Bilang 23:2 - Hanunuu

² Sinunud ni Balak ti pagsabihun ni Balaam, sida duwa ti naghandug turiti baka hanggan tudu karanidu sa kada harandugan.

Bilang 23:2 Iomraidhean Croise

Isikil 45:23

Kada sirang sa sulud pitu ka sirang niyu pagdaus, manhandug sa kangku ti takinan pitu ka tudu baka ag pitu ka lalaki karanidu unman may alangan bilang handug pagsunugun. Mansagda diman siya usa ka lalaki kambing bilang handug sa paglumpiyu.

Bilang 23:1

Magkumun si Balaam sa kan Balak, “Pabwati aku sitay pitu ka harandugan, ag alistuhi aku pitu ka turiti baka ag pitu ka tudu karanidu.”

Bilang 23:14

Nakan tinaban ni Balak si Balaam sa usa ka tanman sa Supim, sa katayungtungan Pisga, ag ati nagpatindug sida pitu ka harandugan ag naghandug usa ka baka ag usa ka karanidu sa kada harandugan.

Bilang 23:29

Magkun si Balaam, “Pabwati aku sitay pitu ka harandugan, ag pag-alistu kawu pitu ka tudu baka ag pitu ka lalaki karanidu para sa kangku.”

Bilang 23:3

Bag-u magkun si Balaam sa kan Balak, “Sitay lang kawu sa arani nimu handug pagsunugun. Lumakaw dap aku, barang pakakit sa kangku ti Panginuun. Tultulan lang niku kawu nu hintay kay sabihun sa kangku.” Nakan nagtukad siya atag sa katayungtungan tagudtud.

Bilang 23:30

Nakan binwat ni Balak ti pagsabihun ni Balaam, naghandug siya usa ka baka ag usa ka karanidu sa kada harandugan.