyu kasalanan ag kay usa handug pagsunugun.

Libitiku 8:14

Pagkatapus inda, ipinab-ul ni Muysis ti tudu baka handug sa paglumpiyu kasalanan. Bag-u itinungbaw ni Aarun hanggan niya manga anak kanda manga kamang sa ulu baka.

Libitiku 8:15

Iniyaw ni Muysis ti baka ag namuul siya kay dugu. Kay isinawsaw kay ituturu sa dugu bag-u ipinayid niya sa manga sungay sa suuk harandugan hampay malumpiyu inda. Ti nasawad pag dugu kay yi inuyang sa sirung harandugan. Katida ngani kay nagtalaga harandugan para sa Panginuun hampay karapat-dapat handugan panlukat sa kasalanan.

Libitiku 8:18

Siyun ginan, ipinab-ul ni Muysis ti usa ka karanidu lalaki bilang handug pagsunugun, bag-u itinungbaw ni Aarun hanggan niya manga anak kanda manga kamang sa ulu karanidu.

Libitiku 8:34

Ti Panginuun, ti nagsugu sa kanta hampay buwatun nita inda pag buruwatun taynguna pag sirang, agud malukat kamu ginan sa kanyu manga kasalanan.

Libitiku 9:7

Magkun siya sa kan Aarun, “Pagpakarani kawu sa harandugan bag-u ihandug nimu kanmu manga handug sa paglumpiyu kasalanan, hanggan kanmu handug surunugun agud malukat kawu kaibahan kanmu magtal-anakan ginan sa kanyu manga kasalanan. Angay sa sugu Panginuun, ihandug diman nimu ti manga handug tawu hampay malukat sida sa kanda manga kasalanan.”

Bilang 6:14

Ati kay ihandug sa Panginuun inda pag manga hayup unman may alangan: usa ka lalaki karanidu kay idad usa ka timpu bilang handug pagsunugun, usa ka babayi karanidu kay idad usa ka timpu diman bilang handug sa paglumpiyu ag usa ka gurangun lalaki karanidu bilang handug para sa mayad pag pakiusa.

Bilang 6:16

“Manug-asiwa ti manhandug inda sa Panginuun: Ihandug niya ti handug paglumpiyu hanggan ti handug pagsunugun;

Bilang 8:13

Patindugan sida sa atubangan ni Aarun hanggan sa kay manga anak lalaki, bag-u italaga sida bilang ipinablag pag handug sa kangku.

Bilang 8:8

Pagkatapus, padaraha nimu sida turiti baka hanggan marinu pag kalasi arina may lakay lana handug pagkilala sa Panginuun. Padaraha diman nimu sida usa waya ka turiti baka handug sa paglumpiyu.

Hibriyu 9:22

Angay sa Kasuguan harus ngani ti tanan bagay paglumpiyuhun sa dugu, ag nu unman may nabuhus dugu, unman waydi may kapatawadan sa kasalanan.