Bilang 11:1 - Hanunuu

¹ Nagriklamu ti manga Israilita sa kan Muysis dahil sa kanda magkalakawan kakurian. Pagka nadnugan inda Panginuun, nangisug siya ag pinauranan niya sida apuy imaw ti nag-irub sa saruy pag kampu.

Bilang 11:1 Iomraidhean Croise

Gimpuunan 38:10

Daut kay binwat ni Unan sa magbantay Panginuun, nakan minatay diman siya Panginuun.

2 Samwil 11:27

Pagkatapus panrukuan, ipinab-ul siya ni Dabid ag dinara sa balay hari. Inasawa siya ni Dabid ag unman nagdugay, nagkaimaw siya usa ka anak lalaki. Dapat daut kan Dabid binwat sa magbantay Panginuun.

2 Hari 1:12

Nagsagut si Ilyas, “Nu suruguun aku Diyus, umuran mana apuy ginan sa langit umirub sa kanmu hanggan sa 50 ka tawuhan nimu!” Kadaka ngani nagras-ug ti apuy Diyus ginan sa langit ag inirub ti takinan sundalu hanggan kay 50 ka tawuhan.

Hub 1:16

Sigi waya ti bagaw tawu, rinmas-ug waydi ti usa waya ka tawu ag nagbarita magkun, “Nasakpan duy kilat kanmu manga karanidu hanggan kay manga manug-alaga nasunug sida tanan. Aku wadi ti nakapalagiw hampay mamarita sa kanmu!”

Kanta 106:18

Ag may apuy waya gid imaw ti nagsunug sa kanda daut pag manga manugsunud.

Kanta 78:21

Nakan nagalit ti Panginuun pagka nasaydan niya sida. Sa kay pangagalit sa manga Israilita, sa kay manga linahi ni Hakub, sinalakay sida niya apuy.

Kanta 78:63

Sinunug kanda manga anak lalaki, nakan naduraan arasawan-un kanda manga daraga.

Pag-ighit 16:7

ag aldaw pag surip, makitan niyu ti kadayawan Panginuun. Dahil nadnugan niya kanyu manga riklamu. Si unu gid kami hampay manriklamu kamu sa kanmi? Kay tutuu, ti Panginuun kanyu pagriklamuhan.”

Pag-ighit 16:9

Magkun si Muysis sa kan Aarun, “Sabiha nimu sa buu nasakupan Israil pagpakarani sida sa atubangan Panginuun dahil nadnugan niya kanda manga riklamu.”

Isayas 10:17

Ti Panginuun ti pinagkasulu ag banal pag Diyus Israil bumaliw ga maglabdaban apuy umirub sa manga dugihan niya pag halamanan sa sulud lang usa ka sirang.

Isayas 30:33

Dugay yi nakaalistu ti rugar sunugan sa hari Asirya. Daka inda ag abasad, alistu yi ti mayamu pag pamagba. Ti arup Panginuun ga maglabdab asupri imaw ti pumalabdab sa pamagba.

Isayas 33:14

Pagtakigan sa dala ti manga makasalanan sa Siun. Magkun sida, “Ti Diyus parihu sa maglabdaban apuy unman magkapsa. Si unu sa kanta ti makapadugay sa atubangan Diyus?”

Karukuan 3:39

Hayga magriklamu kita nu pagparusahan kita dahil sa kanta manga kasalanan?

Isikil 20:36

Pihuun niku kamu, nu kabitay pinihu niku kanyu manga ginurang sa pangawakawaan Ihiptu. Aku, ti Panginuun Diyus, ti magbagaw inda.

Libitiku 10:2

Nakan nagpadara apuy ti Panginuun ag inirub sida tugka sa namatay sa atubangan Panginuun ati sa Turda Taragbuan.

Nahum 1:5

Sa kay atubangan magkahalu ti kalibutan, hanggan ti manga bantud, una ti manga tawu sa kalibutan pagtakigan.

Habakuk 3:5

Rumas-ug kawu may dara manga sarut.

