2 Timutiyu 2:9 - Hanunuu

⁹ Dahil sa kang magtudlu Mayad pag Barita nakan aku mag-agwanta sa kakurian hanggan sa pirisuhan parihu sa may kasalanan. Dapat balaw magkagapus ti Bagaw Diyus.

2 Timutiyu 2:9 Iomraidhean Croise

Lukas 23:32

May dinara waya sida duwa ka tulisan agud matyun dungan kan Hisus.

Binwat 21:33

Nagpakarani ti kumandir bag-u kay dinakup si Pablu, kay ipinagapus duwa ka tarikada. Nagpaingana ti kumandir magkun, “Si unu inda pag tawu, hintay lugud kay binwat?”

Binwat 28:31

Ipinaliwanag niya tungkul sa kay paghari Diyus ag itinudlu niya tungkul sa Panginuun Hisu-Kiristu. Matutum kay naisipan ni Pablu sa kay magtudlu ag unman may nag-ampara sa kanya.

Binwat 9:16

Ipaalam diman waydi niku sa kanya ti tanan niya kailangan tiisun sa kay magpakilala sa kangku sa manga tawu.”

Ipisu 3:1

Nakan magdarangin ngani aku sa kanyu, aku si Pablu ti napirisu dahil sa kan Kiristu Hisus tungkul sa kanyu sa manga balaw Hudiyu.

Pilipus 1:17

Una ti manga maghirak magtudlu diman waydi tungkul sa kan Kiristu, dapat unman buu kanda naisipan sa Panginuun. Kanda turunu sa ikaayad lang nida sadili kahamtangan ag gustu ngap nida pakurian waya aku sitay sa pirisuhan.

Pilipus 1:7

Magbaya aku sa kanyu, pirmi diman kang pag-isipun sa kang tagipusuun. Nakan balaw salan kang pag-isipun katida sa kanyu tanan, kabay kamu tanan minsan sa kangku may kabahagi sa inda pag marinu pag katungkulan kay ipinakaun Diyus sa kangku una taynguna kang sa pirisuhan hanggan sa kang magtultul sa Mayad pag Barita sa atubangan husgadu.

Kulusas 4:18

Aku si Pablu ti may surat inda pag kamusta. Alalahana di niyu aku sa pirisuhan. Pagsa kanyu ti papalad Diyus.

Kulusas 4:3

Kada kamu magdarangin, idarangin diman niyu kami hampay pakan-an kami Panginuun rugar sa makatudlu kay Bagaw ag hampay maipakilala ti madalum pag katutuuhanan ni Kiristu. Dahil sa kang magtudlu nakan aku pinirisu taynguna.

1 Tisalunika 1:8

Dahil balaw lang bagaw Panginuun ti nalantag sa Masidunya ag sa Akaya ginan sa kanyu, hanggan ngap ti barita tungkul sa kanyu pagsarig sa Diyus nibantug diman sa tanan rugar. Udyi kailangan tultulun waya nimi tunda sa manga tawu.

2 Tisalunika 3:1

Inda waya duy manga patar-ari, kang mana sabihun sa kanyu. Daranginan niyu kami hampay ti bagaw Panginuun mikalat madali sa tanan rugar, hampay pahalgaan inda tanan manga tawu parihu diman sa kanyu binwat.

2 Timutiyu 1:12

Tida ngani kay dahilan nakan aku mag-agwanta inda pag kakurian. Dapat ay una katida unman aku mag-alinlangan. Dahil lubus niku magkakilala kang Panginuun kang pagsarigan. Pihu gid kaya niya maingatan ti kang inintirga sa kanya hanggan sa ud rumas-ug ti kaudasan Panginuun.

2 Timutiyu 1:16

Pag-idarangin niku ti magtal-anakan ni Unisipuru hampay kaawaan sida Diyus. Balaw di kas-a sinaya niya aku. Balaw aku kinay-ahan niya madi aku pirisu.

2 Timutiyu 1:8

Nakan ngani danga magkay-a magtultul tungkul sa Panginuun. Danga waydi ikakay-a nimu kang mapirisuhan dahil sa kanya. Bagkus ngap pagdamay sa kakurian dahil sa magtudlu Mayad pag Barita, pagsarig sa kamaskihan Diyus.

2 Timutiyu 2:3

Pagdamay kawu sa kakurian parihu sa usa ka mayad pag sundalu ni Kiristu Hisus.

2 Timutiyu 4:17

Dapat balaw aku pinabay-anan Panginuun. Pinakan-an aku kabisugan hampay lubus mipaliwanag niku ti Mayad pag Barita sa tanan manga balaw Hudiyu. Naribri di aku madi kanda mana ibahug sa manga liyun.

1 Pidru 2:12

Kailangan pag may kaayusan kanyu ugali sa karaw-an manga unman magsarig sa Panginuun. Una abi kamu kanda pagbangdanan sa buwat daut, makitan di nida kanyu mayad pag buwat hampay dumayaw di aban sida sa Diyus nu kaudasan yi karas-ugan ni Kiristu.

1 Pidru 2:14

Pagpasakup diman kamu una sa manga gubirnadur, imaw ti manga suruguun Pangulu Hari hampay magparusa sida sa manga magbuwat daut ag hampay magdayaw sa manga magbuwat mayad.

1 Pidru 3:16

Dapat pagmaalumanay kamu paggalang nu kamu magpaliwanag. Pag-ugali kamu sa malumpiyu kanyu tagipusuun hanggan naisipan hampay mangay-a ti manga magmuransa sa kanyu hanggan ti manga mag-away sa kanyu mayad ugali, dahil ngani kamu kay suruguun ni Kiristu.

1 Pidru 4:15

Danga maglibun sa tawu, danga magtakaw, danga may magbuwat kadautan, danga umapu nu bukun kanyu, hampay kamu balaw maparusahan dahil sa kanyu kasalanan.