2 Timutiyu 3:5 - Hanunuu

⁵ Magpabalhinguun sida kuntay maka-diyus, dapat nu sa ungud pag-itanggi nida ti kamaskihan Diyus. Pag-aman kawu sa katunda pag manga tawu.

2 Timutiyu 3:5 Iomraidhean Croise

Isayas 29:13

Magkun ti Panginuun, “Inda pag manga tawu magdayaw ag nagdayaw sa kangku sa panab-anan lang nida manga bibig, dapat kanda tagipusuun arayu sa kangku. Ag kanda manga pagsamba sa kangku angay lang sa surundanun tawu.

Matiyu 7:15

Magkun si Hisus, “Pag-aman kamu sa manga pudilun pag purupita. Magpakarani sida sa kanyu ga bilang karanidu kanda histuda dapat nu sa kay tutuu sida ga manga maisug pag simarun idu.

Ipisu 4:14

Bukun yi kita parihu ga manga anak di waya daradarahan sa una hintay ti pag-itudlu. Balaw kita parihu sa manga sarakyan sa dagat paglangkiangun humbak, pag-ipadpad durus. Udyi kita madaya manga tawu kay ibug daran-un kita tag sa kadautan.

2 Tisalunika 3:14

Tandai gid niyu, iwasi diman una si unu ti dayu sumunud sa mayad pag manga bilin nimi sa inda pag surat, hampay siya mangay-a.

2 Tisalunika 3:6

Manga patar-ari, pag-ibilin nimi sa kanyu dahil sa kanta pakiusa sa Panginuun Hisu-Kiristu, pag-iwas kamu sa una hintay pag patar-ari nu mamalibutan lang unman waydi may buwat ag nu dayu waydi sumunud sa kanmi manga bilin sa kanyu.

1 Timutiyu 4:7

Danga pag-uyanga ti udas sa manga suyut angay lang sa kalibutan unman may kabuluhan. Bagkus ngap pangungud kawu kanmu bilug hanggan tagipusuun sa kanmu turunu marapasakup sa Diyus.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.

1 Timutiyu 5:8

Una si unu nu balaw mag-asikasu sa kay manga katawuhan, lalu sa kay manga kasunu balay, kay tinalikdan yi kay pagsarig sa kan Kiristu, balaw di ngap ga manga unman waya nagsarig sa kan Kiristu.

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

2 Timutiyu 2:16

Iwasi nimu ti unman may kabuluhan ag mahalay pag baragawun, dahil ti manga tawu magbuwat katida lalu ngap umarayu, umamat waya kanda unman maggalang sa Diyus.

2 Timutiyu 2:23

Amani nimu ti ud may kabuluhan pag dibati. Alam yi waydi nimu tunda ngani ti pagpun-an arawayan.

Titu 1:16

Ti sabi nida kilala kunu nida ti Diyus, dapat sa kanda tarabahu pag-ipaulam ngap nida ti Diyus. Pagpanab-angan yi sida, dahil sida manga supladu, dayu mahimu sida sa una hintay pag mayad buwat.

Titu 3:10

Una si unu pag tawu tigpagulu tigpaaway sa manga iba tawu danga yi dap magpakiusa kawu sa kanya nu sinabihan nimu tugka sa ikadwa pag sabi.