Bilang 10:10 - Hanunuu

¹⁰ Sa udas magsaya niyu — sa kanyu pag-alaala sa kapistahan, hanggan sa Pista Lapus Lati — patnugun diman niyu ti manga turumpita nu maghayin kamu manga handug pagsunugun hanggan handug tungkul sa mayad pag pakiusa. Ti manga turumpita ti magpaalaala sa kangku sa kang taratu sa kanyu. Aku, ti Panginuun niyu Diyus.”

Bilang 10:10 Iomraidhean Croise

2 Hari 4:23

Nagpaingana kay asawa, “Hayga mangatag kawu taynguna? Balaw waydi Pista Lapus Lati ngatay Sirang Pamahari?” Sinmagut ti babayi, “Atag lang.”

1 Krunika 15:24

Ti piniyaran sa pagpatunug turumpita sa atubangan Kaban Diyus ti manga manughandug sida ni Sibanyas, ni Husapat, ni Natanyil, ni Amasay, ni Sakaryas, ni Binaya, ag ni Iliyisir. Si Ubid Idum ag si Hiyas manga manugbantay diman sa Kaban Kasunduan.

1 Krunika 15:28

Nakan dinara tanan Israilita ti Kaban Kasunduan Panginuun may huruyawan, pagpatunug sa manga turumpita, manga budyung ag manga simbals, ag pagpatnug sa manga lira ag manga alpa.

1 Krunika 16:42

Katungkulan ni Himan ag ni Hidutun ti pagpatunug manga turumpita, manga simbals ag iba waya pag manga pamatunug paggamitun sa pagkanta manga karantahun para sa Panginuun. Ti manga anak ni Hidutun imaw ti piniyaran sa pagbantay sabian.

2 Krunika 29:26

Tinmindug ti manga Libita may manga garamitun magtunug ni Hari Dabid, hanggan ti manga manughandug may manga budyung.

2 Krunika 29:28

Ti buu kadamlan nagluhud sa pagsamba sa Panginuun habang magkanta ti manga manugkanta ag magpatunug ti manga manugpatunug budyung tugka maipakaun ti tanan handug pagsunugun.

2 Krunika 7:6

Nag-alistu ti manga manughandug sa Balay Diyus, ag katida diman ti manga Libita magkanta, “Kay pagmahal niya unman may katapusan.” Pagdunganan nida tunug ti kanta ginamit ti manga pamatunug ipinabwat ni Hari Dabid sa pagdayaw sa Panginuun. Sa atubangan manga Libita, ti manga manughandug magpatunug diman kanda manga budyung habang matindugan ti tanan manga taga Israil.

Isra 3:10

Pagka natapus yi manga manugpanday ti paratukawan Balay Diyus Panginuun, tinmindug ti manga manughandug hampay patunugun ti manga budyung. Inda sida nakasulung kanda manga rutay bilang manga manughandug. Tinmindug diman ti manga Libita hanggan ti manga linahi ni Asap, hampay patunugun ti manga pumpiyang hampay dayawun ti Panginuun angay sa paraan itinudlu kaybi ni Hari Dabid sa Israil.

Nihimyas 12:35

ag ti pira ka manughandug magpatunug turumpita. Magdasun diman si Sakaryas kay anak ni Hunatan. (Si Hunatan kay anak ni Simaya. Si Simaya kay anak ni Matanyas. Si Matanyas kay anak ni Mikaya. Ag si Mikaya kay anak ni Sakur kay linahi ni Asap.)

Kanta 150:3

Dayawun niyu siya sa pagpatunug niyu manga budyung. Dayawun niyu siya sa pagpatunug niyu manga alpa hanggan manga lira.

Kanta 81:3

Patunuga ti budyung kada lapus lati ag kada kabilugan ti bulan, sa sirang nita kapistahan.

Kanta 81:4

Dahil imaw inda ti kasuguan para sa manga taga Israil. Sugu inda Diyus ni Hakub.

Kanta 89:15

Panginuun, mapalad ti manga tawu nakalakaw huruyawan sa kanmu kabayaan, magkabuhi sa rayaw nimu kamaskihan.

