Bilang 16:3 - Hanunuu

³ Nag-atag sida tanan sa kan Muysis hanggan sa kan Aarun ag magkun, “Masyadu yi inda kanyu pagbuwatun sa kanmi! Hayga pag-ipalabaw gid niyu kanyu sadili sa nasakupan Panginuun nu sa ungud kami tanan pinili diman Panginuun sumirbi sa kanya ag pag-ibahan diman niya?”

Bilang 16:3 Iomraidhean Croise

Isra 9:2

Nangasawa waya sida hanggan kanda manga anak sa manga babayi ginan sa tunda pag manga nasakupan. Nakan ti nasakupan pinili Diyus naamutan iba manga linahi. Ag kanta manga may kangaranan ag manga takinan sida waya ti nanguna sa pagbuwat inda.”

Kanta 106:16

Ati sa kanda pag kampu sa pangawakawaan, naghirak sida kan Muysis ag kan Aarun. Si Aarun imaw ti itinalaga hampay sumirbi sa Panginuun.

Kanta 68:17

Nagras-ug ti Panginuun Diyus sa kay Balay ginan sa Sinai kaibahan kay linibu manga kalisa.

Pag-ighit 19:6

dapat piliun niku kamu hampay kang yi manga nasakupan, ag bumaliw kamu usa ka kaharian magsirbi sa kangku bilang manga manughandug.’ Inda ti sabihun nimu sa manga Israilita.”

Bilang 14:14

Nu rurisun nimu kanmu nasakupan, itultul inda manga taga Ihiptu sa manga mag-uli sa Kanaan. Nadnugan yi manga Kananiyu kawu, Panginuun mag-iba sa manga Israilita, ag magpakakit sa kanda sa panab-anan rurum maggiya sa kanda. Pagpangunahan nimu sida nu sirang sa panab-anan rurum ga tulduk, ag nu yabi sa panab-anan apuy ga tulduk.

Bilang 16:11

Kawu hanggan kanmu manga tagasunud maglaban sa Panginuun balaw sa kan Aarun.”

Bilang 16:41

Dapat sa sunud pag sirang, nagriklamu maan ti buu nasakupan Israil sa kan Muysis hanggan sa kan Aarun. Magkun sida, “Pinanmatay niyu ti nasakupan Panginuun.”

Bilang 16:7

bag-u paulii niyu baga hanggan kamangyan, ag daraha sa atubangan Panginuun. Bag-u makitan nita nu si unu ti piliun Panginuun banal hampay sumirbi sa kanya. Kamu pag manga Libita, labis yi kanyu pagbuwatun!”

Bilang 23:21

Unman aku may nakitan kadautan ngatay kakurian rumas-ug sa Israil. Kaibahan nida ti Panginuun kanda Diyus; pagkilalan-un nida siya kanda hari.

Bilang 35:34

Nakan ngani danga niyu pag-uringi kanyu pag-ulian pag daga, dahil aku gid, ti Panginuun, mag-ulian kaibahan niyu manga Israilita.”

Bilang 5:3

Palwasan niyu sida, lalaki man ngatay babayi hampay balaw nida mauringan ti kampu, nu naan aku mangulian kaibahan niyu.”

Binwat 7:39

“Dapat kanta manga ginurang unman nagsunud sa kan Muysis. Bagkus ngap kanda yi lang gid dinayu. Nakadumdum di sida sa kanda ulian kaybi sa Ihiptu.

Binwat 7:51

Sigi waya gid kan Istiban paalaala sa Katipunan manga Pinunu magkun, “Tutuu maganit kanyu manga ulu. Kanyu tagipusuun parihu lang ga tawu unman nagsarig sa Diyus. Unman niyu pagpatingihan ti katutuuhanan. Unman waydi kamu magpaniwala sa pagsabihun Ispiritu Banal. Parihu yi lang gid kamu ga kanyu manga ginurang.