Bilang 3:10 - Hanunuu

¹⁰ Si Aarun ag kay manga anak ti pilia nimu mansirbi bilang manga manughandug. Una si unu ti bumuwat sa manga buruwatun manughandug sa Turda bukun lahi ni Libi panmatyun.”

Bilang 3:10 Iomraidhean Croise

2 Samwil 6:7

Nangisug gid ti Panginuun sa kan Usa dahil sa kay binwat. Nakan minatay siya Diyus ati sa saruy Kaban.

1 Hari 12:31

Nagpabuwat waya si Hirubuam manga simbahan sa abwat pag rugar hanggan nagpili siya manga tawu hampay sumirbi bilang manughandug, una balaw sida ginan sa lahi ni Libi.

1 Krunika 6:32

Nagsirbi sida sa panab-anan pagkanta ati sa Turda Tiripnan (pagtawagun diman Turda Taragbuan), tugka sa udas naipatindug ni Sulumun ti Balay Diyus Panginuun sa Hirusalim. Binwat nida kanda buruwatun angay sa manga surundanun pag-isugu sa kanda.

Nihimyas 6:11

Dapat sinmagut aku, “Balaw inda pag lalaki ti malagiw; hayga aku malagiw ag patagu sa sulud Balay Diyus hampay iribri kang buhi? Balaw aku patagu!”

Pag-ighit 29:9

pantaung hanggan huragkus. Bumaliw sida manughandug hanggan aban. Sa kainda pag paraan iintirga nimu si Aarun hanggan kay manga anak.

Isikil 44:8

Sa halip kamu ti pumanguna sa banal pag manga bagay sa kang Balay, pag-ipabahala ngap niyu sa iba tawu.

Libitiku 22:10

Kamu lang manga manughandug hanggan kanyu magtal-anakan ti makakaun sa bahagi niyu pag handug. Unman mahimu kumaun siti kanyu nanabang hanggan kanyu sinuhulan pag manugtarabahu.

Bilang 1:51

Nu halinun yi ti Turda, sida diman ti manhalin tunda. Ag nu ipatindug maan, sida diman ti manpatindug tunda. Matyun una si unu ti bumuwat sa tunda pag buruwatun sa Turda Taragbuan balaw lahi ni Libi.

Bilang 16:10

Pinili niya kawu hanggan ti iba manga Libita hampay makapakarani sa kay atubangan, ag kainda kamu magkaibug waya gid bumaliw manga manughandug?

Bilang 16:35

Bag-u nagpadara ti Panginuun apuy, ag inirub ti 250 ka tagasunud ni Kura maghandug kamangyan.

Bilang 18:3

Manarabahu sida angay sa kanmu patigayun, ag buwatun nida ti tanan nida buruwatun sa Turda, dapat balaw sida kailangan mag-igpil sa banal pag manga kagamitan sa Turda ngatay sa harandugan, dahil nu buwatun nida inda magkaramatay sida hanggan kamu.

Bilang 18:7

Dapat kawu lang hanggan kanmu manga anak ti makasirbi bilang manga manughandug. Kamu lang ti makabuwat manga buruwatun may kalabutan sa harandugan ag sa Pinakabanal pag Sulud-sulud. Pakaun niku sa kanyu ti pagkamanughandug niyu. Una si unu ti bumuwat inda balaw manughandug kailangan matyun.”

Bilang 3:11

Magkun waya ti Panginuun sa kan Muysis,

Bilang 3:38

Ti rugar pagkampuhan nida ni Muysis ni Aarun hanggan kay manga anak ati sa may atubangan Turda Taragbuan, baliwa sa may butlakan. Sida ti pinakan-an katungkulan hampay pamahalaan ti manga buruwatun sa Turda para sa manga Israilita. Una si unu ti bumuwat manga buruwatun manughandug sa Turda balaw lahi ni Libi panmatyun.

Ruma 12:7

Nu kay ipinakaun Diyus sa kanta para manugsirbi sa kay buruwatun, pagsirbi yi kita. Pagtudlu yi nu kay tinanggap pag pakaun para manugtudlu.

Ipisu 2:19

Nakan ngani, kamu pag manga balaw Hudiyu, balaw yi kamu day-uhan ngatay taga iba rugar, nu unman kasimanwa ngap manga pinili Diyus ag minsan sa kay magtal-anakan.

Diyuturunumiyu 18:5

Dahil sa tanan linahi Israil, sida hanggan kanda manga katawuhan imaw ti pinili Panginuun niyu Diyus sumirbi sa kanya hanggan waya aban.

Hibriyu 8:4

Nu abi si Hisus sitay sa babaw daga, balaw makahandug siya sa Balay Diyus dahil may manga maghandug yi waydi manga handug sa Diyus angay sa Kasuguan.

Talaghusay 17:5

May sadili simbahan si Mikas, ag nagpabuwat siya manga diyus-diyusan hanggan ipud manughandug. Binwat niya manughandug ti usa sa kay manga anak lalaki.

1 Samwil 6:19

Dapat may minatay ti Diyus, 70 ka tawu taga Bit Simis dahil binantayan nida kay sukad Kaban Panginuun. Nanruku ti manga tawu dahil sa masyadu pag sarut Panginuun sa kanda.