2 Timutiyu 4:2 - Hanunuu

² Ti kang patigayun sa kanmu duy itudlu nimu ti Bagaw Diyus, una sa hintay pag udas. Danga magpasnu sa manga tawu nu salan, tamyawa. Parig-una nimu ti nalub-anan manga tawu. Pagmaalumanay kawu pirmi, danga gid pag-apasi sa tudlu.

2 Timutiyu 4:2 Iomraidhean Croise

Kanta 40:9

Pag-itultul niku kanmu pagribri sa kangku sa pagtiripun nimu nasakupan. Alam nimu, Panginuun, balaw aku umapas sa pagtultul inda.

Hunas 3:2

Magkun siya, “Pag-ati kawu kainda sa Ninibi, ti daka pag banwa, bag-u sabiha nimu sa manga taga ati ti pag-ipatultul niku sa kanmu.”

Lukas 7:23

Magkun si Hisus, “Papaladan Diyus ti tawu nu unman mag-alinlangan siya sa kangku.”

Lukas 7:4

Pagka nagras-ug sida sa kan Hisus, hinampang nida mayad si Hisus magkun, “Awati duy inda pag kapitan, dahil mayad gid siya pag tawu.

Lukas 9:60

Dapat sinabi ni Hisus sa kanya, “Ipiyar nimu sa unman may manga buhi ti lumubung sa manga namatay. Dapat pag-ati kawu, ibarita nimu sa manga tawu magkun, Diyus ti maghari sa tanan bagay.”

Binwat 13:5

Pagka sida rinmas-ug sa banwa Salamina, itinudlu nida ti Bagaw Diyus sa manga tawu sa simbahan manga Hudiyu. Kaibahan nida kanda kaawat si Huwan Markus.

Binwat 16:13

Pagka sa Sirang Pamahari nagluwas kami sa banwa, nag-ati kami sa pangpang sapa, kanmi isip barang ati may rugar dararanginan manga Hudiyu. Tinmukaw kami naghampang sa manga babayi nagtiripun ati.

Binwat 20:7

Pagka sa malambung duminggu, nagtiripun kami hampay magpakiusa sa karan-an. Bag-u nanudlu si Pablu sa manga tawu, pinalawig niya kay paliwanag hanggan karaw-an yabi, dahil kay gayak nu aldaw yi lumakaw yi siya.

Binwat 28:16

Pagka kami rinmas-ug sa Ruma, pinahintulutan nida si Pablu mag-istar sa usa ka balay, balaw sa pirisuhan, pagtandan siya usa ka sundalu.

Ruma 10:15

Kabitay pag makatudlu una si unu nu unman siya pagsuguun? Angay sa nisurat magkun, “Anung, pag mangarinu pag lulud ti magdara Mayad pag Barita.”

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

Galasya 6:6

Ti manugtudlu Bagaw Diyus kailangan ayawan niya tuludluan una lang hintay pag kaayadan kanda nakitan.

Kulusas 1:25

Ikinatiwala Diyus sa kangku inda pag katungkulan alang-alang sa kanyu, nakan manugsirbi yi aku sa iglisya. Kang yi gid katungkulan hampay lubus kang pag-itudlu kay Bagaw Diyus sa kanyu.

Kulusas 4:3

Kada kamu magdarangin, idarangin diman niyu kami hampay pakan-an kami Panginuun rugar sa makatudlu kay Bagaw ag hampay maipakilala ti madalum pag katutuuhanan ni Kiristu. Dahil sa kang magtudlu nakan aku pinirisu taynguna.

1 Tisalunika 1:6

Nag-ugali kamu naghuwad sa kanmi hanggan sa Panginuun. Tinanggap niyu ti Mayad pag Barita may kabayaan kay ipinakaun Ispiritu Banal sa kanyu, madi nakalakaw diman waydi kamu madala pag kakurian.

1 Tisalunika 5:14

May sabihun waya gid kami sa kanyu, manga patar-ari. Paalalahani gid niyu ti manga bugyahin, pabisuga niyu ti manga malumuy kay sarig, sagabaya niyu ti udyi kakaya, agwantahi niyu sida tanan.

1 Tisalunika 5:20

Danga pagpadamhakan niyu ti ipinurupita.

1 Timutiyu 4:13

Hanggan sa udwaya aku rumas-ug asan, kada may udas pagpirmi kawu pagbasa Banal Kasuratan sa madnugan manga iba. Pagtudlu kawu ag pagpaliwanag.

1 Timutiyu 5:20

Nu may tawu magbuwat kasalanan, bilini nimu sida sa mag-adnugan tanan manga patar-ari hampay ti manga iba magkadala maghuwad.

2 Timutiyu 2:21

Una si unu ti magpakarayu sa magbuwat kadautan pag-ipaparihu sa manga garamitun pagpahalagaan niya apu, manga sakup sa Diyus, ihinanda para gamitun niya Panginuun, pirmi alistu sa una hintay pag buruwatun mayad.

2 Timutiyu 2:25

Kailangan pagmaalumanay siya nu magtamyaw sa manga maglaban sa kanya. Barang nu katida pag paraan, pakan-an sida Diyus rugar hampay makasisi ag makaampu sa kanda kasalanan, agud maalaman nida ti katutuuhanan.

2 Timutiyu 3:10

Dapat balaw katida kawu. Kanmu ngap sinunud kang manga bilin, ugali hanggan turunu. Alam yi waydi nimu kang pagsarig, kang matugway, kang pagmahal hanggan kang matiniisun.

Titu 1:13

Balaw salan kay pagsabihun. Nakan paanyuan nimu sida sa mahigpit hampay mangugali sida sa maayus angay sa kanda pagsarig,

Titu 2:15

Itudlu yi ngani nimu inda tanan, ilubus nimu kanmu karampatan sa kanmu magparig-un hanggan sa kanmu magtamyaw sa manga manugpatingi. Danga pakan-an nimu sida kaluagan hampay maghakut diman sa kanmu.

Hibriyu 13:22

Daka kang gustu, kamu manga patar-ari, pag-agwanta sa kang manga iinadal. Dahil kamu kang sinuratan balaw sa mayamu pag hampang.

Ipinakakit 3:19

Ti kada tawu kang pagmahalun kang waydi pagtadlungun hanggan pagpariganan. Nakan ngani pagmasipag kawu, ampui yi patlikudi yi kanmu kasalanan.