Bilang 19:3 - Hanunuu

³ Iayaw niyu inda sa kan Iliyasar sa manughandug, ag daran-un sa luwas kampu bag-u iyawun sa kay atubangan.

Bilang 19:3 Iomraidhean Croise

Libitiku 16:27

Ti nasawad pag bahagi baka hanggan kambing kay dugu imaw ti dinara sa Pinakabanal pag Sulud-sulud hampay lumpiyuhun tunda, kailangan diman darahun sa luwas kampu ag sunugun.

Libitiku 24:14

“Daran-a niyu atag sa luwas kampu tunda pag tawu magpuya sa kangku. Ti tanan manga nakaalam sa kay kasalanan tungbawan kanda kamang sa kay ulu hampay pumatutuu kuntay may saragtun siya, bag-u bintukun siya buu nasakupan Israil.

Libitiku 4:11

Dapat ti nasawad pag bahagi hayup, kay lukub, nayi, ulu, manga lulud, ag ti sa sulud tiyan, hanggan yi kay kinaun, kailangan darahun niya sa luwas kampu bag-u sunugun sa tapung manga kayu, ati sa may malumpiyu pag rugar sa may rayamtan dapug.

Bilang 15:36

Nakan dinara siya buu nasakupan tag sa luwas kampu ag binintuk tugka sa namatay, angay sa isinugu Panginuun sa kan Muysis.

Bilang 19:9

“Ti malumpiyu pag tawu imaw ti mam-ul dapug baka, ag ipauli niya inda sa usa ka rugar pagkilalan-un malumpiyu sa luwas kampu. Ibutang inda ati hampay gamitun nasakupan Israil panlakay sa danum garamitun sa paglumpiyu. Pagbuwatun inda pag buruwatun hampay mab-ul ti kasalanan.

Bilang 3:4

Dapat sida ni Nadab ni Abihu namatay sa atubangan Panginuun pagka naggamit sida apuy balaw paggamitun sa paghandug sa Panginuun ati sa pangawakawaan Sinai. Namatay sida unman may anak, nakan sida ni Iliyasar ni Itamar lang ti nagsirbi bilang manga manughandug habang buhi si Aarun.

Bilang 5:2

“Sugua nimu ti manga Israilita palwasan nida sa kampu una si unu ti may dilikadu pag sakit sa lukub, ngatay may amumutul ngatay gaway dahil sa sakit, ngatay mayagting siya dahil nakahiyaput bangkay.