“Pagpabwat diman kawu manga palaulian sulu lunsay gintu kay lulud, kay bilug ag manga pamarinu ga histuda busang kayu, kay iba um-um di waya ag kay iba mabukladan yi. Inda pag pamarinu kaibahan yi pagka binwat ti bilug palaulian sulu.
“Takluban diman nida rutay malatuy ti gintu pag harandugan, ag takluban waya manga marinu pag kalasi lukub, bag-u ipasulung nida sa manga talinga ti yayungan paras-anan.
Ti manga nasawad pag kagamitan Turda paggamitun sa pagsirbi sa Balay Diyus saputun diman nida rutay marutum ag takluban marinu pag kalasi lukub bag-u ihigut sa tukud yayungan.
“Ti palaulian sulu saputun nida rutay marutum, hanggan ti manga sulul-an, ti manga pangilpit, ti manga sukadan ayum ginan sa sulul-an ag ti manga siburan sukadan lana sulul-an.