Bilang 10:9 - Hanunuu

⁹ “Nu ati yi kamu sa kanyu kadagaan, ag lumaban yi kamu sa manga kalaban nag-api sa kanyu, patnuga niyu kanyu turumpita hampay aku, ti Panginuun niyu Diyus, alalahanun niku kamu, ag iribri sa kanyu manga kalaban.

Bilang 10:9 Iomraidhean Croise

Gimpuunan 8:1

Balaw kinalimtan Diyus si Nuwi hanggan kay manga kaibahan hayup sa sulud barku. Nakan ipinahuyup niya ti durus sa kalibutan ag amat-amat maghubas ti danum.

2 Krunika 13:12

Ti Diyus kaibahan nimi; siya ti takinan nimi. Patunugun niya manga manughandug ti manga budyung nida sa pagpanguna sa kanmi sa paglaban sa kanyu. Manga nasakupan Israil, danga kamu magsalumpang laban sa Panginuun, ti Diyus niyu manga ginurang, dahil balaw gid kamu manalu.”

2 Krunika 13:14

Pagka nakitan manga taga Huda paggirahun yi sida sa dayuan ag sa atubangan, naghagad sida awat sa Panginuun. Pinatunug rargu manga manughandug ti manga budyung,

Kanta 106:4

Panginuun, alalahana aku nu mag-awat kawu sa kanmu nasakupan; ribrihan diman aku nu magribri kawu sa kanda,

Kanta 106:42

Binwat panawuhun sida nida manga kalaban.

Kanta 136:23

Inalala niya kita sa kanta makuri pag kahamtangan. Kay pagmahal unman may katapusan.

Isayas 18:3

Kamu tanan mag-ulian sa kalibutan, bantayi niyu ti pag-abwat bandira sa babaw bantud, ag patingihi niyu ti tunug budyung.

Isayas 58:1

Magkun ti Panginuun, “Paghuyaw kamu ka daka parihu sa budyung! Danga niyu pag-apasi! Sabiha niyu sa kang manga nasakupan manga linahi ni Hakub kanda manga kasalanan hanggan paglabag.

Hirimyas 4:19

“Ti sakit sa tagipusuun harus dayi niku mabata ag kang-ud yi lang kang magdangup. Magtibtibuk wadi kang dubdub ag unman aku makaagwanta. Dahil nadnugan niku ti tunug budyung hanggan ti pagrit sa girahan.

Hirimyas 4:21

kapira tugka nguna makitan niku ti bandira sa girahan hanggan madnugan ti tunug turumpita?”

Hirimyas 4:5

“Sabihun nimu sa Huda ag Hirusalim kuntay patunugun nida ti budyung sa buu daga. Ihuyaw sa malinaw ag sa mabaskug kuntay pagpalagiw sida ag pagpatagu sa manga may alad batu pag banwa.

Hirimyas 49:2

Aku, ti Panginuun magsabi, rumas-ug ti sirang ipagira niku sa manga kalaban ti Raba. Wasakun inda kanyu banwa hanggan ti manga baryu sa kalibut irubun. Sa kainda pag paraan, matabug manga taga Israil ti manga nagtabug sa kanda.

Hirimyas 6:1

“Manga lahi ni Binhamin, pagpalagiw kamu ag pag patagu! Pag-ighit kamu ginan sa Hirusalim! Patunugun niyu ti budyung sa Tikuwa ag paamanan niyu ti Bit Hakirim, dahil rumas-ug yi ti kadamhakan ginan sa kanaway.

Hirimyas 6:17

Nagpauli aku manga manugbantay bag-u magkun sa kanyu, ‘Patingihi niyu ti tunug budyung bilang pasandam.’ Dapat magkun kamu, ‘Balaw kami mamatingi.’

Isikil 7:14

Una waya ipatunug nida ti budyung sa pag-alistu sa tanan sa paglaban, unman may manguyug sa paglaban, dahil kang pangagalit malakawan tanan.

Husyas 5:8

“Patunuga ti manga budyung hanggan manga turumpita sa pagpasandam sa manga tawu sa Gibiya hanggan sa Rama! Padnugan ti ringgit kaguluhan sa Bit Abin! Nasakupan Binhamin, pagbantay kamu!

Amus 3:6

Balaw aw lugud pagtakigan sa kadalaan ti manga tawu kada patunugun ti budyung sa pagpasandam may manga kalaban maggira? Nu rumas-ug ti kadamhakan sa usa ka banwa, unman aw ti Panginuun ti nagpadara tunda?

Sipanyas 1:16

bag-u madnugan ti tunug manga budyung ag ti paragritan manga sundalu maggira sa may alad batu pag manga banwa hanggan sa manga bantayaw nida.

Bilang 31:6

Ipinadara ni Muysis sida tag sa labanan, 1,000 ginan sa kada lahi, pagpangunahan ni Piniis anak ni manughandug Iliyasar. Nandara si Piniis manga kagamitan ginan sa Balay Diyus hanggan manga turumpita hampay pamasandam.

1 Kurintu 14:8

Dahil una budyung nu tumunug unman may turunu, hintay lugud ti mangalistu maglaban sa gira?

Diyuturunumiyu 20:1

“Nu maglakaw kamu hampay manggira sa kanyu manga kalaban, ag mag-akitan niyu kanda manga kabayu, manga kalisa hanggan manga sundalu mas mayamu waya kaysa kanyu, danga kamu magkadala sa kanda, dahil kaibahan niyu ti Panginuun niyu Diyus ti nagpalwas sa kanyu sa Ihiptu.

Huswi 6:5

Nu madnugan yi niyu ti aba pag tunug nida budyung, pagringgit mabaskug kamu tanan. Bag-u matumpag ti alad batu banwa ag makasulud kamu tanan unman may ampara.”

Talaghusay 10:8

Bag-u siyun ginan pag timpu, pinakurian ag inapi nida ti manga Israilita. Sa sulud 18 ka timpu pinakurianan nida ti tanan Israilita sa Gilyad, sa butlakan Sapa Hurdan sakup kaybi inda manga Amunita.

Talaghusay 2:18

Ti tanan takinan ipinakaun Panginuun sa kanda kay inawatan. Ag habang buhi kanda takinan, irinibri sida Panginuun sa kanda manga kalaban. Dahil magkaawa siya sa kanda dahil sa kanda mag-agwanta sa manga mag-api ag sa magpakuri sa kanda.

Talaghusay 3:27

Pagras-ug niya ati, nanpatunug siya budyung sa kabantudan Ipraim hampay tawagun ti manga Israilita sa paglaban. Bag-u naglus-ug ti manga Israilita ginan sa kabantudan pagpangunahan ni Ihud.

Talaghusay 6:34

Giniyahan Ispiritu Diyus si Gidyun ag ipinatunug niya ti budyung hampay tawagan ti manga lahi ni Abisir para sumunud sa kanya.

Talaghusay 6:9

Irinibri niku kamu sa manga Ihipsiyu ag sa tanan kalaban niyu. Kanyu kalaban ipinatabug niku sa kanyu ag ipinakaun niku sa kanyu kanda manga daga.

1 Samwil 10:18

Bag-u magkun si Samwil sa manga Israilita, “Kaindaay ti pagsabihun Panginuun, ti Diyus Israil magkun, ‘Ipinalwas niku kamu ginan sa Ihiptu, ag irinibri niku kamu ginan sa kamang manga Ihipsiyu hanggan sa tanan nasyun mag-unuunu sa kanyu.