Bilang 23:1 - Hanunuu

¹ Magkumun si Balaam sa kan Balak, “Pabwati aku sitay pitu ka harandugan, ag alistuhi aku pitu ka turiti baka ag pitu ka tudu karanidu.”

Bilang 23:1 Iomraidhean Croise

2 Hari 18:22

Dapat barang sumabi kamu sa kangku magsarig kamu sa Panginuun niyu Diyus. Dapat unman aw kawu diman, Isikyas, ti nagpadaut manga simbahan sa abwat pag manga rugar hanggan ti manga harandugan, ag sinabihan nimu ti manga taga Huda hanggan taga Hirusalim kailangan magsamba sida sa usa lang ka harandugan ati sa Hirusalim?’

1 Krunika 15:26

Ag dahil inawatan Diyus ti manga Libita katpung dinara nida ti Kaban Kasunduan Panginuun, nansagda sida pitu ka tudu baka ag pitu ka karanidu.

2 Krunika 29:21

Nagdara sida pitu ka tudu baka, pitu ka lalaki karanidu, pitu ka anak karanidu, ag pitu ka lalaki kambing bilang handug sa paglumpiyu para sa kanda kaharian, sa Balay Diyus, ag sa manga nasakupan Huda. Sinugu ni Hari Isikyas ti manga manughandug ginan sa lahi ni Aarun hampay ihandug tida sa harandugan Panginuun.

Hub 42:8

Nakan kainda pagbuul kamu pitu ka tudu baka ag pitu ka karanidu lalaki bag-u pag-atag kamu sa kan Hub, ihandug niyu inda bilang handug pagsunugun para sa kanyu sadili. Mandarangin si Hub para sa kanyu ag dungugun niku kay darangin; balaw niku kamu parusahan angay sa kanyu balaw may namuangan. Unman bay kamu nagbagaw kang-ud tungkul sa kangku parihu sa binuwat ni Hub, kang manugsirbi.”

Pag-ighit 20:24

“Pagbuwat kamu daga pag harandugan para sa kangku ag siyun niyu pag ihandug kanyu manga karanidu, manga kambing hanggan manga baka bilang handug pagsunugun ag handug para sa mayad pagpakiusa. Buwata niyu inda sa piliun niku pag rugar nu naan pag sambahun aku, umasan aku ag papaladan niku kamu.

Kabagawan 15:8

Pagkadat-an Panginuun ti manga handug manga daut pag tawu, dapat magbaya siya sa manga darangin manga matadlung.

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Isikil 45:23

Kada sirang sa sulud pitu ka sirang niyu pagdaus, manhandug sa kangku ti takinan pitu ka tudu baka ag pitu ka lalaki karanidu unman may alangan bilang handug pagsunugun. Mansagda diman siya usa ka lalaki kambing bilang handug sa paglumpiyu.

Bilang 22:41

Pagkasurip, dinara ni Balak si Balaam sa Bamut Baal, ag ati nakitan niya sa lawud ti iba ka nasakupan Israil.

Bilang 23:2

Sinunud ni Balak ti pagsabihun ni Balaam, sida duwa ti naghandug turiti baka hanggan tudu karanidu sa kada harandugan.

Bilang 23:29

Magkun si Balaam, “Pabwati aku sitay pitu ka harandugan, ag pag-alistu kawu pitu ka tudu baka ag pitu ka lalaki karanidu para sa kangku.”

Bilang 23:30

Nakan binwat ni Balak ti pagsabihun ni Balaam, naghandug siya usa ka baka ag usa ka karanidu sa kada harandugan.

Bilang 29:32

“Sa ikapitu pag sirang pista, inda kanyu ihandug: pitu ka turiti baka, duwa ka tudu karanidu ag 14 ka turiti karanidu. Kailangan inda tanan unman may alangan.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Hudas 1:11

Madala gid kanda patabgan dahil naghuwad sida sa kay ugali ni Kain. Parihu sa kan Balaam sinukmahan nida ti kadautan basta may matanggap sida kuwarta. Parihu ga kan Kura, sa kanda maglaban sida midamhak aban.

1 Samwil 15:22

Dapat nagsagut si Samwil, “Magbaya aw lugud ti Panginuun sa manga handug niyu kaysa pagsunud sa kanya? Ti pagsunud sa Panginuun mas mayad man kaysa manga handug. Ti pagpatingi sa kanya mas mayad man kaysa paghandug manga taba karanidu.