2 Timutiyu 2:2 - Hanunuu

² Ti manga nadnugan nimu sa kangku sa atubangan mayamu manga manugpatingi kailangan kanmu waydi itudlu iintirga sa manga tawu magkaasahan magtudlu waydi sa iba.

2 Timutiyu 2:2 Iomraidhean Croise

Isra 7:10

Inawatan siya Diyus dahil itinigana niya kay sadili sa pag-adal hanggan sa pagtupad sa Kasuguan Panginuun, ag sa pagtudlu manga surundanun hanggan manga sugu sa manga Israilita.

Isra 7:25

“Kawu, Isra, angay sa ipinakaun Diyus pag kadunungan sa kanmu, pagpili kawu manga takinan hanggan manughusay may alam sa Kasuguan nimu Diyus. Manpatigayun sida sa tanan tawu sa purubinsiya isalpan Iyupratis. Ag ti manga tawu balaw nakaalam sa Kasuguan tudluan niyu.

Nihimyas 7:2

Ipinakaun niku ti katungkulan sa pagdumara sa Hirusalim sa kang patar-ari sa kan Hanani kaibahan si Hananiyas kumandir manga guwardiya sa mapag-un pag kampu. Pinili niku si Hananiyas dahil magkapiyaran siya ag maggalang sa Diyus higit sa tanan.

Kanta 101:6

Dapat pakakitan niku pagmahal kang manga kasimanwa matinupadun sa Diyus magkabuhi balaw may ikasabi. Makaibahan niku sida dahil pasnuan niku sida sumirbi sa kangku.

Kabagawan 13:17

Ti daut pag manugpadakit magpagulu sa manga tawu, dapat ti masarigan pag manugpadakit magparinu sa kanda pagkarausa.

Hirimyas 23:28

Pabay-ani niyu mamagaw inda pag manga purupita tungkul sa kanda manga tagin-up, dapat ti manga purupita nakadnug sa kang manga bagaw kailangan manultul inda may buu matinupadun. Dahil tuhay kanda manga tagin-up kaysa kang manga bagaw, parihu sa dayami tuhay sa tirigu.

Libitiku 14:42

Bag-u ilisan niya ti manga daan batu tiningkab sa bahagi lingub ag pakputan pamalitis.

Malakyas 2:7

“Sa tutuu lang, kamu ti manga manughandug, katungkulan niyu ti magtudlu sa manga tawu hampay maalaman nida ti tungkul sa kangku. Ag kailangan diman magpatudlu sida sa kanyu dahil kamu kang manga manugbarita.

Bilang 12:7

Dapat balaw katida aku nu maghampang sa kan Muysis sa kang suruguun, masarigan pag takinan niku tanan nasakupan.

Matiyu 13:52

Magkun siya sa kanda, “Nakan ngani ti kada manugtudlu Kasuguan nu tuludluan siya sa kaharian langit, parihu siya sa usa ka may puun balay bumulwat manga bag-u pag bagay may daan ginan sa kay hamnuan.”

Matiyu 24:25

Tandai gid niyu, dahil udwaya nangyari tunda, ipinasandam yi niku daan sa kanyu.

Lukas 12:42

Sinmagut ti Panginuun magkun, “Ti panawuhun nu matinupadun ag mapininsaran imaw ti pagpiyaran niya amu hampay pakan-an niya karan-unun kay kaparihu manga panawuhun may bahaw may yabas may yapun.

1 Kurintu 4:2

Ti piniyaran kailangan pagtupad sa kay buruwatun niya amu.

2 Kurintu 2:14

Dapat salamat sa Diyus, dahil sa kanta pakiusa sa kan Kiristu, pirmi kita pagdarahun Diyus ga manga pirisu hampay ipadakit kay panalu ni Kiristu. Paggamitun kita Diyus hampay ikalat sa tanan rugar ti pagkilala sa kan Kiristu parihu ga hungaw mabanglu.

2 Kurintu 3:5

Nu sa kanmi lang ud may kaya sa inda pag buruwatun. Kanmi kabisugan lunsay pakaun Diyus.

Kulusas 1:7

Inda inadalan niyu ginan sa kan Ipapras, imaw ti matinupadun pag suruguun ni Kiristu. Parihu diman ga kanmi siya panawuhun waydi sa buruwatun, kanmi pinagkaginhawa sa kanyu.

1 Timutiyu 1:12

Magpasalamat aku sa kanta Panginuun Kiristu Hisus, dahil siya tigpabisug sa kangku hampay mabuwat niku inda pag buruwatun ag kinilala niya aku kuntay aku matinupadun, nakan pinili niya aku hampay magsirbi sa inda pag katungkulan.

1 Timutiyu 1:18

Inda pag bilin kang pag-ipabahala duy Timutiyu sa kanmu angay sa manga ipinurupita kaybi tungkul sa kanmu, imaw ngani tigpabisug sa kanmu maglaban sa kadautan.

1 Timutiyu 4:14

Danga paghamnua nimu ti ipinakaun Ispiritu Banal sa kanmu angay sa ipinurupita katpung sa nagkupa manga manug-asiwa iglisya kanda kamang sa kanmu.

1 Timutiyu 4:6

Kawu ti mayad pag suruguun ni Kiristu Hisus nu itudlu nimu sa manga patar-ari inda pag manga bilin. Intindiha nimu ti Bagaw Diyus imaw ti makapakaun sarig sa kanmu tagipusuun ag imaw ti marinu pag tudlu kanmu diman waydi pagsundun.

1 Timutiyu 5:22

Danga magkadaldali sa magkupa kamang una sa kantapu hampay pakan-an siya katungkulan sa iglisya. Pagdahan kawu sa dayu kawu maabay sa kasalanan manga iba. Pagpirmi kawu unman may huput kasalanan.

1 Timutiyu 6:12

Buwata nimu tugka sa kanmu makaya hampay ingatan nimu ti katutuuhanan tungkul sa kanta pagsarig una may kalaban bag-u makarubtan nimu ti tutuu pag buhi unman may katapusan. Kabay imaw pag buhi kay turunu Diyus. Nakan kawu kay pinili Diyus, pagka ipinakilala nimu mayad-mayad kanmu pagsarig sa mag-adnugan kayamuan tawu.

2 Timutiyu 3:10

Dapat balaw katida kawu. Kanmu ngap sinunud kang manga bilin, ugali hanggan turunu. Alam yi waydi nimu kang pagsarig, kang matugway, kang pagmahal hanggan kang matiniisun.

2 Timutiyu 3:14

Dapat danga nimu pagbul-iwi ti kanmu manga nataw-an sa kanmu mag-adal hanggan ti kanmu sinarigan, dahil nakilala yi waydi nimu ti manga tawu nagtudlu sa kanmu.

Hibriyu 2:17

Nakan ngani kailangan siya parihu diman waydi sa kay manga patar-ari sa tanan manga bagay hampay siya usa ka pangulu manughandug sa Balay Diyus maawaun ag matinupadun sa kay magsirbi sa Diyus, hampay mapatawad Diyus ti kasalanan manga tawu.

1 Samwil 2:35

Manpili aku manughandug kay gid matinupadun sa kangku ag masurundun sa kang kagustuhan. Pakan-an niku siya manga lahi imaw ti sumirbi sa kang pinili pag hari sa unman may katapusan.