Bilang 10:1 - Hanunuu

¹ Magkun ti Panginuun sa kan Muysis,

Bilang 10:1 Iomraidhean Croise

Gimpuunan 42:13

Nagsagut sida, “Kami 12 ka magtar-ari, ag usa lang duy kanmi ama ati taynguna sa Kanaan. Kay kap-usan duy nimi natayak sa kanya. Kay usa nimi ka patar-ari udyi.”

Gimpuunan 46:15

Sida ti 33 ka anak ag umput ni Hakub sa kan Liya ti iinanak sa Padan Aram, ag balaw kabilang kay anak babayi, si Dina.

2 Samwil 6:15

Habang pagdarahun ni Dabid hanggan manga Israilita ti Kaban Panginuun, maghuruyawan sida ag magpatunug turumpita.

2 Hari 11:14

Ag nakitan niya ati ti bag-u pag hari matindugan arani sa tulduk, angay sa kinaugalian sa udas pag-ipakilala ti hari. Asan sa tupad hari ti manga kumandir ag ti manga manugbudyung, ag ti tanan pag tawu ati maghuruyawan, magpatunug manga budyung. Pagka nakitan inda tanan ni Atalya, ginisi niya kay rutay, ag namagrit, “Manga madaya! Manga madaya!”

2 Krunika 23:13

Ag nakitan niya ati ti bag-u pag hari matindugan arani sa tulduk pirmi pagtindugan hari, sa may sabian Balay Diyus. Ati sa arani hari ti manga kumandir ag ti manga magpatunug budyung, ag ti tanan tawu masulung. Ti manga manugkanta magpanguna sa pagdayaw sa Diyus, magpatunug manga kagamitan pamatnug. Pagka nakitan inda tanan ni Atalya, ginisi niya kay rutay sa daut niya nalub-anan, ag nagringgit, “Manga manugdaya! Manga manugdaya!”

2 Krunika 5:12

Ti manga manugkanta pag manga Libita sida ni Asap, ni Himan, ni Hidutun hanggan kanda manga anak ag manga katawuhan nagtindug baliwa sa butlakan harandugan. Nakasulung sida mahal pag linu bag-u magpatunug manga pumpiyang, alpa, ag lira. Kaibahan nida ti 120 ka manughandug magpatunug budyung.

2 Krunika 7:6

Nag-alistu ti manga manughandug sa Balay Diyus, ag katida diman ti manga Libita magkanta, “Kay pagmahal niya unman may katapusan.” Pagdunganan nida tunug ti kanta ginamit ti manga pamatunug ipinabwat ni Hari Dabid sa pagdayaw sa Panginuun. Sa atubangan manga Libita, ti manga manughandug magpatunug diman kanda manga budyung habang matindugan ti tanan manga taga Israil.

Isra 3:10

Pagka natapus yi manga manugpanday ti paratukawan Balay Diyus Panginuun, tinmindug ti manga manughandug hampay patunugun ti manga budyung. Inda sida nakasulung kanda manga rutay bilang manga manughandug. Tinmindug diman ti manga Libita hanggan ti manga linahi ni Asap, hampay patunugun ti manga pumpiyang hampay dayawun ti Panginuun angay sa paraan itinudlu kaybi ni Hari Dabid sa Israil.

Kanta 47:5

Ti Diyus magdayik sa kay tukawan hari habang maghuruyawan ti manga tawu sa kabayaan ag magtunug ti manga budyung.

Kanta 81:3

Patunuga ti budyung kada lapus lati ag kada kabilugan ti bulan, sa sirang nita kapistahan.

Bilang 1:52

Kumampu ti manga Israilita angay sa kanda lahi, ti kada lahi may bandira.

Bilang 10:2

“Pagpabuwat kawu duwa ka turumpita pilak, inda kanmu gamitun hampay tipunun ti manga tawu ag ialistu sida sa paglakaw.

Bilang 29:1

“Sa un-an pag sirang sa ikapitu pag bulan, danga kamu magtarabahu, nu unman pagtiripun kamu pagsamba sa Panginuun. Sa tunda pag sirang patunugan niyu ti manga turumpita.

Bilang 7:2

Bag-u nandara manga handug sa Panginuun ti manga takinan Israil, takinan sa kada lahi. Sida ti may katungkulan sa pagsinsus.

Bilang 9:23

Nakan magkampu ag maglakaw ti manga Israilita angay sa sugu Panginuun. Ag sinunud nida ti manga sugu Panginuun sa panab-anan ni Muysis.

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Huswi 6:4

Paunahun nimu sa Kaban Kasunduan ti pitu ka manughandug ti kada usa sa kanda may dara budyung. Sa ikapitu pag sirang, pagpalibut kamu sa banwa pitu ka bisis, kaibahan ti manga manughandug magpatunug kanda manga budyung.

Ipinakakit 8:2

Bag-u nakitan niku may pitu ka anghil matindugan sa atubangan Diyus, pinakan-an sida budyung ayaw-ayaw.

Talaghusay 7:20

Imaw diman ti binwat duwa ka gurupu. Ag habang paghiyaptan nida wala pag kamang ti sulu ag sa sikun pag kamang ti budyung, magringgit sida, “Manlaban kita para sa Panginuun hanggan para sa kan Gidyun.”