2 Timutiyu 1:5 - Hanunuu

⁵ Dayu gid niku malimtan kanmu buu pagsarig, parihu sa kay pagsarig nimu idu ni Luida hanggan sa kay pagsarig nimu ina ni Yunisi. Alam niku una kawu katunda diman kanmu pagsarig.

2 Timutiyu 1:5 Iomraidhean Croise

Kanta 116:16

Panginuun, tutuu pag manugsirbi nimu aku. Irinibri nimu aku sa pagkabihag.

Kanta 17:1

Patingihi, Panginuun, kang maghagad katadlungan. Patingihi kang buu tagipusuun darangin.

Kanta 18:44

Mag-asaydan di waya nida aku, magluhud sida sa kadalaan, ag rargu magsunud sa kang sugu.

Kanta 22:10

Ginan sa kang pagkalusad, sa kanmu aku pag ipinakaun ag kawu lang kang Diyus.

Kanta 66:3

Sabihi niyu siya, “Diyus, makadululaw gid kanmu manga buwat. Dahil sa kanmu daka pag kamaskihan, kanmu manga kalaban magluhud sa kanmu sa kadalaan.

Kanta 77:6

Pag-alalahanun niku ti manga udas magkanta aku sa yabi. Mag-isip aku ag inda kang pag-ipaingana sa kang sadili:

Kanta 81:15

Ti manga magkagalit sa kangku, manluhud sa kangku sa kadalaan. Kanda parusa unman may katapusan.

Kanta 86:16

Pakidnugi aku ag kaawai; ayawi aku kanmu kabisugan ag ribrihan aku, kanmu manugsirbi.

Hirimyas 3:10

Ag ti pinakadaut waya, balaw buluntad nagbalik sa kangku ti maradaya pag Huda. Pabalhingu lang siya kuntay magbalik sa kangku. Aku, ti Panginuun, ti magsabi inda.”

Huwan 1:47

Pagka nakitan ni Hisus si Natanail magpakarani sa kanya, sinabi niya tungkul sa kan Natanail magkun, “Tunda pag tawu tutuu gid Israilita. Unman gid siya maradaya.”

Binwat 16:1

Nag-ati diman si Pablu sa banwa Dirbi hanggan sa banwa Listara. May usa ka tawu ati magsarig diman sa kan Hisus, kay ngaran si Timutiyu. Kay ina ni Timutiyu Hudiyu, napasakup diman sa kan Hisus. Kay ama Giriyigu.

Binwat 26:26

Unman aku kailangan magkadala maghampang sa kanmu duy, Hari Agripa, dahil magkaalaman yi waydi nimu inda tanan-tanan. Pihu gid nabaritaan nimu daan inda pag manga itinultul niku taynguna, dahil inda nangyari balaw sa lihim, unman diman sa arayu pag rugar.

Ruma 14:14

Angay sa kang magpakiusa sa Panginuun Hisus naintindihan niku pihu ud may turun-anun pag karan-unun. Dapat nu may tawu mag-isip kuntay may kalasi karan-unun pag-irangan, danga yi lang siya magkaun.

Ruma 14:5

May tawu magsabi may mahalaga pag sirang, may tawu waydi magsabi parihu lang ti tanan pag manga sirang. Pagpakarig-un ti kada usa sa kay naisipan nu naan ti mayad sa kanya tungkul sa siti.

Ruma 15:14

Manga patar-ari, lubus aku magpaniwala ud may kurang kanyu kaayadan, may kang-ud kanyu kaalaman ag madunung kamu magparaalalahanan sa usa kag sa usa.

Ruma 4:21

Lubus siya nagsarig tupadun di gid Diyus kay taratu.

Ruma 8:38

Napihu yi niku unman may bumulag sa kanta ginan sa pagmahal Diyus, una kamatayan, una buhi, una manga anghil, una manga labang, una manga paglakawan sa taynguna, una sa paratabgan waya, una manga kapangyarihan,

2 Kurintu 6:6

Kanmi diman ipinakilala kuntay kami kay suruguun Diyus sa mayad nimi pag ugali, sa kaalaman, sa maalumanay, sa mayad pag nabubut-un hanggan sa panab-anan Ispiritu Banal, sa may lubus pagmahal,

1 Timutiyu 1:5

Kailangan katida kanmu bilinan sida hampay may pagmahal sida ginan sa kanda malumpiyu pag tagipusuun ag ginan sa naisipan nu udyi may pag-alalahanun kasalanan, hanggan ginan sa kanda pagsarig balaw magpabalhinguun.

1 Timutiyu 4:6

Kawu ti mayad pag suruguun ni Kiristu Hisus nu itudlu nimu sa manga patar-ari inda pag manga bilin. Intindiha nimu ti Bagaw Diyus imaw ti makapakaun sarig sa kanmu tagipusuun ag imaw ti marinu pag tudlu kanmu diman waydi pagsundun.

2 Timutiyu 1:12

Tida ngani kay dahilan nakan aku mag-agwanta inda pag kakurian. Dapat ay una katida unman aku mag-alinlangan. Dahil lubus niku magkakilala kang Panginuun kang pagsarigan. Pihu gid kaya niya maingatan ti kang inintirga sa kanya hanggan sa ud rumas-ug ti kaudasan Panginuun.

2 Timutiyu 3:15

Ginan sa diit di waya kawu, naanad yi kawu sa Banal Kasuratan, imaw ti makapakaun kadunungan sa kanmu sa ikaribri nimu nu kawu magsarig sa kan Kiristu Hisus.

Hibriyu 11:13

Sida tanan ti manga sinmarig tugka sa kamatayan, unman nakamtan nida ti itinaratu, dapat bilang ga kanda di nabantay ginan sa arayu, sida nakabaya di. Naisipan nida sida pasay manga nanday-u lang, ag balaw may kapunduhan sitay sa babaw daga.

Hibriyu 6:9

Dapat ay duy manga patar-ari, madi katida kanmi pagkumnun, balaw diman kuntay kami mag-alinlangan tungkul sa kanyu. Pihu kaayadan ngap ti kanyu patabgan angay sa kanyu karibrihan.

1 Pidru 1:22

Taynguna kamu manga malumpiyu yi dahil kamu manga masurundun yi sa katutuuhanan, ag dahil kamu may pagmalahalan sa usa kag sa usa balaw sa magpabalhinguun. Pagmaimbung gid kanyu buu tagipusuun kanyu pagmalahalan sa usa kag sa usa.