2 Timutiyu 3:2 - Hanunuu

² Ti manga tawu aban makasadili, maramuun sa kuwarta, palabi-labihun, yabang-yabangin, magpanmuransa, supladu sa gurangun, unman may pasunaid sa kay sadili, ag unman magpasakup sa Diyus.

2 Timutiyu 3:2 Iomraidhean Croise

Kanta 10:3

Dahil pag-ipadayaw nida kanda daut pag manga kagustuhan. Sida pag manga daluk magsaad ag magpuya sa kanmu, Panginuun.

Kanta 49:6

magsarig ag magpadayaw sa kanda kayamanan.

Kanta 52:1

Kamu pag manga makapangyarihan pag manga tawu, hayga pag-ipadayaw niyu kanyu kadautan? Unman aw lugud ti Diyus mayad pirmi sa kanyu?

Kabagawan 6:17

ti marapadayaw, ti marapudil, ti magmatay tawu,

Isayas 10:15

Mahimu aw magpayabang ti wasay ngatay ti ragari sa maggamit sa kanya? Makabyaw aw pamakul ti may hiyaput sa kanya?

Danyil 11:36

“Buwatun hari Sirya una hintay kay gustu buwatun. Kilalan-un niya kay sadili abwat man sa tanan diyus, ag puyaan niya ti Diyus abwat man sa tanan pag diyus. Magmarapanalu siya tugka sa udas ipakakit Diyus kay pangagalit, dahil kailangan gid mangyari ti manga bagay ihinanda Diyus mangyari.

Danyil 7:25

Bumagaw siya manga bagaw laban sa Kaabwat-abwatan pag Diyus, ag unu-unuhun niya ti manga pinili Diyus hampay maging banal. Pilitun niya bag-uhun ti manga pista ag kasuguan. Ag ipasirung sa kanya ti manga pinili Diyus hampay maging banal, sa sulud tulu ka timpu may tunga.

Matiyu 15:6

udyi kailangan siya maggalang sa kay ama sa kay ina. Dahil sa kanyu minana patayak layi kaumputan, unman yi ngap pagpahalgaan niyu ti Bagaw Diyus.

Lukas 12:15

Bag-u sinabi niya sa kanda, “Pag-ingat gid kamu, pag-aman kamu agud kanyu tagipusuun unman maramuun. Dahil ti tawu balaw kumakit buhi nu sa abunda lang pag kasiyunan.”

Lukas 16:14

Inda pag manga adal tanan-tanan nadnugan manga Parisiyu manga maraibgun sa kuwarta. Nakan linibak nida si Hisus.

Lukas 6:35

Dapat mahala niyu kanyu manga kalaban, pakan-an niyu sida mayad, pagpaudam kamu danga yi magsarig kuntay ulian kamu. Nu katunda, daka pag pirimyu kanyu tanggapun ag kilalan-un kamu manga anak Makamaskihan pag Diyus. Dahil magbaya siya una sa manga tawu unman may pasunaid ag makasalanan.

Binwat 5:36

Dahil udwaya waydi dugay kadaka kabay nagluwang si Tiyudas magkun, siya yi ngani kunu ti pangulu may kapangyarihan. Bag-u upat ka gatus lalaki napausa ngani sa kanya. Dapat ay pagka minatay si Tiyudas, nanarigwasak yi lang kay manga kaibahan ag taynguna udyi may naalaman.

Ruma 11:18

Dapat danga kamu magpuya sa kay pinlud pag manga sanga. Isipa nimu balaw kawu tig-alaga sa kay gamut, ti gamut di tig-alaga sa kanmu.

2 Kurintu 5:15

Namatay si Kiristu dahil ngani sa tanan tawu hampay ti manga buhi taynguna danga kanda pag-isipun kanda lang sadili kagustuhan naisipan. Bagkus ngap kailangan si Kiristu yi ti turunuha nida buhi imaw ti namatay dahil sa kanda, siya diman nabuhi maan tungkul sa kanda.

Pilipus 2:21

Dahil ti pagsipagan manga iba kanda lang sadili pangailangan, unman tungkul sa kay buruwatun ni Hisu-Kiristu.

Kulusas 3:5

Nakan kailangan matyun yi lang niyu ti kagustuhan niyu angay waya sa kalibutan, ti panguragin, ti manga mahalay, ti gamun sa kahalayan, ti daut pag manga hilig, ti mairibgun sa kasiyunan imaw diman ti usa ka kalasi panamba sa diyus-diyusan.

2 Tisalunika 2:4

Siya yi gid ti Manuglaban. Magpalabi-labi siya laban sa tanan pag-ingarnan manga tawu kuntay diyus hanggan sa tanan pag manga pagsambahun nida. Pagka dugay ipaabwat niya kay sadili, sumaka siya sa Balay Diyus, tumukaw siya ati akuun niya kuntay Diyus siya.

1 Timutiyu 1:20

Katunda diman sida ni Himiniyu ni Alihanduru. Ipinabahala niku sida sa kan Satanas hampay sida magkariga yi danga yi maglapastangan sa Diyus.

