2 Timutiyu 4:1 - Hanunuu

¹ Aku may pagsabihun gid sa kanmu sa atubangan Diyus ag ni Kiristu Hisus, imaw ti manbalik ag manhari, ag ti pumihu aban sa manga tawu buhi di waya hanggan sa manga namatay yi, nu daut nu mayad.

2 Timutiyu 4:1 Iomraidhean Croise

Kanta 50:6

Pag-ipaburayhaw kalangitan ti pagkamatadlung Diyus, dahil siya ti magsintinsiya.

Kanta 96:13

sa atubangan Panginuun. Dahil pihu yi rumas-ug siya agud intindihun ti manga tawu sa kalibutan. Intindihun niya sida may katadlungan ag angay sa kay katutuuhanan.

Kanta 98:9

Pagmasulung sida sa atubangan Panginuun dahil rumas-ug siya agud sintinsiyahan ti manga tawu sa kalibutan. Sintinsiyahan niya sida may katadlungan, balaw siya may pagkampihan.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Lukas 19:12

Nakan ngani sinabi ni Hisus magkun, “May usa ka tawu mataas kay katungkulan, lumakaw yi siya sa arayu pag rugar hampay pakan-an siya karampatan agud siya yi ti humari bag-u siya bumalik.

Lukas 19:15

Dapat tinanggap diman tunda pag tawu karampatan hampay maghari. Pagka dugay nuli maan siya. Tinawag niya kay manga panawuhun hampay maalaman niya nu pira kay tubu kuwarta kay ipinakaun sa kanda, kanda ininigusyu.

Lukas 23:42

Bag-u sinabi niya magkun, “Alaalaha nimu aku, Hisus, nu kawu bumalik aban maghari yi.”

Binwat 10:42

Ibinilin niya sa kanmi pagbarita sa manga tawu kuntay si Hisus yi ngani ti pinili Diyus pag Manugpihu aban sa tanan tawu nu daut nu mayad, una sa manga buhi di waya ag sa manga namatay yi.

Binwat 17:31

May itinaning yi siya kaudasan hampay pihuun ti daut ti mayad. Tunda pag buruwatun kay iinintirga sa kay pinili pag tawu. Kay pinatutuuhanan inda pagka kay binuhi maan tunda pag tawu.”

Ruma 2:16

Angay sa Mayad pag Barita kang pag-itudlu, mangyari gid tunda nu sa kaudasan aban ti manga ilinihim manga tawu sa kanda tagipusuun pihuun Diyus nu daut nu mayad sa panab-anan ni Kiristu Hisus.

Kulusas 3:4

Si Kiristu ti tutuu pag buhi. Nu miburayhaw siya aban, miburayhaw diman hanggan kamu kaibahan niya, miusa sa kadayawan niya.

2 Tisalunika 2:8

bag-u mibantala yi ti May Puun Kadautan. Pagka sa kaudasan niya pagras-ug ni Kiristu, arupan niya ti May Puun Kadautan kay papasun yi, matyun siya sa masyadu masilaw pag rayaw ni Kiristu.

1 Timutiyu 5:21

Sa atubangan Diyus ag ni Kiristu Hisus hanggan sa atubangan niya pinili pag manga anghil, kang pagsuguun kawu hampay tupadun nimu inda pag manga bilin sa unman may pagkampihan sa baliw-baliw, kailangan paghimasii kaayad.

2 Timutiyu 1:10

Dapat niburayhaw lang inda pagka rinmas-ug si Kiristu Hisus kanta Manugribri. Tinalu niya ti kamatayan ag ipinakilala ti buhi unman may katapusan sa panab-anan Mayad pag Barita.

2 Timutiyu 2:14

Paalalahanan nimu inda pag manga bagay sa kanmu manga tuludluan, bilini nimu sida balaw gustu Diyus mag-aratwan sida tungkul sa manga sanglitan. Unman may pulus tunda pag magpakatalaluhan, bagkus ngap tunda sa ikadamhak manga nakadnug.

2 Timutiyu 4:18

Ti Panginuun diman ti makaparibri aban sa kangku sa tanan pag kadautan. Siya diman ti dumara sa kangku tag sa kay kaharian sa langit. Dayawun siya hanggan waya aban. Amin.

2 Timutiyu 4:8

Matanggap yi niku aban kang pirimyu sa kang nanalu. Panginuun ti matadlung pag talaghusay, imaw ti pumakaun kang pirimyu ati katpung pag kaudasan sa kay pagbalik niya aban. Balaw lang waydi aku ti makatanggap pirimyu. Makatanggap waydi kanda pirimyu ti tanan manga magmahal sa Panginuun, manga magpatigagad sa kay pagbalik niya aban.

Titu 2:13

Paggagadun nita ti pihu gid mangyari aban, ti madayaw pag kaudasan nu mihayag si Hisu-Kiristu sa karaw-an niya kadayawan. Siya yi ngani kanta makamaskihan pag Diyus hanggan Manugribri.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.

1 Pidru 4:5

Dapat may kapanagutan sida sa Diyus. Handa yi sumintinsiya ti Diyus una sa manga buhi waya una sa manga namatay yi.

1 Pidru 5:4

Sa pagsitay aban Pangulu Manug-alaga, makatanggap kamu masnag pag sangbaw hari, unman magpusyaw una hanggan waya aban.

2 Pidru 1:11

Nu katunda, tanggapun kamu may kabayaan sa kay kaharian unman may katapusan ni Hisu-Kiristu, imaw kanta Panginuun ag Manugribri.

2 Pidru 1:17

Ipinakaun yi Diyus Ama sa kanya ti kadayawan hanggan kapurihan sa katpung may nagbagaw ginan sa mamaski pag kadayawan sa langit magkun, “Inda kang pagmahalun gid pag Anak, siya lubus kang pagkaawaan.”

1 Huwan 2:28

Kamu duy pag manga tuludluan niku, dagpablag gid kamu ginan sa kan Kiristu, hampay nu miburayhaw siya, balaw kita magkadala ag hampay kita balaw mangay-a sa kay atubangan sa kay pagras-ug aban.

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.