Pag-ighit 28:29

“Nu sumulud si Aarun sa Banal pag Sulud-sulud kailangan sulung niya ti bursa sa dubdub may manga ngaran linahi ni Israil hampay alalahanun niku sida pirmi.

Pag-ighit 30:16

Gamita nimu inda pag kuwarta para sa buruwatun sa Turda Tiripnan. Bayad inda manga Israilita para sa kanda buhi, ag sa panab-anan inda alalahanun niku sida.”

Isayas 27:13

Nu tumunug ti budyung mabisug, magbinalik sa Hirusalim ti magkakurian pag manga Israilita nabihag Asirya ag Ihiptu. Sambahun nida ti Panginuun sa banal pag bantud Hirusalim.

Bilang 10:9

“Nu ati yi kamu sa kanyu kadagaan, ag lumaban yi kamu sa manga kalaban nag-api sa kanyu, patnuga niyu kanyu turumpita hampay aku, ti Panginuun niyu Diyus, alalahanun niku kamu, ag iribri sa kanyu manga kalaban.

Bilang 28:11

“Sa kada un-an pag sirang bulan, paghandug kamu sa Panginuun handug pagsunugun. Kanyu ihandug duwa ka turiti baka, usa ka tudu karanidu ag pitu ka bilug turiti karanidu. Inda tanan kailangan unman may alangan.

Bilang 29:1

“Sa un-an pag sirang sa ikapitu pag bulan, danga kamu magtarabahu, nu unman pagtiripun kamu pagsamba sa Panginuun. Sa tunda pag sirang patunugan niyu ti manga turumpita.

Matiyu 11:28

“Pagsitay tag kamu sa kangku, kamu tanan manga purus sa kanyu tarabahu hanggan sa kanyu dara mabuyat, kamu kang paalwanun.

Binwat 10:4

Kinulbaan kay tinmurun sa anghil bag-u sinabi niya, “Hintay duy asan?” Nagsagut ti anghil magkun, “Pagbayaun Diyus kanmu manga darangin hanggan kanmu awat sa manga makuri. Nakan pirmi kawu kay pag-alalahanun.

1 Kurintu 15:52

bigla, unman mapidpirawan mata, sa katapusan pag budyung. Dahil tumunug ti budyung bag-u ti manga namatay buhiun uman udyi may karunutan, ag kita bag-uhun waydi.

1 Tisalunika 4:16

Ati katpung pag udas aban, dumugsun ti Panginuun ginan sa langit may matnug pag sugu. Madnugan nita bumagaw ti pangulu anghil ag tumunug ti turumpita Diyus. Bag-u ti manga namatay nu nagsarig sa kan Kiristu imaw ti buhiun dapu.

1 Tisalunika 4:18

Nakan ngani pagpalasulungan kamu sa usa kag sa usa dahil sa inda pag manga tudlu.

Huswi 4:7

tultulan niyu sida kuntay inmapas kay magbulus ti Sapa Hurdan pagka idinipay ti Kaban Kasunduan Panginuun. Inda pag batu usa ka alaala para sa nasakupan Israil tugka aban.”

Huswi 6:4

Paunahun nimu sa Kaban Kasunduan ti pitu ka manughandug ti kada usa sa kanda may dara budyung. Sa ikapitu pag sirang, pagpalibut kamu sa banwa pitu ka bisis, kaibahan ti manga manughandug magpatunug kanda manga budyung.

Ipinakakit 22:17

Pagsabihun Ispiritu hanggan aguman babayi magkun, “Pagsitay yi gid duy kawu.” Ti tanan nakadnug inda pagsabi waydi, “Pagsitay yi gid kawu.” Una si unu ti magkauwaw pagpakarani, pagbuul danum makapakaun tutuu pag buhi. Pakan-an diman siya unman may bayad.

1 Samwil 20:5

Nakan magkun si Dabid, “Aldaw Pista Lapus Lati, kailangan aku mangaun kaibahan nimu ama. Dapat pahintuluti nimu aku makaginan ag makapatagu sa may tanman tugka sa yabi ikatlu pag sirang.