Bilang 10:33

Nakan nighit ngani sida ginan sa bantud Panginuun, naglakaw sa sulud tulu ka sirang. Mag-una sa kanda ti Kaban Kasunduan hampay manhanap rugar kanda mapaharyan.

Bilang 11:18

“Bag-u sumabi kawu sa manga tawu lumpiyuha nida kanda sadili, dahil aldaw may makaun yi sida taguban. Sabiha nimu inda sa kanda: ‘Nadnugan niku kanyu riklamu magkaibug kamu mangaun taguban. Pagsabihun niyu mas mayad waya kanyu kahamtangan sa Ihiptu. Nakan aldaw, pakan-an niku kamu taguban hampay makakaun kamu.

Bilang 12:2

Magkun sida, “Sa panab-anan lang aw lugud ni Muysis pag maghampang ti Panginuun? Maghampang diman siya sa panab-anan nimi.” Dapat nadnugan inda Panginuun.

Bilang 14:2

Nagriklamu sida sa kan Muysis hanggan sa kan Aarun. Magkun sida, “Mayad waya nagkaramatay yi lang kita sa Ihiptu ngatay sitay sa pangawakawaan.

Bilang 14:22

unman una di usa sa kanda ti makaslud sa itinaratu niku pag daga sa kanda manga ginurang. Dahil una nakitan nida kang kadayawan hanggan ti manga makadululaw pag binwat niku sa Ihiptu ag sa pangawakawaan, pirmi diman nida aku pagsubukan ag unman sida magsunud sa kangku. Nakan balaw gid makaslud sa tunda pag daga ti manga magdayu sa kangku.

Bilang 14:27

“Tugka waya kapira magriklamu inda pag daut nasakupan sa kangku? Nasaydan niku ti manga riklamu manga marariklamu pag manga Israilita.

Bilang 14:28

Nakan sabihun nimu inda sa kanda: ‘Magsumpa aku, ti Panginuun buhi, buwatun niku sa kanyu ti pagsabihun niyu.

Bilang 16:11

Kawu hanggan kanmu manga tagasunud maglaban sa Panginuun balaw sa kan Aarun.”

Bilang 16:35

Bag-u nagpadara ti Panginuun apuy, ag inirub ti 250 ka tagasunud ni Kura maghandug kamangyan.

Bilang 17:5

Ti mapili niku pag tawu manirbi sa kangku bilang manughandug manalingsing kay sugkud, sa panab-anan inda, umapas yi ti pagriklamu manga Israilita laban sa kanyu ni Aarun.”

Bilang 21:5

nakan nagriklamu sida sa Diyus hanggan sa kan Muysis. Magkumun sida, “Hayga ipinalwas waya nimu kami ginan sa Ihiptu hampay magkaramatay lang sitay sa pangawakawaan? Unman sitay may kang-ud karan-unun hanggan danum! Balaw yi kami makaagwanta magkaun inda pag mana.”

1 Kurintu 10:10

Danga diman waydi kamu magriklamu laban sa Diyus, balaw parihu sa kanda, ti iba nagbirba laban sa Diyus nakan minatay sida anghil kay sinugu Diyus hampay magpapas sa kanda.

Diyuturunumiyu 25:18

Ginira nida kamu katpung magkagasa yi gid kamu sa budlay, ag pinanmatay nida kanyu manga kaibahan ati sa uryan. Unman sida may dala sa Diyus.

Diyuturunumiyu 32:22

Dahil kang pangagalit maglabdab ga apuy. Mag-irub inda sa daga ag sa tanan asan, hanggan sa kaabasad-basadan daga, ag sa manga paratungtungan manga bantud.

Diyuturunumiyu 9:22

“Ginalit diman niyu ti Panginuun ati sa Tabira, sa Masa ag sa Kibrut Hataaba.

Hibriyu 12:29

Dahil kanta Diyus ga apuy maghirut.

Santiyagu 5:4

Magtawag magpatutuu laban sa kanyu ti patabig unman ipinakaun niyu sa manga manug-ani sa kanyu tanman. Kay dangup manga manug-ani kanyu inapi aput yi sa langit, nadnugan yi Panginuun Makamaskihan sa tanan.

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.