Bilang 21:4 - Hanunuu

⁴ Ginan sa Bantud Hur, linmakaw ti manga Israilita lakaw sa dalan atag sa Dagat Marara hampay makaibay sida sa daga Idum. Dapat magkagasa yi ti manga tawu sa kanda maglakaw,

Bilang 21:4 Iomraidhean Croise

2 Hari 3:8

Nagpaingana si Husapat, “Naan kita pag lumakaw nu man-gira?” Sinmagut si Huram, “Sa pangawakawaan Idum.”

Pag-ighit 6:9

Ipinadakit inda ni Muysis sa manga Israilita, dapat unman sida naniwala sa kanya dahil naduraan yi sida pag-asa sa masyadu pagpakuri sa kanda bilang manga panawuhun.

Bilang 14:25

Taynguna balaw dapu kamu parargu dahil may manga Kanaanita hanggan manga Amalikita mag-uli sa manga karatagan, nu unman pagbalik dap kamu aldaw sa pangawakawaan, atag sa may Dagat Marara pag dalan.”

Bilang 20:27

Sinunud ni Muysis ti isinugu Panginuun sa kanya. Nagtukad sida sa Bantud Hur habang magbantay ti buu nasakupan.

Bilang 32:7

Pagpalumuyun lang niyu ti manga Israilita atabug sa ipinakaun Panginuun pag daga sa kanda.

Bilang 32:9

Pagka rinmas-ug sida sa Luung Iskul, nakitan nida ti daga, pinalumuy nida ti manga Israilita sa pag-ati sa ipinakaun Panginuun pag daga sa kanda.

Bilang 33:41

Ginan sa Bantud Hur, nagparargu ti manga Israilita sa kanda maglakaw. Inda pag manga rugar kanda kinampuhan: Salmuna, Punun, Ubut, Iyi Abarim, ati sa katugkaan daga Muab, Dibun Gad, Almun Diblataim, sa manga bantud Abarim arani sa Nibu, ag tugka sa nakaaput sida sa karatagan Muab sa saruy Hurdan arani sa Hiriku.

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Diyuturunumiyu 1:40

Dapat kamu, bumalik maan sa pangawakawaan atabug sa Dagat Marara.’

Diyuturunumiyu 2:1

“Bag-u nagbalik kita atag sa pangawakawaan atabug sa Dagat Marara, angay sa pag-isugu Panginuun sa kangku. Bag-u dugay pag panahun, nagpalibut-libut kita sa kabantudan Siir.

Talaghusay 11:18

“Pagka sa uryan, nagpadiritsu sida sa kanda paglakaw sa pangawakawaan. Nanlawuy sida sa Idum hanggan Muab tugka sa nakaras-ug sida sa butlakan Muab sa dipay Luung Arnun. Ati sida nangampu, dapat unman sida nandipay sa Arnun dahil katugkaan ati Muab.