1 Timutiyu 1:9

Alam diman waydi nita ti Kasuguan bukun binwat para sa tawu matadlung nu unman para sa manga tawu unman magbati sa batas ag sa manga manlahug, sa manga tawu daut ag sa manga makasalanan, sa manga unman magsarig sa Diyus ag sa manga maglapastangan, sa manga magmatay sa ina sa ama, ag sa manga maglibun sa tawu,

1 Timutiyu 3:3

Kailangan unman maraibgun siya sa irinmun makalangu, balaw diman arisgadu, kailangan pag maalumanay ngap siya, maraibgun sa kahusayan, danga maraibgun sa kuwarta.

1 Timutiyu 6:10

Dahil ti hangad sa kuwarta imaw ti gimpuunan tanan kadautan. Dahil may manga tawu maraibgun sa kuwarta nagsimray sa kanda pagsarig, nagpakaun sida kakurian sa kanda sadili buhi.

1 Timutiyu 6:4

tunda pag tawu magpadayaw-dayaw dapat unman may kadunungan. Naugalian yi waydi niya ti parairgu hanggan ti aratwan tungkul sa manga sanglitan, imaw ti pagpun-an durumtan, kagalitan, puruyaan hanggan magbarangdanan,

2 Timutiyu 3:4

Balaw lang tunda, paradaya waya sida, daluk-daluk, palabi-labihun, mahilig sa daut pag kasayahan, unman ngap pagpahalgaan nida ti Diyus.

Santiyagu 2:8

Masulung kanyu pagbuwatun nu magtupad lang kamu sa mahalaga pag sugu Diyus nisurat sa Banal Kasuratan magkun, “Mahala nimu kanmu kaparihu ga kanmu diman waydi sadili bilug.”

Santiyagu 4:16

Dapat kamu magpalabi-labi, magpayabang-yabang. Tunda ngap duy daut.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”

1 Pidru 5:5

Kamu duy pag manga udwaya masyadu kanyu idad, kailangan pagpasakup kamu sa manga manug-asiwa iglisya. Pagparasakpan kamu tanan magsirirbihan kamu sa usa kag sa usa. Angay sa isinurat sa Banal Kasuratan magkun, “Ti Diyus lumaban sa mayabang-yabang, dapat pakan-an niya kaayadan ti mapinakumbabaun kay naisipan.”

2 Pidru 2:10

Lalu gid parusahan aban ti manga mag-ugali angay lang sa sadili nida kagustuhan sa daut pag naisipan hanggan sa mahalay ag unman madunung magpanagunsirung sa may kangaranan. Manga paranghasin tunda pag manga pudilun pag manga manugtudlu, manga palabi-labihun. Unman paggalangun nida ti manga makapangyarihan sa langit, bagkus ngap kanda paglibakun.

2 Pidru 2:12

Dapat ay tunda pag pudilun pag manga manugtudlu parihu sa manga hayup simarun unman may buut, nianak sida hampay dakpun ag matyun. Ti manga bagay unman magkasalman nida imaw ngap ti kanda paglapastanganun, nakan parihu sa manga simarun hayup sida ipadamhak diman.

2 Pidru 2:18

Palabi-labihun sida nu magbagaw dapat unman diman may kahulugan ti kanda pagsabihun. Kanda garamitun kanda daut pag kagustuhan naisipan hampay maudyukan bumalik maan sa kadautan ti manga bag-u lang magpakarayu sa manga tawu daut kay ugali.

2 Pidru 2:3

Manga maramuun sida, nakan magpabalhinguun sida sa kanda tudlu hampay sida pakan-an niyu kuwarta. Ginan waya sa kabag-u ihinanda yi ti sintinsiya sa kanda, alistu yi sumintinsiya.

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.

Ipinakakit 13:1

Bag-u nakitan niku ti usa ka hayup malangas magpatakas ginan sa dagat, sampulu kay sungay ag pitu kay ulu. Kada usa ka sungay may sangbaw hari, kada ulu may nakasurat ngaran manga lapastangan sa Diyus.

Ipinakakit 16:11

Dapat ay sinaadan di ngap nida ti Diyus sa langit dahil sa nalakawan nida kakurian may tapil waya manga biyag. Unman gid sida nag-ampu nagtayak sa kanda buwat kadautan.

Ipinakakit 16:21

Ilinagpak ginan sa langit ti yilu ga manga batu kay kabuyat limampulu ka kilu ti kada usa. Nadugsakan ti manga tawu yilu daraka, nakan naglapastangan sida laban sa Diyus. Masyadu gid madala inda pag kahigpitan.

Ipinakakit 16:9

Napalian ngani sida masyadu pag init, dapat sinaadan waya nida kay ngaran Diyus madi siya ngap ti may kamaskihan magpadara katunda pag manga kahigpitan. Unman nag-ampu sida sa kanda manga kasalanan ag unman diman waydi nagdayaw sida sa Diyus.