Bilang 4:12 - Hanunuu

¹² Ti manga nasawad pag kagamitan Turda paggamitun sa pagsirbi sa Balay Diyus saputun diman nida rutay marutum ag takluban marinu pag kalasi lukub bag-u ihigut sa tukud yayungan.

Bilang 4:12 Iomraidhean Croise

1 Krunika 9:28

Ti iba sa kanda imaw ti piniyaran sa pag-asikasu manga kagamitan paggamitun sa pagsamba. Pagbilangun nida inda nu kanda gamitun ag pagbilangun maan makalawuy gamitun.

1 Krunika 9:29

Ti iba piniyaran sa pag-asikasu sa iba waya pag manga kagamitan sa Balay Diyus hanggan sa arina, intus, lana, kamangyan, ag manga panlakay.

2 Krunika 4:11

Nagpabuwat diman siya manga anglit, manga pala, ag manga malukung paggamitun sa pagwidwisik. Tinapus ni Huram Abi ti tanan pag-ipabuwat ni Sulumun para sa Balay Diyus. Inda kay manga binuwat:

2 Krunika 4:16

ti manga anglit, manga pala, manga daraka pag manga panubuk para sa taguban, ag ti iba waya pag kagamitan. Ti tanan pag bagay ipinabwat ni Hari Sulumun sa kan Huram Abi para sa Balay Diyus Panginuun buwat tanan sa pinasinglaw galang.

2 Krunika 4:19

Nagpabuwat diman si Sulumun inda pag manga kagamitan para sa Balay Diyus: ti gintu pag harandugan; ti manga lamisa pagpaulian tinapay pag-isagda sa kadayawan Diyus;

2 Krunika 4:22

ti manga pamulud sa mitsa, manga malukung paggamitun sa pagwidwisik, manga sanduk, manga sukadan kamangyan hanggan ti palaulian baga, lunsay diman tanan gintu; ti manga sabian sa Balay Diyus, ti manga sabian pasulud sa Pinakabanal pag Sulud-sulud, pinahaklupan gintu.

Pag-ighit 25:5

lukub lalaki karanidu tinagum marara, marinu pag kalasi lukub, kayu akasya,

Pag-ighit 25:9

Ipabwat ngani nimu inda ti banal pag ulian hanggan ti tanan garamitun angay sa pag-ipakakit niku pag gayak sa kanmu.” (Inda ti banal pag ulian pag-ingarnan diman Turda Tiripnan).

Pag-ighit 31:10

ti banal ag ti marinu pag rutay kay isulung ni Aarun hanggan kay manga anak nu magsirbi yi sida bilang manga manughandug,

Bilang 3:8

Sida diman ti mangalaga sa tanan kagamitan sa Turda, ag mansirbi sa Turda para sa manga Israilita.

Bilang 4:11

“Takluban diman nida rutay malatuy ti gintu pag harandugan, ag takluban waya manga marinu pag kalasi lukub, bag-u ipasulung nida sa manga talinga ti yayungan paras-anan.

Bilang 4:13

“Kailangan bul-un ti dapug sa harandugan ag takluban rutay kulay dungun.

Bilang 4:6

Ag takluban waya nida inda marinu pag kalasi lukub ag rutay marutum, bag-u ipasulung nida sa kay talinga ti manga yayungan.

Bilang 4:7

“Sapinan diman nida marutum pag rutay ti lamisa burugtangan tinapay pag-ihandug sa atubangan Diyus; ag ipauli nida sa lamisa ti manga pinggan, manga tasa, manga ungut, manga siburan pagsukadan manga handug irinmun, ag ti manga tinapay pirmi sa lamisa.

Bilang 4:9

“Ti palaulian sulu saputun nida rutay marutum, hanggan ti manga sulul-an, ti manga pangilpit, ti manga sukadan ayum ginan sa sulul-an ag ti manga siburan sukadan lana sulul-an.