Amus 1:3 - Hanunuu

³ Inda ti pagsabihun Panginuun tungkul sa Sirya: “Dahil sa parargu pagbuwat kasalanan manga taga Damasku, parusahan gid niku sida. Dahil inunu-unu nida ti manga taga Gilyad ga giniuk tabla may manga ngipun baul sa sirung.

Amus 1:3 Iomraidhean Croise

1 Hari 19:17

Matyun ni Hasail ti manga magsamba sa kan Baal. Ti makapalagiw sa kanya matyun ni Hihu, ti makapalagiw sa kan Hihu matyun ni Ilisyu.

2 Hari 13:3

Nakan nangisug ti Panginuun sa Israil. Pagka dugay, ipinasakup sida sa kan Hari Hasail taga Aram ag sa kay anak sa kan Bin Hadad.

2 Hari 13:7

Pagka sa uryan, ti nasawad sa kan Hihuahas ti 50 wadi ka manugkabayu, 10 ka kalisa, 10,000 ka sundalu, dahil ti iba pinanmatay hari Aram, parihu sa galbuk tinatatataan sida.

2 Hari 16:9

Nagpasnu ti hari Asirya sa pakihampang ni Akas, nakan ginira niya ti Damasku ag nasakup inda. Dinara niya sa Kir kay manga nasakupan siyun bilang manga bihag, ag minatay niya si Risin.

2 Hari 8:12

Pinaingana siya ni Hasail, “Duy, hayga nanlumi kawu?” Sinmagut siya, “Dahil alam niku ti daut buwatun nimu sa manga taga Israil. Sunugun nimu kanda alad batu manga banwa, panmatyun nimu kanda kalay-awan lalaki, ipanlapdus nimu kanda dariit pag manga anak, ag buk-un nimu ti tiyan manga magbuduy pag manga babayi.”

Hub 19:3

Pira yi ginan pagsurugun niyu aku daut. Unman kamu magkay-a magpuya sa kangku.

Hub 5:19

Pirmi di niya kawu iribri sa manga sarut ag mahawag.

Kabagawan 6:16

May unum ngatay pitu ka kalasi buruwatun tawu ti pagkagalitan ag pagkadat-an Panginuun:

Manugtudlu 11:2

Ayaw-ayawa kanmu kuwarta sa nanuhay-tuhay pag nigusyu, dahil unman nimu alam nu hintay pag kakurian ti rumas-ug sa kalibutan.

Isayas 28:27

Balaw niya paggamitan marabuyat pag panggiuk ti manga inani pamalasa, nu ud pagpagpagun lang ngatay paghampakun lang bitlag.

Isayas 41:15

Pagpatingi kawu! Buwatun niku kawu ga bag-u pag panggiuk, matarum ag mayamu kay ngipun. Giukun ag runutun nimu ti manga bantud hanggan tagudtud ag buwatun nimu ga upa.

Isayas 7:16

Dapat bag-u siya dumunung magkilala sa mayad ag sa daut, ti rugar duwa ka hari kanmu pagkadalaan, Akas, pihu gid madaut ag pabay-anan yi lang.

Isayas 7:8

Dahil ti Damasku takinan lang banwa Aram, ag si Risin sa Damasku lang pag hari. Ag ti Samarya takinan lang banwa Israil, si Pika kay anak ni Rimalya sa Samarya lang pag hari. Tungkul waydi sa Israil, mawayak inda sa sulud 65 ka timpu, ag balaw yi inda ingarnan nasyun. Nu balaw marig-un kanyu pagsarig sa Diyus, pihu midamhak kamu.’ ”

Isayas 8:4

Ag dumunung ti anak umingaran ‘amang’ aw ngatay ‘inang,’ ti kayamanan Damasku ag ti manga inagaw Samarya bul-un di hari Asirya.”

Amus 1:11

Inda ti pagsabihun Panginuun tungkul sa Idum: “Dahil sa parargu pagbuwat kasalanan manga taga Idum, parusahan gid niku sida. Dahil linagas nida kanda katawuhan manga Israilita ag minatay unman may awa. Balaw gid madura kanda pangagalit sa manga Israilita.

Amus 1:13

Inda ti pagsabihun Panginuun tungkul sa Amun: “Dahil sa parargu pagbuwat kasalanan manga taga Amun, parusahan gid niku sida. Dahil rinirian nida ti tiyan manga babayi magburuduy sa Gilyad, agud lang dumaka kanda sakup pag daga.

Amus 1:6

Inda ti pagsabihun Panginuun tungkul sa Pilistiya: “Dahil sa parargu pagbuwat kasalanan manga taga Gasa, parusahan gid niku sida. Dahil binihag nida ti tanan magpangulian sa manga banwa bag-u ipinabili bilang manga suruguun sa Idum.

Amus 1:9

Inda ti pagsabihun Panginuun tungkul sa Tiru: “Dahil sa parargu pagbuwat kasalanan manga taga Tiru, parusahan gid niku sida. Dahil ipinabili nida ti tanan magpangulian sa manga banwa bilang manga suruguun sa Idum. Balaw nida tinupad kanda kasunduan bilang magtar-arian sa inda pag manga nasakupan.

Amus 2:1

Inda ti pagsabihun Panginuun tungkul sa Muab: “Dahil sa parargu pagbuwat kasalanan ti manga taga Muab, parusahan gid niku sida. Dahil sinunug nida ti manga but-ul hari Idum tugka sa nagbaliw dapug inda.

Amus 2:4

Inda ti pagsabihun Panginuun tungkul sa Huda: “Dahil sa parargu pagbuwat kasalanan ti manga taga Huda, parusahan gid niku sida. Dahil binugyahan nida kang kasuguan ag unman nida sinunud kang manga surundanun. Pinatalang sida nida pagsirbi sa manga diyus-diyusan imaw diman ti sinirbihan nida manga ginurang.

Amus 2:6

Inda ti pagsabihun Panginuun tungkul sa Israil: “Dahil sa parargu pagbuwat kasalanan ti manga taga Israil, parusahan gid niku sida. Dahil ipinabili nida bilang suruguun ti manga tawu unman may kasalanan dahil lang sa kanda utang. Pagbuwatun diman nida inda sa manga pugri una usa lang ka paris lapak kay utang.

Sakaryas 9:1

Imaw inda ti pagsabihun Panginuun: Magkun ti Panginuun parusahan niya ti manga daraka banwa Hadrak ag Damasku, dahil ti tanan kailangan bumantay ngatay dumangup sa Panginuun, ag lalu yi ti manga linahi Israil.

Sakaryas 9:2

Parusahan diman Panginuun ti Hamat sa tupad banwa Hadrak ag Damasku, hanggan ti manga banwa Tiru ag Sidun, una waya kay manga mag-ulian siyun matinudukun.