Bilang 1:53 - Hanunuu

⁵³ Dapat ti manga lahi ni Libi kumampu sa sangput Turda Taragbuan nu naan pag maulian ti Kasuguan, hampay balaw aku magalit sa nasakupan Israil. Katungdanan manga Libita ti mag-alaga sa Turda Taragbuan.”

Bilang 1:53 Iomraidhean Croise

1 Krunika 23:32

Nakan binwat manga Libita kanda katungkulan sa pag-asikasu sa Turda Taragbuan ag sa Banal pag Sulud-sulud, hanggan sa pag-awat sa kanda manga katawuhan manga manughandug kay lahi ni Aarun sa pagsirbi sa Balay Diyus Panginuun.

2 Krunika 13:10

“Dapat kami, ti Panginuun imaw kanmi Diyus, ag unman nimi siya binugyahan. Kanmi manga manughandug magsirbi sa Panginuun manga lahi ni Aarun, ag pag-awatan sida manga Libita.

2 Krunika 13:11

Kada surip ag yabi, maghandug sida sa Panginuun manga handug pagsunugun ag kamangyan. Magpauli sida tinapay sa lamisa pag baliwun malumpiyu. Ag kada yabi, pagsantikan nida ti manga sulul-an asan sa gintu pag manga palaulian. Pagtupadun nimi ti manga sugu Panginuun kanmi Diyus. Dapat kamu, binugyahan niyu siya.

Hirimyas 23:15

“Nakan ngani, aku, ti Panginuun Makamaskihan, magkumun tungkul sa inda pag manga purupita: Pakaunun niku sida mapait pag karan-unun ag painmun niku sida irinmun may hilu dahil sa kanda naglantap ti kadautan sa buu daga.”

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Libitiku 10:6

Bag-u magkun si Muysis sa kan Aarun hanggan sa kay manga anak, sa kan Iliyasar ag sa kan Itamar, “Danga niyu pagbarugaa kanyu buhuk ngatay paggisia kanyu manga rutay sa pagpakakit kuntay kamu magkaruku sa namatay. Nu buwatun niyu tunda, mamatay diman kamu ag magalit ti Panginuun sa buu banwa Israil. Kanyu manga katawuhan Israilita, imaw ti manruku sa kanda duwa inirub Panginuun.

Bilang 1:50

Bagkus ngap, pakan-an sa kanda ti buruwatun mag-asikasu sa Turda nu naan pag maulian ti Kasuguan hanggan ti tanan kagamitan siyun. Sida ti mandara Turda hanggan tanan kagamitan asan, ag kailangan dahanan nida inda bag-u pagkampu sida sa kay sangput.

Bilang 1:54

Binwat inda tanan Israilita angay sa pag-isugu Panginuun sa kan Muysis.

Bilang 16:46

Bag-u magkun si Muysis sa kan Aarun, “Bul-a kanmu sukadan kamangyan ag paulii inda baga ginan sa harandugan. Bag-u paulii inda kamangyan ag kadali kawu atag sa nasakupan, buwata ti buruwatun hampay malukat sida sa kanda manga kasalanan, dahil nangisug yi ti Panginuun ag mag-umpisa yi ti sarut.”

Bilang 16:9

Udwaya aw lugud kang-ud sa kanyu sa tanan Israilita kamu ti pinili Diyus Israil ti makapakarani sa kay atubangan hampay mansirbi sa kay Turda, ag mansirbi sa kayamuan?

Bilang 17:7

Ipinauli ni Muysis ti manga sugkud sa atubangan Panginuun ati sa Turda sa may Kaban Kasunduan.

Bilang 2:17

“Magdasun sa kanda ti lahi ni Libi ti tagadara Turda Taragbuan. Ti tanan manga lahi maglakaw angay sa kanda kaayusan nu magkampu sida, kada lahi ati sa sirung bandira nida.

Bilang 3:23

Kanda pagkampuhan pag rugar ati sa dayu Turda Tiripnan sa isalpan baliwa.

Bilang 3:29

Ti rugar nida pagkampuhan baliwa sa kanaway Turda.

Bilang 3:35

Kanda takinan si Suryil kay anak ni Abihail. Sa may salatan baliwa Turda Tiripnan kanda pagkampuhan pag rugar.

Bilang 3:38

Ti rugar pagkampuhan nida ni Muysis ni Aarun hanggan kay manga anak ati sa may atubangan Turda Taragbuan, baliwa sa may butlakan. Sida ti pinakan-an katungkulan hampay pamahalaan ti manga buruwatun sa Turda para sa manga Israilita. Una si unu ti bumuwat manga buruwatun manughandug sa Turda balaw lahi ni Libi panmatyun.

Bilang 31:30

Ginan sa huray manga Israilita, pagbuul kawu tigus-a sa kada 50 ka nabihag, tawu man ngatay baka, una asnu ngatay karanidu, una kambing ag iba waya pag manga hayup. Pakan-an niyu tunda sa manga Libita dahil sida ti manug-asikasu sa pagbantay sa Turda Panginuun.”

Bilang 31:47

Ginan sa siti pag kabahagi manga Israilita, nagbuul si Muysis usa sa kada 50 ka tawu ngatay hayup angay sa pag-isugu Panginuun sa kanya. Ag ipinakaun niya inda sa manga Libita imaw ti may katungkulan mag-asikasu sa Turda Panginuun.

Bilang 8:19

Sa tanan Israilita, ti manga lahi ni Libi ti pinili niku mangawat sa kan Aarun hanggan sa kay manga anak lalaki. Mansirbi sida sa Turda Taragbuan para sa manga Israilita, ag mamuwat sida manga buruwatun para sa kapatawadan kasalanan manga Israilita, hampay unman may mangyari sa kanda nu pumakarani sida sa Turda Taragbuan.”

2 Timutiyu 4:2

Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

1 Samwil 6:19

Dapat may minatay ti Diyus, 70 ka tawu taga Bit Simis dahil binantayan nida kay sukad Kaban Panginuun. Nanruku ti manga tawu dahil sa masyadu pag sarut Panginuun sa kanda.