2 Timutiyu 4:3 - Hanunuu

³ Dahil rumas-ug aban ti udas balaw yi patingihan manga tawu ti katutuuhanan pag tudlu. Bagkus ngap sundun nida kanda sadili kagustuhan. Manhanap sida manga manugtudlu balaw may iba itudlu nu unman ti kanda lang magustuhan manga manugpatingi.

2 Timutiyu 4:3 Iomraidhean Croise

1 Hari 18:22

Magkun maan si Ilyas sa kanda, “Aku wadi ti nasawad sa manga purupita Panginuun, dapat si Baal may imaw 450 ka purupita.

1 Hari 22:18

Magkun si Hari Akab sa kan Husapat, “Unman aw pagsabihun niku sa kanmu unman may marinu pag pag-ihula siya sa kangku lunsay lang kadautan?”

1 Hari 22:8

Sinmagut si Akab sa kan Husapat, “May usa waya ti mahimu nita mapaingan-an — si Mikaya kay anak ni Imla. Dapat magkagalit aku sa kanya dahil balaw siya may marinu pag-ihula tungkul sa kangku, lunsay kadautan.” Sinmagut si Husapat, “Danga kawu magbagaw katunda.”

Pag-ighit 32:33

Sinmagut ti Panginuun sa kan Muysis, “Nu si unu ti nagkasala sa kangku, kanya pag ngaran ti panasun niku sa kang ribru.

Isayas 28:12

Kaindaay kay sabihun, “Malakawan niyu ti kapaharihan sa kanyu daga. Dapat balaw diman gid sida mamatingi.”

Isayas 30:10

Magkun sida sa manga purupita, ‘Danga yi niyu sabihun sa kanmi ti tungkul sa manga ipinaburayhaw Diyus sa kanyu. Danga yi niyu sabihun sa kanmi ti matadlung. Sabihun niyu sa kanmi ti manga bagay makapasulung sa kanmi ag ti manga balaw matupad pag pangakakitun.

Hirimyas 18:18

Bag-u magkun ti manga tawu, “Abala kamu, mamuwat kita paraan hampay maampara nita si Hirimyas! May manga manughandug diman manudlu kasuguan sa kanta, ag may mamaanyu diman manga madunung pag tawu sa kanta, hanggan may manga purupita diman magpaliwanag bagaw Diyus sa kanta. Nakan mamuwat kita manga tultulanun laban sa kanya, danga yi kita magpatingi sa kay manga pagsabihun.”

Hirimyas 27:9

Nakan danga kamu magpaniwala sa kanyu manga purupita hanggan manga manughula, ag manga manugpaliwanag tungkul sa manga tagin-up, una sa manga panhirian ngatay manga tihulan magkumun balaw kamu sakupun hari Babilunya.

Hirimyas 29:8

Magkun waya ti Panginuun Makamaskihan, ti Diyus Israil, “Danga kamu magpadaya sa kanyu manga purupita ngatay sa manga kaibahan niyu manughula. Danga kamu magpasnu sa kanda manga tagin-up.

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Mikas 2:11

Kanyu pagkaibgan pag manugbarita imaw ti manugbarita unman may pulus, maradaya, pudilun, ag kaindaay kay pagsabihun: ‘Umabunda kamu sa intus ag sa iba waya pag manga irinmun.’ ”

Lukas 20:19

Ti manga manugtudlu Kasuguan hanggan ti manga pangulu manughandug naghanap paraan hampay madakup si Hisus ati katpung, dahil nasalman nida sida ti pinatamaan sa kay pahalimbawa niya. Dapat nadala sida sa manga tawu.

Lukas 6:26

Kaawaawa kamu nu pagbayaun tanan tawu, dahil katida waydi binaya nida manga ginurang ti manga pudilun pag purupita.”

Huwan 8:45

Dapat aku unman pagpaniwalaan niyu dahil katutuuhanan kang pagsabihun sa kanyu.

Binwat 17:21

Dahil ti tanan manga tawu taga Atinas hanggan ti manga magpanday-uhan, sirang-sirang kanda buwat magtulultulan lang magparatingihan tungkul sa una hintay kanda paglingutan.

1 Kurintu 2:1

Manga patar-ari, sa kang nag-asan tabug sa kanyu hampay ibarita ti lihim gayak Diyus, unman aku naggamit madalum pag manga bagaw ngatay madalum pag manga kadunungan.

1 Kurintu 2:4

Sa kang nagtudlu sa kanyu, balaw aku naggamit makagararya pag manga bagaw agud kamu mabutung, nu unman pinatutuuhanan Ispiritu Diyus kang tudlu sa panab-anan niya kamaskihan,

Galasya 4:16

Taynguna bay aku kanyu aw nangus kalaban dahil sa kang magsabi sa katutuuhanan?

1 Timutiyu 1:10

sa manga mag-uragin, sa manga magkaibug sa kaparihu lalaki, sa manga manugdagit sa tawu, sa manga pudilun, sa manga magsumpa sa kapudilan ag nu may imaw waya tuhay pag buwat balaw angay sa marinu pag tudlu.

2 Timutiyu 1:13

Pag-isipa nimu pirmi kang manga itinudlu sa kanmu, huwada gid nimu. Kabay pasay katutuuhanan tunda. Pagpakarig-un kawu sa pagsarig hanggan sa pagmahal kanta tinanggap dahil sa kanta pakiusa sa kan Kiristu Hisus.

Hudas 1:18

Kaybi di waya sinabi yi nida sa kanyu magkun, “Nu sa uryan uryan aban pag panahun lumutaw ti manga palalibak, manga panawuhun ngani nida sadili daut pag kagustuhan, manga unman magkadala sa Diyus.”