Bilang 1:1 - Hanunuu

¹ Katpung un-an pag sirang sa ikadwa pag bulan, sa ikadwa pag timpu ginan sa kay nagluwas manga Israilita sa Ihiptu, naghampang ti Panginuun sa kan Muysis ati sa Turda Taragbuan sa pangawakawaan Sinai. Magkun siya,

Bilang 1:1 Iomraidhean Croise

1 Hari 6:1

Inumpisahan ni Sulumun ti pagpatindug sa Balay Diyus Panginuun katpung ikadwa pag bulan, sa bulan Sib, katpung ikap-at pag timpu niya maghari sa Israil. Ika-480 pag timpu ati ginan sa pag-ighit manga Israilita sa Ihiptu.

Pag-ighit 19:1

Nighit ti manga Israilita sa Ripidim ag nag-ati sa pangawakawaan Sinai. Ati sa atubangan bantud sida pag nagkampu. Ikatlu tunda pag bulan ginan sa kanda pag-ighit sa Ihiptu.

Pag-ighit 25:22

Pumasampak aku sa kanmu ati sa karaw-an duwa ka kirubin ati sa babaw Kaban, ag ipakaun niku sa kanmu ti tanan sugu para sa nasakupan Israil.

Pag-ighit 40:17

Nakan ipinatindug ti Turda Tiripnan katpung un-an sirang sa un-an pag bulan. Ikadwa pag timpu ati ginan sa linmuwas sida sa Ihiptu.

Pag-ighit 40:2

“Ipatindug nimu ti Turda Tiripnan pag-ingarnan diman Turda Taragbuan sa un-an sirang sa un-an pag bulan.

Libitiku 1:1

Sinabihan Panginuun si Muysis ati sa Turda Taragbuan kuntay sabihun niya inda sa manga Israilita: Nu may imaw sa kanyu manhandug hayup sa Panginuun, paghandug siya baka, karanidu, ngatay kambing.

Libitiku 27:34

Imaw tida kay manga sugu ipinakaun Panginuun tag sa kan Muysis ati sa Bantud Sinai para sa manga Israilita.

Bilang 12:4

Nakan susun nagbagaw ti Panginuun sa kan Muysis, hanggan sa kan Aarun, ag sa kan Miryam, “Pagluwas kamu tulu ag pag-ati sa Turda Taragbuan.” Nakan nagluwas ngani sida tulu ag nag-ati sa Turda.

Bilang 9:1

Katpung un-an bulan sa ikadwa pag timpu, ginan sa ipinalwas ti manga Israilita sa Ihiptu, magkun ti Panginuun sa kan Muysis ati sa pangawakawaan Sinai,

Diyuturunumiyu 1:3

Pagka sa un-an pag sirang ika-11 pag bulan, sa ika-40 pag timpu, ginan sa pag-ighit manga Israilita sa Ihiptu, sinabi ni Muysis sa kanda ti tanan isinugu Panginuun sa kanda.

Diyuturunumiyu 2:14

Nangyari inda pagkalawuy manga 38 ka timpu ginan kaybi kanta nag-ighit sa Kadis Barnia. Sa ati katpung pag manga udas, nagkaramatay ti manga sundalu Israilita sa tunda pag sinulput tawu, angay sa saad Panginuun sa kanda.

Diyuturunumiyu 2:7

Alalahana niyu nu kabitay niku kamu pinapaladan sa tanan-tanan pag binwat niyu. Aku, ti Panginuun niyu Diyus, ti nagbantay sa kanyu maglakaw sa maluang pag pangawakawaan sa sulud upatpulu ka timpu. Inibahan niku kamu, bag-u balaw kamu kinurang sa kanyu kailangan pag manga bagay.’