2 Timutiyu 3:3 - Hanunuu

³ Usa sa siyun manga arisgadu sida, udyi may pangaawa, magpamuya, maurugun, maparanghasin, magkadaut sida sa una hintay pag kaayadan.

2 Timutiyu 3:3 Iomraidhean Croise

Gimpuunan 49:7

Saadan kamu dahil sa kanyu masyadu pag pangagalit. Wayakun niku ag ikalat kanyu manga lahi sa buu Israil.

Kanta 15:4

Pagdayuun niya ti manga pagbugyahan niku pag tawu dapat pagdayawun niya ti manga magsunud sa kangku. Pagtupadun gid niya kay taratu una kabitay kay kakuri para sa kanya.

Kanta 22:6

Pagpakay-ahun aku ag pagpuyaan manga tawu. Magkun sida ga iyay aku ag balaw tawu.

Isayas 53:3

Pinuyaan siya ag ipinurya manga tawu. Nakalakaw siya sakit ag kakurian. Pinatlikudan nita siya, pinuyaan, ag balaw pinahalgaan.

Isayas 60:14

Ti manga anak manga nag-api sa kanmu pumakarani sa kanmu ag gumalang. Manluhud sa kanmu atubangan ti manga magpuya sa kanmu, ag kawu ingarnan nida, ‘Banwa Panginuun’ ngatay ‘Siun, ti Banal pag Banwa Diyus Israil.’

Danyil 8:23

“Sa uryan manga sirang nida paghari, sa udas masyadu yi kanda kadautan, humari ti usa ka mahigpit ag maradaya pag hari.

Matiyu 10:21

“Sa ati pag manga sirang, itudlu kay patar-ari tabug sa kalaban agud matyun. Katunda diman ti buwatun aban ama sa kay anak. Labanan manga anak kanda manga gurang kanda ipamatay.

Matiyu 4:1

Bag-u dinara Ispiritu Banal si Hisus atabug sa pangawakawaan hampay tuksuhun siya diyablu.

Lukas 10:16

Sinabi ni Hisus sa kay manga tuludluan magkun, “Ti magpatingi sa kanyu, magpatingi diman waydi sa kangku. Ti magdayu sa kanyu, magdayu diman waydi sa kangku. Ti magdayu sa kangku, magdayu diman waydi sa nagsugu sa kangku.”

Lukas 16:14

Inda pag manga adal tanan-tanan nadnugan manga Parisiyu manga maraibgun sa kuwarta. Nakan linibak nida si Hisus.

Huwan 6:70

Sinabi ni Hisus magkun, “Kamu yi ngani ungud sampulu may duwa ka tuludluan kang pinili. Dapat ti usa sa kanyu takinan ngap manga labang.”

Ruma 1:29

Nasakup yi sida tanan kalasi kadautan, kalukuhan, maramuun, daut pag naisipan. Punu sida kainggitan. Nag-ugali sida sa maglibun tawu, sa magtalaluhan, sa magdaya hanggan sa maglupig. Sida maglibak daut,

Ruma 1:31

manga unman may intindi, manga parahimudilun, udyi may awa, udyi sida may pasunaid sa kanda kaparihu.

1 Kurintu 7:5

Danga mag-irirangan ti mag-asawa, purya lang sa kanyu taratuhan nu pira ka sirang agud makapadugay kamu sa darangin, bag-u magmirinsanan maan kamu, barang kamu matuksu ni Satanas nu udyi kamu makabata.

1 Kurintu 7:9

Dapat nu unman makabata sida, mahimu diman makaasawa. Makuri nakan ti magkagamun sa magpangasawa, mayad waya ti may asawa.

1 Tisalunika 4:8

Nakan nu may tawu magpasipala sa inda pag manga paanyu, balaw tawu kay pag-ipasipala nu unman ti Diyus, imaw ti namakaun kay Ispiritu Banal sa kanyu.

1 Timutiyu 3:11

Kailangan hanggan kanda manga asawa mabuut, danga sida magkutsu-kutsu. Kailangan sida manga mayad gid, matinupadun sa tanan bagay.

Titu 1:8

ag balaw waydi mag-irang kay balay. Kailangan siya maraibgun sa mayad, mapinigilun sa kay sadili, matinupadun sa kay kaparihu tawu, masurundun sa Diyus, mapinasunaidun sa kay sadili.

Titu 2:3

Katunda diman pagkumun kawu sa manga gurangun pag babayi, kailangan ipakakit nida kanda maggalang sa Panginuun hanggan sa tawu, danga sida parabangdan sa tawu, danga sida magkadara sa manga irinmanun, bagkus kailangan pagtudlu sida sa mayad.

Santiyagu 2:6

Dapat unman ngap paggalangun niyu ti manga pugri. Unman aw ti mayaman ti mag-unuunu ngapu sa kanyu, magpangarudkud sa kanyu atag sa talaghusay?

2 Pidru 2:14

Unman sida may paghanapun nu ud pararauragan lang. Ud magsuku sida sa magbuwat kasalanan. Pagtaban-tabanun nida ti manga malumuy tag sa kasalanan. Anad gid sida sa maramuun. Sida manga sinaadan yi Diyus.

2 Pidru 2:19

Bilang madi sida magsabi sa manga tawu kanda pagbutungun kuntay udyi kunu may umampara sa kanda kagustuhan, dapat sida yi ngap maaw ti panawuhun kalukuhan. Dahil ti tawu sumirbi sa una hintay tigsakup sa kanya.

2 Pidru 3:3

Un-an gid sa tanan kailangan kanyu alamun kuntay aban sa uryan sirang may manga tawu kanda ugali angay sa kanda mahalay pag kagustuhan naisipan.

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.

Hudas 1:18

Kaybi di waya sinabi yi nida sa kanyu magkun, “Nu sa uryan uryan aban pag panahun lumutaw ti manga palalibak, manga panawuhun ngani nida sadili daut pag kagustuhan, manga unman magkadala sa Diyus.”

Ipinakakit 13:15

Pinahintulutan ti ikadwa pag hayup malangas hampay pakanan niya arup ti tawu-tawu ga hayup malangas, nakan ngani magbagaw ti tawu-tawu. Pinakan-an kapangyarihan ti ikadwa pag hayup malangas hampay kay ipamatay ti tanan tawu dayu magsamba sa kay tawu-tawu ga hayup malangas.

Ipinakakit 13:17

Unman mahimu magbili una magpabili nu unman tunda lang ti may marka ngaran hayup malangas aw ngatay rumiru niya ngaran.

Ipinakakit 16:6

Pinalanas nida ti dugu manga tawu napasakup sa kanmu hanggan ti dugu manga purupita. Taynguna pinakan-an nimu sida dugu kanda yi irinmun. Tida ti angay yi gid ngani sa kanda binwat kasalanan.”

Ipinakakit 17:6

Nakitan niku ti babayi ga nalangu sa dugu manga tawu napasakup sa Diyus ag sa dugu manga minatay dahil sa kanda pagsarig sa kan Hisus. Pagka nakitan niku siya, naglingut aku masyadu.